Romans 3:30 - Patamuna New Testament Revised

³⁰ Katù mùkkàlà tewinan, tamù'nawolon kon yennài mùkkàlà ekkaichalà, màlàpàk Jew yattàtok yessan yanùmù ya màlà ikasa tùpokon pe ailon tetok tok uya yai, molopai Jew yamùk pen yanùmù ya ikasa tùpokon pe ailon tetok tok uya yai.

Romans 3:30 ပူးပေါင်းရင်းမြစ်များ

Romans 2:26

Tùulon kon Jew yamùk pen, Law yeselu ittunnan pen wechi imaimu yawàlà yau, Katù uya ken na' wakù pe Jew kasa lùppù ekkaichalà tok yene pen tok yattàtok yeselu yawàlà tok yattàsak pùla lànen tùse?

Romans 2:27

Mùkkàlà yattàsak pe pùla nai'nùk walà tùse law maimu yawàlà nai'nùk uya “Àli pe messaik ”te màlà àpàk. Ayattàsak lànen molopai Law yesappe lànen ewechi tùse imaimu yawàlà pùla ewechi pàk.

Romans 3:22

Sàlà ikasa we'nàtok màlà Katù winàpai tùuyàssen Jesus Christ pàk ailon tetok yai tamù'nawolon kon ailon tawonnan piyak, masapùla tùpatalà we'nàtok pùla kulu iwechi màlà.

Romans 3:28

Màlàpàk ittusakù'nokon man kappon yanùnsak ikasa Katù pokonpe ailon tetok yai, molopai Law wettok iche kupù winà pùla.

Romans 4:16

Katù uya ikupù tùuya tetok wechi màlà ailon tetok yapon pe, Katù uya lepantok pe iwechi yentok ipàkàlà pe iwettoppe, tamù'nawolon kon Abraham payan yamùk ponaloppe, Law yawolon kon neken pen, tùse mùkyamlo nàlà ailon tawonnan Katù pàk, Abraham wechippù kasa. Masapùla Abraham mùkkàlà kùkàipùnù kon tamù'nawàlà, tamù'nawolon kon kappon yamùk yenupanài ailon pe we'nàtok pàk.

Romans 4:9

Sàlà utauchinpantok David uselupappù lùppù ipàk ken na' màlà Jew yamùk yattàtok yeselu yawolon kon neken ponalok? Kane. Tùulon ponalok nàlà màlà. Masapùla yekama'nokon nepàssan, “Abraham uya ailon teppù Katù pàk molopai ailontetok ya pàkànsau Katù uya yanùmùppù ikasa tùwessen pe,” tawon.

Galatians 3:20

Tùse akkletawon mùkkàlà tewin yentai kappon ichelok, tùse mùkkàlà Katù tewinan wechippù ànù'là iche pen màlà Abraham pàk ‘Ikupù uya,’ tetok tùuya kupù tùuya yau.

Galatians 3:28

Màlàpàk tùpatalà we'nàtok pùla iwechi màlà Jew yamùk molopai Jew yamùk pen kùlottau, apyoto ton molopai apyoto ton pen kùlottau, kàyik yamùk molopai nossan yamùk kùlottau, tamù'nawàlà tewin ewechi kon màlà Christ Jesus yau.

Galatians 3:8

Katù Maimu uya yekamappù pena iwekkupù wapiya Katù uya Jew yamùk pen yanùntok woton ikasa tùpokon pe, ailon tetok tok uya winà. Molopai Itekale yekamappù ya màlà Abraham pàk pena, “Tamù'nawolon kon kappon yamùk pùlema màlà ayai,” tukaik. {Gen 12.3; Gen18.18; Gen 22.18}

Galatians 5:6

Masapùla Christ Jesus ponaloppe we'nà yau, Jew yamùk yattàtok yeselu yawàlà yattàsapspe we'nà wapùla yattàsappe pùla we'nà uya tùpatalà'ne ku'nàsak pen màlà. Tùse ailon tetok màlà tùttusen kulu tùusenpoikasen uchi'nùnmantok yai.

Galatians 6:15

Yà'là pe pùla kappon yattàsak Jew yamùk yattàtok yeselu yawàlà wechi màlà, wapùla yattàsak pùla là iwechi wechi. Tùse làkku emennappe ikonekasappe we'nàtok.

Philippians 3:3

Masapùla kùmyamlo mùkyamlo ipùkkù yattàsak kon kulu, Katù ponaloppe we'nà yekamanài pe Yakkwalù winà yapulàn nan molopai tùutauchinpasan Christ Jesus yau. Molopai kùyiwalà'nokon tùutapulàsan pen kùmyamlo kùnkupùppù kon pàk, molopai kappon yeselu pàk.

1 Timothy 2:5

Masapùla Katù mùkkàlà tewinan, molopai tewinan nàlà molo man Katù molopai tamù'nawolon kon kappon yamùk yakkletawon, mùkkàlà kàyik Christ Jesus.