Romans 3:9 - Patamuna New Testament Revised

⁹ Màlàpàk nen uchi yà'là te sàlà, kùmyamlo ka' Jew yamùk wechi màlà mùkyamlo Jew yamùk pen yentai wakù peiwa lù? Kanekku! Yekamasak ina uya man Jew yamùk molopai Jew yamùk pen wechi ekkaichalà makui yo'no.

Romans 3:9 ပူးပေါင်းရင်းမြစ်များ

Luke 7:39

Yensak tùuya yau Pharisee, Jesus kà'manàippù uya tùyiwalà, “Pùsàlà wechi Katù Maimu yenpoikanài pe yau, ànùk pe pùsàlà tappàppà'nài nossan wechi ittuppù ya sàlà eppaino, yà'là yekkwa là iwemattok pe iwechi!” teppù.

Romans 1:18

Katù we'naikatok usenpoikasak man epùn winàpai. Iyàssak màlà tamù'nawolon àli ton molopai àli pe kappon yamùk wettok pona, mùkyamlo àli pe tùwettok kon yeselu ke ittutoppe pùla ailon wakkàssai'nannùk pona.

Romans 11:32

Masapùla Katù uya tamù'nawolon kon kappon yamùk kusak màlà mayin yawàlà pùla we'nàtok nachippù pe, tùusentuppatok yenpoikatoppe tùuya tamù'nawàlà tok pàk.

Romans 11:7

Yà'là nen ken uchi? Israel uya tùnùwa kon yepoloppù pen màlà. Tukkan kon pen yeponnannùssan yanùmùppù Katù uya màlà, tok tonpassan tùulon kon wenappù panattàppe Katù uya tùkà'matok kon winàpai.

Romans 2:1

Màlàpàk uchi ewe'waputtàtok ike pùla iwechi màlà, masapùla tùulon kon pàk, “Suwa iwechi,” tawon àmàlà, àpàk wa te auya pe iwechi màlà masapùla màlà lùppù tok nùkussai'nùk kupù auya pàk.

Romans 3:1

Jew peichi we'nà wechi màlà Jew pe pùla nai'nùk kappon yentai lùiwa? Yà'là ken wakù molonai teposen Jew yamùk yattàtok winà?

Romans 3:19

Sàlà pe ittu'nokon man tamù'nawolon Law yau nai'nùk wechi, mùkyamlo yawàlà nemassai'nannùk ponaloppe. Tamù'nawolon kappon we'waputtàtok kon yeleutanùttoppe molopai tamù'nawàlà wolù yawon kon kappon yamùk nettoppe Katù uya ittuntok yak.

Romans 3:5

Tùse àli pe we'nàtok uya Katù wechi wakù pe kulu yenpoika yau, yà'là te ken kùuya'nokon? Katù uya talumattàn yau ka' iwalai pen mùkkàlà te lù? (Uselupayaik talà kappon usenumenkatok kasa.)

Romans 6:15

Yà'là kupù'nokon ken uchi? Àli kupù'nokon ka'lù, masapùla Law maimu yo'no pùla we'nà pàk tùse wakù pe Katù wettok yo'no we'nà pàk lù? Kanekku!

Romans 7:14

Itu'nokon man Law wechi Katù winàpaino pe. Tùse kappon Iulà ichilanmasak àli yapyoto pe.

1 Corinthians 10:19

Ailon pen katù yemyak itùsak lùppù wechi màlà yà'là pe kulu te uya na' nai'nùk wapùla ailon pen katù wechi màlà ànùppe te uya ka'lù?

1 Corinthians 14:15

Màlàpàk yà'là kupù uya ken? Wàpùlema màlà uyakkwalù ke molopai usenumenkatok ke nàlà wàpùlema màlà, uselenpa màlà uyakkwalù ke molopai usenumenkatok ke nàlà uselenpa màlà.

1 Corinthians 4:7

Masapùla ànùk ken tùpatalà, tùulon kon yentai ewechi kon pa àkuttantàu? Yà'là ken molo nai itesappe ewettok kon enepoloppù kon pen? Molopai yepolo tùpo yà'là pe iwechi pàk autapulà kon màlà yeponàippù pen kasa.

Galatians 3:10

Mùkyamlo law winà tùwepùikattàiche tùwessan wechi màlà pa'nù'nàtok yo'no. Masapùla Katù Maimu uya, “Ànù'là tamù'nawàlà iwe'menukasak nai'nùk Kaleta law yapon pàk, yawàlà tùwessen pen wechi màlà pa'nù'nàtok yo'no!” tesak man. {Deu 27.26}

Galatians 3:22

Tùse Katù Maimu uya tamù'nawolon kon kappon yamùk wechi màlà makui meluntàlù yo'no tesak màlà. Màlàpàk itùlù tùuya teppù Katù uya, itùsak lùppù ailon tetok Jesus Christ pàk winà tùlù màlà ailon tawonnan piyak.

Philippians 1:18

Yà'là pe pùla iwechi màlà! Màlà kasa iwechipàk utauchinpayaik walàtùse Christ yekale usekamatoppe i'nai kasa là, iwalai pen wapùla iwalai là iteselu pe. Ewaik, utauchinpa pàk lùppù wechi màlà.