Romans 4:14 - Patamuna New Testament Revised

¹⁴ Masapùla Law yawon kon neken yemyak ikupù tùuya tetok Katù uya tùsak yau, kappon uya ailontetok wechi yà'là pe pùla eppaino, molopai Katù uya itùlù tùuya tetok wechi wakù pe pùla eppaino.

Romans 4:14 ပူးပေါင်းရင်းမြစ်များ

Romans 3:31

Ailon te kùuya'nokon pàk uchi Law wechi yà'là pe pùla pe ikupù màlà? Kanekku! Tùse ailon tetok màlà Law wechi wakù pe yenpoikanài.

Romans 4:16

Katù uya ikupù tùuya tetok wechi màlà ailon tetok yapon pe, Katù uya lepantok pe iwechi yentok ipàkàlà pe iwettoppe, tamù'nawolon kon Abraham payan yamùk ponaloppe, Law yawolon kon neken pen, tùse mùkyamlo nàlà ailon tawonnan Katù pàk, Abraham wechippù kasa. Masapùla Abraham mùkkàlà kùkàipùnù kon tamù'nawàlà, tamù'nawolon kon kappon yamùk yenupanài ailon pe we'nàtok pàk.

1 Corinthians 1:13

Ipantakapàssappe na' màlà Christ wechi? Paul wànàppù na' màlà pulusak po àponalok kon pe? Eusenpataukappù kon ken na' Paul yesek yau?

Galatians 2:21

Wakù pe Katù wettok nonka uya pen sàlà. Masapùla kappon yanùntok ikasa Katù pokonpe Law yai pe iwechi yau, yà'là woton pe pùla Christ welittoppan.

Galatians 5:4

Amyamlo Katù pokonpe ikasa tùwekkupùiche'nokon nai'nannùk law yawàlà tùwechi kon winà wepantakasak màlà Christ winàpai. Wakù pe Katù wettok yapai ewemokkasak kon màlà.

Philippians 3:9

Molopai iponaloppe wechi ittu uya. Law winà wakù pe ikasa wettok pàkànsau Katù uya uyanùmùppù pen màlà. Sàlà pe nen uchi wakù pe we'nàtok, ikasa, Katù winàpai teposen ailon tetok Christ pàk yai yesappe wessaik.

Hebrews 7:19

Masapùla Law uya yà'làlà konekasak ikasa kulu pùla iwechi màlà. Molopai sàlà pe wakùiwa enpen we'nàtok ke kùlepasakù'nokon man, màlà yai nen uchi tùuyàssan kùmyamlo mei pùla Katù piyak.

Hebrews 7:28

Law màlà, tattu'mùnù kenan kon kappon yamùk yanùnnài eke patele pe tok wettoppe. Tùse Katù uselupatok meluntà pe uyàpùppù màlà Law ye'mappùtak, Tùmu yanùmùppù ya màlà tùwùk yesappe iwettoppe. Ikasa iwekonekasak tàwàlàlà.