Romans 4:18 - Patamuna New Testament Revised

¹⁸ Abraham uya ailon teppù, molopai enpen iwechippù enpen we'nàtok ipàk pùla tùse, molopai màlà kasa iwenappù “Màlà kasa apayan yamùk wettok woton tukke,” teppù ipàk kasa. {Gen15.5}.

Romans 4:18 ပူးပေါင်းရင်းမြစ်များ

Luke 1:18

Zechariah uya inchelù pàk, “Yà'là kasa ken uchi sàlà wechi wa ittu uya? Amoko pe nen wessaik, molopai unoppù nàlà kokko pe man,” teppù.

Yeunossak kon Wotokoyi 27:25

Màlàpàk, kàyik yamùk, kesenalippatàu! Masapùla ailon ukayaik Katù pàk, yekamappù upàk kasa iwechi màlà.

Romans 4:17

Katù Maimu uya, “Àkonekasak uya sàlà tukkan pata yawon kon kappon yamùk kàipùnù pe, ” te kasa. {Gen 17.5} Màlàpàk kùkàipùnù kon mùkkàlà Katù yenu yau, ailon tawon nùppù ipàk, Katù iwelichak lùppù lepanài wema'nàtok ke molopai emennak ton konekanài yà'là pen yapai.

Romans 4:19

100 peiwa lànen ikilichimochiyi iwechippù màlà. Tùse ailon tetok ya wattu'mùntappù pen tùwattu'mùntasak pàk molopai Sarah uya mule yepolo pùla iwechi pàk iichenumenka yau.

Romans 5:5

Sàlà enpen we'nàtok màlà enkuttànài pen, masapùla Katù uya pùnùnmantok tùuya tùsak màlà kùyewan kon yak, Wakù Akkwalù yai, mùkkàlà Katù uya kùlepatok kon ike yai.

Romans 8:24

Masapùla sàlà enpen we'nàtok yai wepùikattànsakù'nokon màlà. Tùse enpen we'nàtok ipàk yene'nokon yau, enpen we'nàtoppe pùla nen uchi iwechi màlà. Masapùla ànùk ken enpen tùwessen tùnene pàk?

Hebrews 6:19

Sàlà enpen we'nàtok yesappe we'nà'nokon man kùyakkwalù kon yesseppe, wakù molopai meluntà kulu, kanau yessek walai. Iwewomù màlà wakù kulu patassek, kuyalikku solinkasak yentawinon yak.