Romans 3:20 - Patamuna New Testament Revised

²⁰ Màlàpàk ànù'là kappon yanùmù ikasa Katù yenu yau, Law maimu yawàlà iwechi pàk pùla iwechi màlà. Law màlà kappon ku'nài àli kussak tùuya ittutoppe ya làkku.

Romans 3:20 ပူးပေါင်းရင်းမြစ်များ

Romans 2:13

Masapùla Law yeta tok uya winà neken nà ikasa kappon yamùk yanùnsak Katù pokonpe pen màlà, tùse làkku ikupù tok uya winà.

Romans 3:28

Màlàpàk ittusakù'nokon man kappon yanùnsak ikasa Katù pokonpe ailon tetok yai, molopai Law wettok iche kupù winà pùla.

Romans 4:13

Katù uya Abraham molopai ipayan yamùk pàk wolù wechi màlà tok ponaloppe teppù màlà. Sàlà wekkupù màlà, Law yawàlà Abraham wechi pàk pùla, tùse ailon tesak ya pàk, màlà winà Katù uya nen uchi yanùmùppù ikasa tùwessen pe.

Romans 4:15

Law màlà Katù we'naikatok àsà pe ne'nài. Tùse enupantok pùla iwechi yau, “Sàlà kùkkuttàu, màlà ikuttàk kon,” tawon làkku, enupantok maimu yawàlà pùla we'nàtok, pùla iwechi màlà.

Romans 5:13

Law wapiya makui wechippù màlà wolù yau. Tùse wemakuimansak yau “Law ikkwàsak auya nai'nùk”te pùn.

Romans 5:20

Law tùlùppù màlà iwalai pen kuttok wekattoppe. Tùse àli kuttok wekassak yau, Katù wettok wakù pe wekatù màlà eke peiwa kulu.

Romans 7:11

Masapùla makui uya uyennakatok tùuya yattai woton yepoloppù màlà molopai uyennakappù ya tùwe'wotokoma’ Law winà, iwinà àli uya uwànàppù.

Romans 9:32

Yà'là pe iwechi pàk? Masapùla tok nùkupùppù wechi ailon tetok pàkànsau pùla tùse wotoko pàkànsau pàk. Tok tùwettatai'masan “wettatai'mantok ipona tàk” pona

1 Corinthians 15:56

Weli'nàtok uya chippontok màlà makui, molopai Law màlà makui meluntàlù ke lepanài.

Galatians 2:16

Ina nùttuyan kappon yanùnsak ikasa Katù pokonpe ailon tetok ya Jesus Christ pàk yai neken, Law yawà we'nà winà pùla. Kùmyamlo uya nàlà ailon tesak man Christ Jesus pàk Katù pokonpe ikasa anùnnàtoppe Christ yai, Law yawàlà we'nà winà pùla. Masapùla ànù'là yanùntok ikasa Katù pokonpe Law yawàlà iwechi winà pùla iwechi màlà.

Galatians 2:19

Màlàpàk law winà welichak man. Law uya uwàsak, Katù ponaloppe wemattoppe.

Galatians 5:4

Amyamlo Katù pokonpe ikasa tùwekkupùiche'nokon nai'nannùk law yawàlà tùwechi kon winà wepantakasak màlà Christ winàpai. Wakù pe Katù wettok yapai ewemokkasak kon màlà.

Hebrews 7:19

Masapùla Law uya yà'làlà konekasak ikasa kulu pùla iwechi màlà. Molopai sàlà pe wakùiwa enpen we'nàtok ke kùlepasakù'nokon man, màlà yai nen uchi tùuyàssan kùmyamlo mei pùla Katù piyak.