Romans 2:25 - Patamuna New Testament Revised

²⁵ Law maimu yawàlà ewechi yau, Jew yamùk yattàtok yeselu wechi màlà tapulàsen pe. Tùse imaimu yawàlà pùla ewechi yau, yà'là pe pùla iwechi màlà pùikappe là pùla.

Romans 2:25 ပူးပေါင်းရင်းမြစ်များ

Yeunossak kon Wotokoyi 7:51

“Sa'man ton i'mù amyamlo! Ailon tetok ya pùnon itewan ton, molopai apana kon! Atamo kon yamùk kasa kulu messatàik, Wakù Akkwalù mùnulunpayatàik tàwàlàlà!

Romans 2:13

Masapùla Law yeta tok uya winà neken nà ikasa kappon yamùk yanùnsak Katù pokonpe pen màlà, tùse làkku ikupù tok uya winà.

Romans 2:23

Law yesappe ewechi pàk tùutapulàsen àmàlà Katù pàk uchi tùwe'namasen pen àmàlà Law maimu ikkwàtù auya yau?

Romans 2:26

Tùulon kon Jew yamùk pen, Law yeselu ittunnan pen wechi imaimu yawàlà yau, Katù uya ken na' wakù pe Jew kasa lùppù ekkaichalà tok yene pen tok yattàtok yeselu yawàlà tok yattàsak pùla lànen tùse?

Romans 2:27

Mùkkàlà yattàsak pe pùla nai'nùk walà tùse law maimu yawàlà nai'nùk uya “Àli pe messaik ”te màlà àpàk. Ayattàsak lànen molopai Law yesappe lànen ewechi tùse imaimu yawàlà pùla ewechi pàk.

Romans 2:28

Jew kulu pen mùkkàlà polopon neken molopai iichattàtok nai'nùk ipippà pàk neken. Jew kulu wechi màlà ailon pe i'nau, attànsak màlà tùwekkussen ewan yau Wakù Akkwalù winà, polopo là ikussak lùppù imenukasak nai'nùk Law yawàlà pen. Molopai kappon yapulàtok màlà kappon winàpaino pen tùse Katù winàpaino.

1 Corinthians 7:19

Masapùla usattàn molopai usattànsak pùla iwechi wechi màlà yà'là pe pùla. Katù uya enupantok yawàlà làkku nen we'nà màlà yà'là.

Galatians 6:13

Mùkyamlo nàlà Jew yamùk yattàtok yeselu ku'nài nan lànen mùkyamlo Law yawàlà tùwessan pen. Wa là tùse tok wechi màlà ayattà kon iche, eyesak kon yattàsak pàk tùutapulàtok kon pe.

Galatians 6:15

Yà'là pe pùla kappon yattàsak Jew yamùk yattàtok yeselu yawàlà wechi màlà, wapùla yattàsak pùla là iwechi wechi. Tùse làkku emennappe ikonekasappe we'nàtok.