Romans 16:5 - Patamuna New Testament Revised

⁵ “Wakù pe na' messatàu?” te uya nàlà sochi pàk tùwepilichan tok yùwùk tak pàk. “Wakù pe na' mesan?” te uya sàlà Epaenetus uwechiyakon kulu pàk, wapiyalok kappon ailon tawon Christ pàk, Asia yawon pata yau.

Romans 16:5 ပူးပေါင်းရင်းမြစ်များ

Matthew 18:20

Masapùla asa'lon kon wapùla àsolùwawon kon wepilichak uyesek yau yattai, molo wechi màlà tok piyau,” teppù Jesus uya.

Yeunossak kon Wotokoyi 16:6

Tok utàppù màlà pata Phrygia yawàlà molopai Galatia yawàlà. Wakù Akkwalù uya wakù itekale yekama toppe tok uya Asia po pùla ikupùppù.

Yeunossak kon Wotokoyi 18:12

Gallio kussak Roman yepulu pe Achaia po yau, Jew yamùk wepilipùppù molopai Paul yachippù tok uya molopai yalàppù tok uya eke ton yemloto pona.

Yeunossak kon Wotokoyi 18:27

Apollos wechippù itàpai Achaia pona. Màlàpàk ailon tawonnan Ephesus pon kon uya kaleta menuka pàk ipùikattàppù, Achaia pon kon ailon tawonnan piyak, tok pawanattà pe yanùntoppe tok uya. Tùwelepansak yau wakù pe Katù wettok yai ailon tawonnan pe iwenasak kon pùikattàppù ya eke pe.

Yeunossak kon Wotokoyi 2:9

Parthia pon kon kùmyamlo, Media pon kon, Elam pon kon, Mesopotamia pon kon, Judea pon kon, Capadocia pon kon, Pontus pon kon, Asia pon kon,

Romans 11:16

Masapùla pùlomù kloimasak pilikasak wapiya kul tùsak Katù piyak yau, tamù'nawolon tamonkenan wechi màlà iponaloppe esuken. Molopai yei mik tùsak Katù yemyak yau, yei panta yamùk nàlà màlà iponalok.

Romans 15:26

Masapùla ailon tawonnan Jesus pàk Macedonia pon kon molopai Achaia pokon kon utauchinpasak man tùtùsen tùlù pàk yà'là pùnon sa'ne ponaloppe Katù ponalok kon Jerusalem pon kappon yamùk kùlottau nainannùk pùikattàtok.

Romans 16:12

“Wakù pe na' messatàu?” te uya Tryphena molopai Tryphosa tawonnan, nossan yamùk sa'man pe tùwe'wotokomasan Itepulu wotokoyi yau pàk, molopai Persis pàk nàlà unùn kulu uwechiyakon pe tùwessen nossan pàk “Wakù pe na' messan?” katàk kon, mùkkàlà eke pe kulu iwe'wotokomasak lùppù Itepulu ponaloppe.

Romans 16:4

Upàkànsau tùwemattok kon nonkaiwannan nùssan àsà yak mùkyamlo. Tenki ukayaik tok pàk, Iulà neken pen. Tùse tamù'nawolon kon Jew yamùk pen sochi tawon kon nàlà tenki nùkayan.

Romans 16:6

“Wakù pe na' messan?”te uya Meli pàk, iwe'wotokomasak lùppù sa'man pe kulu àponalok kon pe pàk.

Romans 16:8

“Wakù pe na' messan?” te uya Ampliatus pàk u'nùn pe kulu unkupù Itepulu yau.

1 Corinthians 16:15

Mùttuyataik Stephanas molopai itùwùk tawon kon wechi wapiyalok kon iwepùikattàsak kon pe Christ yau Achaia po. Molopai tok wettùsak màlà tùyiwalà'nokon Katù ponalok kon kappon yamùk ponaloppe tùwe'wotokomatok kon yak.

1 Corinthians 16:19

Katù ponalok kon kappon yamùk Asia yawolon kon “Wakù pe na' messatàu?” tetok tùuya'nokon yeunossan. Pùsamlo mùkyamlo Aquila molopai Priscilla molopai tùulon kon sochi towon kon tùwepilichan tok yùwùk tau nàlà wa nùkayan.

2 Corinthians 1:1

Sàlà màlà kaleta Paul winàpaino, Christ Jesus neunokoppù Katù yeselu yawà nùmenukappù, molopai kùtonpa kon Timothy winàpaino. Katù sochiyi Corinth pon piyak, molopai tamù'nawolon kon Katù ponalok kon kappon yamùk Achaia yawolon kon piyak inmenukappù.

2 Corinthians 9:2

Tùttuyaik alikyeppe ewechi kon pùikappe ewettok kon pàk. Molopai ayapulàsak kon uya man Macedonia pon kon pàk. Tok pàk yekamappù uya, nùtàtainùk kilichimochi yau amyamlo Achaia pon kon weppyattàppù ewe'lepa kon pàk molopai alikyeppe ewettok kon uya tukkan kon tok tonpa yamùk yewan yapàssak man.

Colossians 4:15

“Wakù pe na' messatàu?” tetok ina uya yekamatàk kon Laodicea pon kon Jesus pàk ailon tawonnan pàk, ulichan Nympha itesek molopai nàlà mùkyamlo tùwepilichan itùwùk tak pàk.

Philemon 1:2

Ailon tawonnan àyùwùk tak tùwepilichan piyak, kùpachi Apphia molopai kùtonpa soicha Archippus piyak.

James 1:18

Teselu winà Katù uya kùnepùppù kon emennak wema'nàtok yak màlà ailon tùmaimu yai, wapiyalok pata yau we'nàtoppe tùponalok kon kappon yamùk kùlottau.

3 John 1:1

Sàlà màlà kaleta Iulà amoko, John nùmenukappù, Gaius u'nùn kulu piyak.

Revelation 14:4

Pùsamlo mùkyamlo kàyik yamùk esuken iwekkusak kon, ulichan yamùk là pokonpe iwessak kon pen. Tok uya Kalinilu Mule wenaima màlà i'nailàlà iità yau, tok ye'masak wechippù màlà kappon yamùk kùlottapai molopai wapiya tùtùsen Katù molopai nen uchi Kalinilu Mule yemyak pe tok wechippù.