Romans 2:26 - Patamuna New Testament Revised

²⁶ Tùulon kon Jew yamùk pen, Law yeselu ittunnan pen wechi imaimu yawàlà yau, Katù uya ken na' wakù pe Jew kasa lùppù ekkaichalà tok yene pen tok yattàtok yeselu yawàlà tok yattàsak pùla lànen tùse?

Romans 2:26 ပူးပေါင်းရင်းမြစ်များ

Matthew 15:28

Màlàyau Jesus uya yeikuppù, “Meluntà ailon tetok ya àmàlà, nossan! Iche ewettok wekkupù màlà àponaloppe,” tukaik. Molopai màlà yattai kulu itema'nomù uchipittàppù màlà.

Romans 2:25

Law maimu yawàlà ewechi yau, Jew yamùk yattàtok yeselu wechi màlà tapulàsen pe. Tùse imaimu yawàlà pùla ewechi yau, yà'là pe pùla iwechi màlà pùikappe là pùla.

Romans 2:27

Mùkkàlà yattàsak pe pùla nai'nùk walà tùse law maimu yawàlà nai'nùk uya “Àli pe messaik ”te màlà àpàk. Ayattàsak lànen molopai Law yesappe lànen ewechi tùse imaimu yawàlà pùla ewechi pàk.

Romans 3:30

Katù mùkkàlà tewinan, tamù'nawolon kon yennài mùkkàlà ekkaichalà, màlàpàk Jew yattàtok yessan yanùmù ya màlà ikasa tùpokon pe ailon tetok tok uya yai, molopai Jew yamùk pen yanùmù ya ikasa tùpokon pe ailon tetok tok uya yai.

Romans 8:4

Sàlà kupùppù Katù uya màlà Law maimu yawàlà tùwemassan pe we'nà'nokon usentoppe, àli, kappon wettok iche yawàlà pùla nen uchi Wakù Akkwalù yeselu yawàlà kulu.

Galatians 6:15

Yà'là pe pùla kappon yattàsak Jew yamùk yattàtok yeselu yawàlà wechi màlà, wapùla yattàsak pùla là iwechi wechi. Tùse làkku emennappe ikonekasappe we'nàtok.

Ephesians 2:11

Amyamlo Jew yamùk pen ewentutok kon winà, Jew yamùk yattàtok yawà yattàsak kon pen tukaik Jew yamùk nesatù ton. Mùkyamlo Jew yattàtok yawà yattàsak kon tukaik tùusesassan. (màlà esak pàk tùkussen kappon yamùk yemyatù ke.) Yà'là kasaichi ewechippù kon wapiya ittutàk kon.

Philippians 3:3

Masapùla kùmyamlo mùkyamlo ipùkkù yattàsak kon kulu, Katù ponaloppe we'nà yekamanài pe Yakkwalù winà yapulàn nan molopai tùutauchinpasan Christ Jesus yau. Molopai kùyiwalà'nokon tùutapulàsan pen kùmyamlo kùnkupùppù kon pàk, molopai kappon yeselu pàk.

Colossians 2:11

Christ ponaloppe ewechi kon yekama auya'nokon màlà ailon te auya'nokon ipàk winà. Eyesak kon yattà Ichu yamùk usattàtok yawàlà pùla. Tùse Christ uya attàntok winàpaino yentok ipàkàlà winà màlà àpùikattàsak kon àli ànkuppai àku'nài meluntàlù winàpai.