Romans 4:19 - Patamuna New Testament Revised

¹⁹ 100 peiwa lànen ikilichimochiyi iwechippù màlà. Tùse ailon tetok ya wattu'mùntappù pen tùwattu'mùntasak pàk molopai Sarah uya mule yepolo pùla iwechi pàk iichenumenka yau.

Romans 4:19 ပူးပေါင်းရင်းမြစ်များ

Matthew 14:29

“Àikkàichi!” tukaik Jesus uya yeikuppù. Peter uttàppù màlà kanau yapai tuna pona, molopai iitàppù tuna polo Jesus piyak.

Matthew 14:31

Asse'ne Jesus usenkappù iwinàkàik yachippù ya molopai ipàk, “Attu'mùla kulu ailon tetok auya man! Yà'là pe ken uchi iwechi pàk ailon te auya pùn?” teppù ya.

Matthew 6:30

Katù mùkkàlà wanak pontànài, wanak nulà nai'nùk sàlà pe, ippla nai'nùk ewanawà, tùpottàsen apok ke. Àpontà kon ya pen kulu ken na' uchi, màlà yamùk yentai? Attu'mùla kulu ailon tetok auya'nokon man!

Matthew 8:26

“Yà'là peichi iwechi pàk ewettalipasak kon màlà? Attu'mùla kulu ailon tetok auya'nokon man!” tukaik Jesus uya yeikuppù. Màlàyau iwe'wuluukappù molopai assetun molopai chipachipa weleutatoppe ikupùppù ya, molopai iwàttù'nàkapùppù màlà.

Romans 14:21

Wakù peiwa iwechi màlà kamo pun yanù pùla we'nà yau, wapùla yà'là yekkwa là so'li inchi pùla we'nà yau. Molopai wakù peiwa iwechi yà'là yekkwa là tùulon kappon wekkawai'matoppe ku'nài kupù pùla iwechi yau.