Romans 3:8 - Patamuna New Testament Revised

⁸ Walai yau “Àli ikuppai'nokon man màlà kupù winà wakù uyàttoppe,” te sàlà. Masapùla tùulon kon kappon yamùk uya sàlà kasa uselupa yekamasak man. Italumattàpai kulu tok wechi màlà.

Romans 3:8 ပူးပေါင်းရင်းမြစ်များ

Matthew 5:11

“Tùutauchinpasan amyamlo, kappon yamùk uya àmottùnpa kon yau, atalumattà kon yau molopai yà'là kasa là akaseipa kon yau, masapùla uya'lon kon pe ewechi kon pàk.

Romans 5:20

Law tùlùppù màlà iwalai pen kuttok wekattoppe. Tùse àli kuttok wekassak yau, Katù wettok wakù pe wekatù màlà eke peiwa kulu.

Romans 6:1

Yà'là te'nokon ken uchi? Tàwàlàlà ka' makui yau wema'nà'nokon sàlà lù, Katù wettok wakù pe wekattoppe eke peiwa?

Romans 6:15

Yà'là kupù'nokon ken uchi? Àli kupù'nokon ka'lù, masapùla Law maimu yo'no pùla we'nà pàk tùse wakù pe Katù wettok yo'no we'nà pàk lù? Kanekku!

Romans 7:7

Yà'là te'nokon ken uchi? Law wechi màlà àli pe te'nokon ka'lù? Kanekku! Tùse law màlà àli ittutoppe uya uku'nàippù. Masapùla tùulon yemamin iche we'nàtok wechi ikasa pùla ituppù uya pen sàlà eppaino, law uya, “Tùulon yemamin iche kechii!” tesak pùla iwechi yau. {Ex 20.17 Deu 5.21}

2 Corinthians 11:15

Màlàpàk enumenkanài pe pùla màlà iwechi, itapyoto yamùk wepontà wakù yapyoto yamùk kasa yau. Iwenukattok yattai tùwe'wotokomappù kon yepeppù yepolo tok uya màlà.

2 Corinthians 6:8

Namantok yau molopai kuli'mantok yau; àli pe uselupantok tùpàkù'nokon yau molopai wakù pe tapulàtok kon yau. Kasei ton tukaik tesattok kon yau, tùse ailon pe ina wechi.

Jude 1:4

Masapùla tùulon kon àliton kappon yamùk wewonsak man amak yai kùkklotta'nokon ittu kùuya'nokon pùla, pùsamlo lùppù uya wakù pe we'nàtok Katù winàpaino lattàsak man iche tùwettok kasa tùwechinma pàk tùwettok kon ipàkàlà pe, molopai Jesus Christ tewinan Kùyepulu kon molopai tamù'nwolon kon Yepoino nulunpa tok uya. Pena Katù Maimu uya yekamappù sàlà talumattàntok tok nepoloppù.