Romans 16:18 - Patamuna New Testament Revised

¹⁸ Masapùla mùkyamlo yekkwa ton wechi Katù poitolù pe pen màlà, tùse tesak kon wettok neken iche pàk tok usenumenka. Wakù pe tùuselupatok kon winà molopai ennakan pe uselupantok ke ittunnan pen yennakanàinan.

Romans 16:18 ပူးပေါင်းရင်းမြစ်များ

Matthew 24:11

Tukke ailon pen itekale yenpoikannan usenpoika màlà molopai tukkankon kappon yamùk yennaka tok uya.

Matthew 24:24

Masapùla ailon pen Christ molopai ailon pen itekale yenpoikannan usenpoika màlà. Eke ton wotoko molopai enumenkanài kupù tok uya màlà yanùnsak kon yennakatoppe tùuya'nokon, tok yennaka tùuya'nokon pe iwechi yau.

Matthew 6:24

“Ànù'là pùla iwechi màlà asa'lon kon itepulu yamùk yapyoto pe tùwessen. Yattai pùla tewinannà yeya'noma ya, molopai yakon kupù ya tù'nùn pe. Wapùla ailon pe iwechi màlà tewinan pàk molopai yakon yenpàtù ya. Asakklàma Katù molopai pùlayatta yesappe ewechi kon pen màlà eyepulu kon pe.

Matthew 7:15

“Tùttuse ettàk kon, ailon pen itekale yenpoikannan pàk. Tok uyàpù màlà apyakù'nokon kalinilu kasa là tok usene màlà polopo, tùse àsà ton kamo yamùk kasa tok wechi màlà.

John 12:26

Ànù'là iche wettok ku'nài uyàpù màlà uya'là, molopai i'nailà là wechi yau, molo nàlà upoitolù wechi màlà. Ukàipùnù uya mùkkàlà yapulà màlà,” tukaik.

Romans 14:18

Màlàpàk ànù'là Christ ponaloppe tùwe'wotokomasen sàlà kasa uya Katù yauchinpa màlà molopai kappon uya wakù mùkkàlà te màlà ipàk.

Romans 16:19

Tamù'nawolon kon uya mayin yawolon kon pe ewechi kon yekale yetasak man màlàpàk utauchinpayaik àpàkù'nokon. Wakù peichi nai'nùk tùttuik ewechi kon iche wessaik, tùse àli pe nai'nùk ku'nài pe pùla.

2 Corinthians 11:3

Usenalippayaik àkài uya Eve yennakappù kaseipe ennakantok tùuya ke kasa làma, tamù'nawàlà ailon molopai esuken ewettùtok kon Christ yemyak winàpai eusenumenkatok kon lattà yeselùkek iwechi pàk.

2 Corinthians 2:17

Tukkan kon tùulon kon kappon yamùk walai non pen ina mùkyamlo Katù Maimu yapulànnan temamin molopai iche tùwettok kon yepotok tùuya'nokon iwinà pe neken, tùse Katù uya ina yeunossak pàk, tùuselupasan ina ailon pe itemlotopo, Christ yapyoto pe.

2 Corinthians 4:2

Tamù'nawolon tonantau tùkussen molopai kuli'manài eselu yamùk ku'nàinan pen ina, ànù'la yennakannan pen, ailon pe Katù Maimu yenpoikannan. Tùse làkku Katù uya màlà ailon pe ina uselupa yene molopai kappon yamùk uya nàlà ailon pe ina wechi ittu.

Galatians 1:10

Kappon yamùk yapulàtok nepùiche na' wessan, wapùla Katù? Wapùla kappon yamùk yauchinpaiche na' wessan? Kappon yamùk yauchinpaiche lùppù wechi yau, Christ yapyoto pe wechi pen màlà.

Philippians 2:21

Tamù'nawolon kon nen tà tùnkupù kon pàk neken tùusenumenkasan, Jesus Christ pàkànsau pùla.

Philippians 3:19

Tok utà màlà mattantok yak. Masapùla eke pe ata'lettàpai tok wettok màlà tok katùyi. Tùwekuli'matok kon yek làkku pàk tùutapulàsan mùkyamlo. Molopai sàlà non pon neken yà'là yamùk là, pàk tùusenumenkasan.

Colossians 2:4

Màlàpàk uchi tekamayaik àpàkù'nokon. Ànù'là eyennakatàkù'nokon ailon pen pàk wesseippà'nàtok yau, wakù pe ikasa kasa lànen iwechi tùse.

Colossians 3:24

“Itepulu uya ken uye'ma ko wakù ke lù,” mùkatàik; tùponalok kon ponaloppe inkupù yepolo auya'nokon màlà. Masapùla Christ kulu mùkkàla eyepulu kon iponaloppe me'wotokomayatài'nùk.

2 Thessalonians 2:10

Molopai yà'là yekkwa ton nà àli pe ennakantok tùuya yapulà ya màlà mùkyamlo tùumatta woton kon yennakatok tùuya ike pe. Tok umatta màlà masapùla tùwepùikattàtok kon iwinà pan ailon itekale yanùnsak tok uya pùla iwechi pàk molopai tù'nùn kon pe ikussak tok uya pùla iwechi pàk.

1 Timothy 6:5

Molopai mùkyamlo usàulàma echipalà uya tok usenumenkatok mattanùssak màlà, molopai ailon pùnon mùkyamlo. Tukke mamin yesappe wenantok iwinà pe sàlà enupantok maimu yawàlà we'nà wechi pe yekama tok uya màlà.

James 1:1

Sàlà kaleta màlà James, Katù molopai Itepulu Jesus Christ yapyoto winàpaino. “Wakù pe na' messatàu?” tetok tamù'nawolon kon12 pan kon ikkok Katù ponalok kon kappon yamùk, iwetta'nùssak kon piyak inmenukappù.

2 Peter 2:3

Tùulon yemamin iche tùwettok kon yau pùsamlo ailon pen pàk enupannan uya ayapulà kon màlà pùlayatta yepotoppe tùuya'nokon enkuttànài panton yekama tùuya'nokon winà. Tùse pena yawà tok yeselu pàkàlà tok talumattàtok wekonekakassak wechippù màlà molopai tok mattanù'nài we'nùnsak pùla iwechi!

Jude 1:1

Sàlà màlà kaleta Jude, Jesus Christ yapyoto, molopai James tonpa nùmenukappù. Katù Kùkàipùnù kon nùkà'massan molopai Katù uya pùnùnmantok yau tùwemassan molopai Jesus Christ uya mainanpantok yau tùwemassan piyak inmenukappù sàlà:

Jude 1:12

Pùsamlo ku mùkyamlo echitonpa pe tamùkke tùwepiliche auta'letàtok kon yau, kuli'manài nan tùuta'letà kon yau. Tùpàkù'nokon neken tùusenumenkasan. Assetun uya katuppluk yalà konok pùla walainon mùkyamlo. Yei itepelu pùnon walainon mùkyamlo kùyali yemeikatok yattai; yei yamùk ikalakasak kon molopai iwaipùtakassak walai non.

Jude 1:16

Pùsamlo mùkyamlo kappon yamùk tùusàlàma pàk tùwessan tàwàlà, àli tùulon kon yeselu yeneiche kulu tùwessan; iche tùwettok kon yawàlà tùwessan àli yau; tùutapulàsan, molopai tùulon kon yapulà pe tukaik tùusennakasan yà'làlà iche tùwettok kon yepotoppe tùuya'nokon.

Revelation 1:1

Sàlà màlà Jesus Christ nenpoikassan. Sàlà yamùk tùlùppù màlà Katù uya itemyak, tapyoto ton pàk tùwekkupù woton tachinpe kulu tùpo pùla yenpoikatoppe ya. Christ uya tùyinchelùyi yeunokoppù màlà tapyoto John piyak, sàlà yamùk yenpoikase ipàk.