Romans 16:6 - Patamuna New Testament Revised

⁶ “Wakù pe na' messan?”te uya Meli pàk, iwe'wotokomasak lùppù sa'man pe kulu àponalok kon pe pàk.

Romans 16:6 ပူးပေါင်းရင်းမြစ်များ

Matthew 27:55

Molo tukke nossan yamùk wechippù màlà, Jesus yene pàk tùwessan mei echii'ma. Mùkyamlo wechippù màlà ya'là iitàsak kon Galilee poi molopai ipùikattànnannùssan pe.

Matthew 5:47

Molopai ewechi yakon non pàk neken wakù pe na'messan te auya'nokon yau, tùkussen pen kussak na' auya'nokon màlà? Ailon Katù ittunnan pen là nen mùkyamlo iku'nàinan màlà kasa!

Romans 16:12

“Wakù pe na' messatàu?” te uya Tryphena molopai Tryphosa tawonnan, nossan yamùk sa'man pe tùwe'wotokomasan Itepulu wotokoyi yau pàk, molopai Persis pàk nàlà unùn kulu uwechiyakon pe tùwessen nossan pàk “Wakù pe na' messan?” katàk kon, mùkkàlà eke pe kulu iwe'wotokomasak lùppù Itepulu ponaloppe.

Romans 16:5

“Wakù pe na' messatàu?” te uya nàlà sochi pàk tùwepilichan tok yùwùk tak pàk. “Wakù pe na' mesan?” te uya sàlà Epaenetus uwechiyakon kulu pàk, wapiyalok kappon ailon tawon Christ pàk, Asia yawon pata yau.

Romans 16:7

“Wakù pe na' messatàu?” te uya Andronicus molopai mùkkàlà nossan, Junias tawonnan pàk, utonpa yamùk Jew yamùk, patikichi tau iwessak kon upokon pe, tùttusan kulu mùkyamlo yeunossak kon Christ yapyoto ton winà, molopai ailon teppù tok uya Christ pàk màlà uwapiya.

1 Thessalonians 5:12

Ina apawanattàyatàu, ina tonpa yamùk, mùkyamlo àkklottau'nokon tùwe'wotokomasan nama kon pa, mùkyamlo Itepulu Katù nanùmùssan eyepotolù kon pe molopai eyenupannan yamùk pe nama kon pa.

1 Timothy 5:10

molopai nàlà wakù ku'nài pe itekale nechiik: tùmunkà yamùk yemokkanài wakù pe pe, kaklan yamùk yanùnnài tùwùk tak pe, Katù ponalok kon pùta kolùkanài pe, tùwettalumattàsan pùikattànài pe, molopai tamù'nawolon yà'là yekkwa là wakù ku'nài pe.