Romans 2:10 - Patamuna New Testament Revised

¹⁰ Tùse Katù uya apulàntok, namantok, molopai ewan wàlàkkattok tùlù màlà tamù'nawolon kon wakù ku'nàinan yemyak, Jew yamùk yemyak molopai nàlà Jew yamùk pen yemyak.

Romans 2:10 ပူးပေါင်းရင်းမြစ်များ

Matthew 10:13

Kappon yamùk màlà tapùi tawon kon uya ayanùmù kon yau, tàwà echitonpa pe we'nàtok tok piyau nechii, tùse ayanùmù kon tok uya pùla iwechi yau, tàwà echitonpa pe we'nàtok nennappoi apyakù'nokon,” teppù Jesus uya.

Luke 1:79

Molopai ilenpamù màlà ewalupàttau tùwemassan pona molopai weli'nàtok yewalupàyi yawon kon pona. Kùtta yanài pe wakù pe echitonpa pe we'nàtok yeselu yawà,” tukaik.

Luke 12:37

Tùutauchinpasan mùkyamlo apyoto yamùk, tùuyàssak yau itepulu nepolo ton, iipakasappe. Ailon kulu sàlà, iwepokùlùyittà màlà, molopai tok yeleutanùpù ya uta'lettàn yapon piyak, molopai tok yewetù ya màlà.

Luke 19:42

“Ittu neken auya'nokon yau, sàlà pe yà'làlà iche we'nàtok wakù pe wema'nà toppe! Tùse sàlà pe ewinàpai'nokon yonansak man yene auya'nokon tukaik.

Luke 22:14

Uta'lettàntok yattai uyàssak yau, Jesus weleutappù kùyali yapon piyau teunossan pokonpe.

Luke 9:48

Molopai tok pàk, “Kappon uyesek yau pùsàlà mule yanùnnài uya uyanùmù màlà. Molopai ànù'là uyanùnnài uya nàlà uyeuno'nàippù yanùmù màlà. Masapùla mùkkàlà elekkwà kulu àklottau'nokon, wechi màlà eke pe kulu,” teppù ya tok pàk.

John 12:26

Ànù'là iche wettok ku'nài uyàpù màlà uya'là, molopai i'nailà là wechi yau, molo nàlà upoitolù wechi màlà. Ukàipùnù uya mùkkàlà yapulà màlà,” tukaik.

John 14:27

“Wàlàkka'nàtok nàmà uya sàlà apyau'nokon, uwinàpaino wàlàkka'nàtok tùlù uya eyemyakù'nokon. Sàlà wolù nùtùlù yekkwa pen tùtùyaik. Eyewan kon kùttaimelunpatak molopai kesenalippatàu.

John 16:33

Sàlà yamùk yekamappù uya màlà àpàkù'nokon, àwàlàkatok kon yesappe ewechi kon pa uyau. Sàlà wolù yau ewettalumattà kon màlà. Tùse emeluntàtatàk kon! Wolù yentaikasak uya man,” teppù Jesus uya.

Yeunossak kon Wotokoyi 10:35

Ànù'là inamanài molopai iwalai ku'nài wechi màlà inanùmù pe, i'nailà pailà iyàssak pe tùse.

Romans 14:17

Masapùla Katù wettok Itepulu pe màlà tùnassen nà wapùla tinchisen nà pen, tùse ikasa we'nàtok, molopai echitonpa pe we'nàtok molopai utauchinpantok Wakù Akkwalù nùtùlù.

Romans 15:13

Tàwà uchi Katù enpen we'nàtok uyàttok iwinà ayanùkkai'nokon tamù'nawolon utauchinpantok ke molopai echitonpa pe we'nàtok ke, ailon te auya'nokon ipàk yawàlà, Wakù Akkwalù meluntàlù winà enpen ewettok kon yau meluntà pe kulu ewechi kon pa.

Romans 2:7

Tùulon kon kappon yamùk wakù kupù pàk tùwessan, apulàntok, namantok molopai tàwàlàlà wema'nàtok iwannan. Mùkyamlo yemyak Katù uya tàwàlàlà wema'nàtok tùlù màlà.

Romans 2:9

Àsà pe wettalumattàntok molopai eke pe usewankono'mantok wechi màlà molo àli ku'nàinan winàkàik, Jew yamùk winàkàik wapiya molopai nàlà Jew yamùk pen winàkàik.

Romans 5:1

Ailon tetok kùuya'nokon uya ikasa kùkonekasak kon Katù pokonpe pàk nen uchi, echitonpa pe we'nàtok Katù pokonpe yesappe we'nà'nokon sàlà kùyepulu Jesus Christ yai.

Romans 8:6

Àli kappon yeselu wechi màlà weli'nàtok ne'nài pe. Tùse eusenumenkatok kon yepulu pe Wakù Akkwalù wettok màlà wema'nàtok molopai echitonpa pe we'nàtok ne'nài.

Romans 9:21

Àinà ka'nài ku mùkkàlà àinà yapai wakù yà'làlà weyu yàttai neken tapulàsen pe ikonekanài tà molopai echipalà tapulàsen pe ikonekanài tùusenumenkatok yawà.

Romans 9:23

Eke kulu tapulàtok enenpoikapai tùwechi ipàk tùusentuppapù ton pàk pàk, mùkyamlo inkonekassan pena tapulàtok yanùnnàinan pe tok wettoppe.

Galatians 5:22

Tùse wakù ton Akkwalù winàpai tùuyàssan màlà pùnùnmantok, utauchinpantok, echitonpa pe we'nàtok, pàlikantok, usentupantok, wakù pe we'nàtok, ailon pe we'nàtok,

Galatians 5:6

Masapùla Christ Jesus ponaloppe we'nà yau, Jew yamùk yattàtok yeselu yawàlà yattàsapspe we'nà wapùla yattàsappe pùla we'nà uya tùpatalà'ne ku'nàsak pen màlà. Tùse ailon tetok màlà tùttusen kulu tùusenpoikasen uchi'nùnmantok yai.

Philippians 4:7

Molopai Katù winàpaino echitonpa pe we'nàtok, kappon nùttu yentaino uya eyewan kon molopai eusenumenkatok kon mainanpa màlà wakù pe Christ Jesus yau.

1 Timothy 1:17

Tàwàlàlà Kin pe tùwessen, tùumatta woton pen molopai yensak pen, tewinan Katù piyak, namantok molopai apulàntok tùlù màlà tàwàlà molopai tàwàlàlà! Emen.

Hebrews 2:7

“Ikonekappù auya malalà inchelù yamùk ma'leiwa, apulàntok ke ilepappù auya molopai namantok ke.

James 2:22

Yene na' auya'nokon pùla nai? Ailon tetok ya molopai iwelaikatok we'wotokoma tamùkke asakklàma, ailon tetok ya wekonekappù màlà wakù pe kulu iwelaikatok pàkàlà.

James 3:13

Pukkek molopai ittunài na' kappon molo nai àkklottau'nokon? Tàwàichi yekamakà wakù pe ewelaikatok molopai eyeselu winà wakù eyeselu ikonekasak, àsà pe pùla pukkeppe we'nàtok pokonpe.

1 Peter 1:7

Sàlà màlà meluntà pe ailon tetok auya'nokon wechi ittunài. Kolù, tùumattasen pe lànen nai'nùk màlà ittusak lùppù apok ke; màlàpàk uchi ailon tetok auya'nokon, wakù kolù yentai nai'nùk, ittu nàlà màlà meluntà pe iwettoppe. Màlàyau apulàntok wakù pe itekale we'nàtok molopai namantok yepolo auya'nokon màlà màlà Wei yattai Jesus Christ usenpoikasak yau.

1 Peter 5:4

Molopai Eke Kalinilu Yesak usenpoika yau, enkek alok, tàwàlàlà enkek pe molopai akkwa pe tùwessen yanùmù auya'nokon màlà.