Romans 3:4 - Patamuna New Testament Revised

⁴ Kanekku! Tàwà Katù ailon pe nechii, tamùnawàlà kappon yamùk wechi kasei pe tùse. “Ikasaichi tùwemassen pe mechiik euselupa yau molopai eyittutok yentaikanài pe,” tukaik iwe'menukasak kasa. {Psa 51.4}

Romans 3:4 ပူးပေါင်းရင်းမြစ်များ

Matthew 11:19

Kàyik Mumu uyàpùppù, molopai iita'lettàppù molopai tinchisen inchippù ya, màlàyau tamù'nawolon kon uya, ‘Eke pe tùuta'lettàsen mùkkàlà molopai tùwetùnsen, pùlayatta pili'nàinan molopai àli ku'nàinan wechi yakon,’ teppù. Pukkeppe we'nàtok màlà tùusensen ailon pe inkupù winà,” teppù Jesus uya.

Luke 20:16

“Iyàpù màlà molopai mùkyamlo kàyik yamùk tùkka ya, molopai nen uchi tùulon kon umà mainanpan nan yemyak umà tùlù ya,” teppù Jesus uya. Sàlà yetasak tùuya'nokon yau kappon yamùk uya, “Tàwà ikupù ya pen màlà,” teppù.

John 3:33

Ànù'là uya ichelupatok yanùnsak yau, ailon pe Katù wechi yekama ya màlà.

Romans 11:1

Tekamappoyaik uchi, Katù uya ken na' tùponalok kon kappon yamùk nulunpappù? Kanekku! Israel tonpa nen Iulà, Abraham pa, Benjamin winàpaino kon tonpa.

Romans 11:11

Yekamappo uya sàlà, Jew yamùk wettatai'masak yau ken na' tok wekawai'mappù tùumattatok kon yak? Kanekku! Masapùla àli kussak tok uya pàk, wepùikattàntok uyàssak màlà Jew yamùk pen winàkàik, Jew pe nai'nùk kùlùmàluntoppe tok pàk.

Romans 3:31

Ailon te kùuya'nokon pàk uchi Law wechi yà'là pe pùla pe ikupù màlà? Kanekku! Tùse ailon tetok màlà Law wechi wakù pe yenpoikanài.

Romans 6:15

Yà'là kupù'nokon ken uchi? Àli kupù'nokon ka'lù, masapùla Law maimu yo'no pùla we'nà pàk tùse wakù pe Katù wettok yo'no we'nà pàk lù? Kanekku!

Romans 6:2

Kanekku! Weli'nàsakù'nokon sàlà àli winàpai. Yà'là kasa ken màlà yentak wema'nà'nokon àli yau?

Romans 7:13

Sàlà uya ken na' wakù pe nai'nùk uya welittok nepùppù màlà upona te màlà? Kanekku! Makui nen màlà weli'nàtok ne'nàippù, wakù pe nai'nùk yapulà tùuya winà, weli'nàtok nepùppù ya màlà uwinàkàik i'nai kasa kulu là makui yeselu wechi usentoppe ichenpoikatoppe. Màlàpàk Law winà, àli usene màlà àli pe kulu.

Romans 7:7

Yà'là te'nokon ken uchi? Law wechi màlà àli pe te'nokon ka'lù? Kanekku! Tùse law màlà àli ittutoppe uya uku'nàippù. Masapùla tùulon yemamin iche we'nàtok wechi ikasa pùla ituppù uya pen sàlà eppaino, law uya, “Tùulon yemamin iche kechii!” tesak pùla iwechi yau. {Ex 20.17 Deu 5.21}

Romans 9:14

Yà'là te'nokon ken uchi? Katù wechi màlà ikasa pùla te ka'lù? Kanekku!

1 Corinthians 6:15

Ittuichi auya'nokon pùla nai Christ pùkkù pe eyesak kon yamùk wechi? Christ pùkkù yamùk na' mokka uya màlà molopai kàyik yamùk yemyak tùwechilanmasen nossan pùkkù pe ima uya? Kane. Iwekkupù pen!

2 Corinthians 1:18

Katù wechi ailon pe kasa, ikupù uya tetok uya àpàkù'nokon wechippù màlà, “Ewaik” molopai “Kane” tawon pe pùla.

Galatians 2:17

Tùse kappon yanùntok ikasa Katù pokonpe iwa'nokon Christ yai yau, kùmakuyi usenpoika yau, Jesus uya ken na' wemakuimantoppe ikupù màlà? Kane ku!

Galatians 2:21

Wakù pe Katù wettok nonka uya pen sàlà. Masapùla kappon yanùntok ikasa Katù pokonpe Law yai pe iwechi yau, yà'là woton pe pùla Christ welittoppan.

Galatians 6:14

Tùse Iulà, utauchinpa nen màlà Kùyepulu kon Jesus Christ welichak pulusuk pona pàk neken, màlà winà wolù iwelichak kasa man upona molopai Iulà iwelichak kasa man wolù pona.

1 Timothy 3:16

Ewaik lù'na'mà lù tetok pùn màlà ailon tetok kùuya'nokon eke kulu. Ichenpoikappù kappon pun yau, ailon pe iwechi yenpoikappù Wakù Akkwalù uya, molopai inchelù yamùk uya yeneppù. Kappon yamùk kùlottau Jesus yekale yekamappù màlà, tukkan kon kappon yamùk, wolù yawolon kon uya ailon teppù ipàk, molopai yanùmùppù epùn pona.

Titus 1:2

màlà enpen we'nàtok, tàwàlàlà wema'nàtok po iwekkusak. Katù, kasei pe tùwessen pen uya, kùlepa kon tùuya teppù lùppù sàlà wema'nàtok, sàlà non molopai yawon kon wepyatà wapiya,

Hebrews 6:18

Màlàpàk sàlà yamùk asa'lon molo man, tùwemyakanmasan pen, Katù ukaseitatok ipàk pen. Wapiyalok ikupù tùuya tetok ya Abraham pàk molopai yakon pe meluntà pe wa teppù ya. Màlàpàk uchi kùmyamlo iwepesak kon pe nai'nannùk Katù piyak, epùikattàse umeluntàtasak man, utachinsak nokon enpen we'nàtok kùyemloto kon pona itùsak nai'nùk pàk.

1 John 5:10

Màlàpàk ànù'là ailon tawon Katù Mumu pàk wechi yekamatok tùuya yesappe tewan yau màlà, tùse ànù'là ailon tawon pen Katù pàk uya, kasei pe ikussak màlà, masapùla Katù uselupatok Tùmu pàk pàk ailon tesak ya pùla iwechipàk.

1 John 5:20

Ittu'nokon nàlà man Katù Mumu uyàssak molopai lepansak kon ya ittutok ke; ailon pe nainùk ittutoppe. Molopai mùkkàlà ailon pe nai'nùk yau we'nà'nokon man, Imu Jesus Christ yau. Pùsàlà ichi mùkkàlà ailon Katù molopai sàlàichi màlà tàwàlàlà wema'nàtok.

Revelation 3:7

“ Philadelphia pon Sochi inchelùyi piyak sàlà imenukakà: “Sàlàichi màlà itekale mùkkàlà wakù esukenan molopai ailon winàpaino. Mùkkàlà David ponalok ki yachinài, yakkokanài mùkkàlà ànù'là uya inakkokappù yakkolo pen. Yakkonài mùkkàlà, ànù'là uya inakkoloppù yakkoka pen.