Romans 3:24 - Patamuna New Testament Revised

²⁴ Tùse lepantok wakù pe Katù wettok winà tok yanùnsak màlà ikasa Katù pokonpe Christ Jesus yai, mùkkàlà kùpùikattànài'nokon makui yapai.

Romans 3:24 ပူးပေါင်းရင်းမြစ်များ

Matthew 20:28

Kàyik Mumu uyàpùppù tapyoto ke esse pen màlà, tùse apyoto pe esse, molopai tùwemattok tùse tukkan kon kappon yamùk ye'matoppe tùuya,” teppù Jesus uya.

Yeunossak kon Wotokoyi 15:11

Kane. Ailon tesak màlà molopai wepùikattànsak man wakù pe Itepulu Jesus wettok winà tok wepùikattàsak kasa,” teppù Peter uya tok pàk.

Romans 4:16

Katù uya ikupù tùuya tetok wechi màlà ailon tetok yapon pe, Katù uya lepantok pe iwechi yentok ipàkàlà pe iwettoppe, tamù'nawolon kon Abraham payan yamùk ponaloppe, Law yawolon kon neken pen, tùse mùkyamlo nàlà ailon tawonnan Katù pàk, Abraham wechippù kasa. Masapùla Abraham mùkkàlà kùkàipùnù kon tamù'nawàlà, tamù'nawolon kon kappon yamùk yenupanài ailon pe we'nàtok pàk.

Romans 4:4

Kappon mùkkàlà te'masen iwe'wotokomasak yau, ye'matok màlà lepantok pe là tesassen pen, tùse itepeppù màlà.

Romans 5:9

Imùnù winà nen uchi sàlà, ikasa kùyanùnsak Katù pokonpe, màlà yentai palà wepùikattàn nokon màlà Christ winà Katù we'naikatok àsà pe winàpai.

1 Corinthians 1:30

Tùse Katù uya enessak kon man Christ Jesus ponaloppe we'nàtok yak, molopai Katù uya Christ kussak man ittutok kùuya'nokon pe. Mùkkàlà Christ winà Katù pokonpe ikasa kùtùlù kon màlà, esuken molopai kùpùikattà kon àli kuttok winàpai.

1 Corinthians 6:11

Molopai tùulon kon amyamlo wechippù màlà wa. Tùse àkukasak kon màlà, àtùsak kon màlà Katù yemyak. Ikasa ayanùnsak kon màlà Katù pokonpe Kùyepulu kon Jesus Christ yesek yai molopai kùkatùyi winàpaino Wakù Akkwalù winà.

Colossians 1:14

Mùkkàlà uya mokkansak kon nai'nùk molopai kùmakuyi kon pàk usentupansak màlà.

1 Timothy 2:6

Iwettùsak lùppù tamù'nawolon kon kappon yamùk pùikattàtoppe tùuya. Sàlà ichi màlà Katù nenpoikappù wolù yawon kon nùttu pe iwekkuttok yattai tok wepùikattàtoppe.

Titus 2:14

Iwettùlùppù màlà kùponalok kon pe, kùpùikattàse tamù'nawolon àli winàpai molopai kùkonekase esukenan kon kappon yamùk tùponalok kon pe kulu neken molopai wakù ànkuppai nokon kulu pe neken.

Revelation 5:9

Tok uselenpappù emennak elen pàk: “Wakù pe messaik sàlà kaleta yekkwa'nài yeppe, molopai yachittok yamùk ikkwà'nài pe. Masapùla àwànàppù màlà, molopai àmùnù winà kappon yamùk ye'mappù auya man Katù ponaloppe, tamù'nawolon kon kappon yamùk kùlottapai, tùpatalo'nan kon imaimu, tùpatalo'nan kon ikkok, molopai tùpatalo'nan kon kappon yamùk.

Revelation 7:14

“Ewai'nan, tùse mùttuyaik nen,” tukaik imaimu yeikuppù uya. Molopai umaimu yeikuppù ya. “Pùsamlo kappon yamùk mùkyamlo eke talumattàntok yawàlà iyàssak kon. Tùpon kon kukasak tok uya màlà nai'nùk, molopai aimu'ne tok uya imasak Kalinilu Mule mùnù ke.