Romans 2:16 - Patamuna New Testament Revised

¹⁶ Sàlà wekkupù màlà Katù uya Jesus winà tamù'nawolon tonantawon kon kappon yamùk yewan yawon ittutok weyu yattai, itekale unekama uya yekama kasa.

Romans 2:16 ပူးပေါင်းရင်းမြစ်များ

Matthew 16:27

Masapùla Kàyik Mumu uyàpù màlà tùkàipùnù yakkwayi molopai yapulàtok yau tùyinchelùyi yamùk pokonpe, molopai nen uchi tamù'nawolon kon ye'ma ya màlà tok nùkupùppù yawàlà.

Luke 8:17

Yà'là là yonansak lùppù miya nepù màlà ayupona, molopai yà'làlà iwaputtàsak lùppù yepolo màlà molopai inepù akkwa yak.

John 12:48

Ànù'là unulunpanài molopai umaimu yanùnnài pen kottùmanài wechi màlà molo. Mayin unekamappù wechi màlà ikottùmanài pe wei wenukassak yattai.

Yeunossak kon Wotokoyi 10:42

Molopai ina yapyontàppù ya kappon yamùk pàk itekale yekama pàk, imàlà wechi Katù nanùmùppù pe nulà nan kon molopai iwelichak kon ittunài pe iwettoppe yekama toppe ina uya.

Yeunossak kon Wotokoyi 17:31

Masapùla tamù'nawolon kon kappon yamùk sàlà non pon kon ittutok tùuya wakù pe tùwettok yau yattai konekasak ya màlà, mùkkàlà kàyik tùnanùmùppù winà. Sàlà yenpoikappù ya màlà tamù'nawolon kon pàk, mùkkàlà kàyik wuluuka tùuya weli'nàtok yapai winà!” teppù Paul uya.

Romans 16:25

Katù yapulatàk kon! Meluntà pe ewechi kon pa àkupù kon ya màlà tapàikketù ke, Wakù Itekale unekama Jesus Christ yekale yai. Tachinpe pena sàlà itekale kupùppù màlà tonantau.

Romans 2:5

Tùse sa'man pe kulu eyewan man elattàpai pùla molopai màlà uya we'naikantok pilichak man àpona Katù we'naikatok weyu ponaloppe ikasa “Suwa messaik, ” tetok ya yattai.

Romans 3:6

Kanekku! Katù wechi ikasa pùla yau, atta ken wolù yawon kon kappon yamùk ittu ya?

1 Corinthians 15:1

Utonpa yamùk eyenu kon anappontàpai wessaik Wakù Itekale unekamappù lùppù àpàkù'nokon pàk, ananùmùppù kon lùppù, molopai ailon tetok auya'nokon wettok meluntà pe ipàk.

1 Corinthians 4:5

Màlàpàk yà'làlà kùkkottùmatàu iwalai iweyu wapiya, Itepulu uyàpu imàmuttàk. Ewalupàttau yonansappe tùwessen nepù ya màlà akkwa yak molopai kappon yamùk usenumenkatok tok yewan yawon yenpoika ya màlà. Màlà yattai Katù winàpaino apulàntok yepolo tok uya màlà tewin pà'ne.

2 Corinthians 5:10

Masapùla tamù'nawolon kon kùmyamlo usenpoika màlà Christ uya ittuntok patassek yemloto pona, tamù'nawolon kon uya tùnepolo kon yepotoppe, wakù wapùla àli, sàlà non po tùwemapù kon yau tok nùkupùppù yawàlà.

Galatians 1:11

Ittu auya'nokon iche wessaik utonpa yamùk, Wakù Itekale tekamatainùk àpàkù'nokon màlà kappon nùkonekappù pen.

1 Timothy 1:11

Màlàichi màlà enupantok yeposak itekale yau, uyemyak intùlùppù yekamatoppe uya, Wakù kulu Itekale Eke Katù winàpaino.

2 Timothy 2:8

Ittukà Jesus Christ iwe'wuluukasak lùppù weli'nàtok yapai wechi David pa pe. Sàlàichi màlà unekama wakù itekale.

2 Timothy 4:1

Tùumayintaik eyekamappoyan Iulà Katù yemloto po molopai Christ Jesus yemloto po, mùkkàlà tamù'nawolon kon kappon yamùk ittu woton, nulà nan kon molopai iwelichak kon: masapùla iyàttok molopai Itepulu pe iwettok woton pe iwechi pàk, eyekamappoyan Iulà

2 Timothy 4:8

Sàlà nen uchi entaika'nàppà uya yepeppù uya umàmuku. Wakù pe we'nàtok yalùko, màlà Itepulu Katù ikasa ittunài uya ulepatok màlà Wei yattai. Molopai Iulà neken pen, tùse tamù'nawolon kon mùkyamlo ichenpoikatok màmussai'nannùk uchi'nùnmantok pokonpe.

Hebrews 9:27

Tamù'nawolon kon welikù màlà tewin itekkwa, molopai màlà ye'mappùtak Katù uya tamù'nawolon kon ittu màlà. Màlà kasa làma, Christ wettùlùppù màlà tùwelitoppe tewin itekkwa tukkan kon kappon yamùk makuyi ponaloppe. Yakon itekkwa pe ichenpoika tu'ma màlà kappon yamùk makuyi pàkànsau pùla. Tùse wepùikattàntok nepù ya màlà mùkyamlo tùmàmu'nài nan kulu ponaloppe.

1 Peter 4:5

Tùse tok uya yeitok tùuya'nokon tùlù màlà Katù piyak, iwekonekasak nai'nùk nulà nan kon molopai iwelichak kon ittutoppe tùuya.

2 Peter 2:9

Màlàpàk Itepulu Jesus mùkkàlà i'nai kasa Katù pùnùnmannan pùikattàtok tùuya tok wettalumattàtok winàpai ittunài, molopai i'nai kasa àli ton kuttok tùuya wettalumattàntok yo'no ittunài Ittuntok Weyu ponalà,