Romans 16:17 - Patamuna New Testament Revised

¹⁷ Apawanatàyataù Iulà utonpa yamùk, elanneppe ettàk kon mùkyamlo wepantakantok ku'nàinan, molopai kappon yamùk uya ailon tetok yaimelunpannan pàk. Mùkyamlo uya enupantok ananùmùppù kon kupù tùwakùli kon pe pùla màlà, tok tonpa pe kettàu.

Romans 16:17 ပူးပေါင်းရင်းမြစ်များ

Jude 1:19

Pùsamloichi mùkyamlo wepantapà'nàtok ku'nàinan, kappon yeselu neken ànkuppai tùwessan, Wakù Akkwalù pùnon.

2 Thessalonians 3:6

Itepulu Jesus Christ yesek yau meluntà pe eyelupayatàu ina, ina tonpa yamùk, mùkyamlo emya'neppe nai'nan nùk kùtonpa yamùk kùlottau kettàu, eyenupatok kon ina uya yawàlà pùla nai'nannùk kùlottau.

2 Timothy 3:5

polopon neken Katù yapulàtok yeselu kupù tok uya màlà, tùse iwalai kulu imeluntàlù nulunpa tok uya màlà. Pùsamlo kappon yamùk winàpai ekkà.

Colossians 2:8

Elanneppeichi ettàk kon! Molopai ailon tetok auya'nokon kù'mattatak, kappon pukketù là yà'là pen molopai ennakantok tok uya penalok kon uya enupantok winà, molopai kawon kon akkwalù yamùk yeselu winàpaino là winà. Tùse Christ uya làkku enupantok yetatàk kon.

Titus 3:10

Mùkkàlà wepantakantok kussai'nùk yekamappokà asakitekkwa là molopai nen uchi yà'làlà kùkai ipàk, tàwà nechii.

Galatians 2:4

Sàlà kasa iwechippù màlà masapùla tùulon kon ina tonpa yamùk pe tukaik tùusenakassan uyàpùppù màlà ina kùlottak tùwanmùla Christ Jesus yau ina wemapù yense amak yai, molopai apyoto pe ina kusse.

1 Timothy 1:3

Ephesus po ewechi iche wessaik, eyekamappoppù uya kasa Macedonia pona utà yau. Tùulon kon kappon yamùk ailon pen enupantok ke kappon yamùk yenupayan molo, molopai tok yeleutanùpù auya iche wessaik.

Philippians 3:17

Utonpa yamùk, yentok ipàkàlà pe unkupùppù yawàlà ewechi kon iche wessaik. Molopai mùkyamlo màlà yentok ipàkàlà pe ina nùkupùppù àponalok kon pe yawàlà kulu nai'nannùk winàpai esenupatàk.

Matthew 18:7

Àsà pe kulu sàlà wolù pon kon kappon yamùk pona iwechi màlà, masapùla molo màlà kappon yamùk welattàtoppe iku'nài wechi. Màlà yekkwa ton wekkupù màlà, tùse àsà pe kulu iwechi màlà mùkyamlo iwekkuttoppe iku'nàinan pona!” teppù ya.

1 Corinthians 3:3

Wolù ponalok kon kasa lùppù. Masapùla àkùlùmàluntok kon molopai àusàlàmatok kon wechi àkklottau'nokon pàk. Màlà uya ken na' sàlà wolù yawon kappon yamùk pe ewechi kon ànkuppai ewettok kon yawàlà yekama pen màlà?

Yeunossak kon Wotokoyi 15:24

Ina netatai tùulon kon kappon yamùk, ina tonpa yamùk utàppù molopai awanittàpa eusenumenkatok kon yaimelunpappù tok uya tùuselupa kon ke, sàlà kuttoppe tùuya'nokon tapyontàtok kon yepolo tok uya pùn ina winàpai.

1 John 2:19

Pùsamlo kappon yamùk wechippù kùkklottawon kon pe kulu pùla màlà, màlàpàk màlà tok uya kùnàmàppù kon. Kùkklotawon kon pe tok wessak yau, tok wechippù kùpyau'nokon eppaino sàlà. Tùse tok uya kùnàmàppù kon tok wechi kùkklottawon kon pe kulu pùla ittutoppe.

Matthew 18:17

Tùse yeta ya pùla iwechi yau, mekamatàik sochi tawon kon pàk. Molopai sochi tawon kon yeta ya pùla iwechi yau, Katù ittunài pen kasa mùkuttàik wapùla pùlayatta pili'nài kasa,” teppù Jesus uya.

1 Corinthians 11:18

Wapiya, ewepilichak kon sochi tak yau iwepantapàssappe àkklottau'nokon ewechi kon yekale tetayaik, molopai itonpa pe tùulon kon nà wechi ailonpe pe tùttuyaik.

Luke 17:1

Jesus uya ta'lon kon pàk wateppù, “Yà'là yamùk là kappon yamùk ku'nài makui yak tok utàtoppe, wekkuppù pe man. Tùse àsà pe kulu iwechi màlà iwekkutoppe iku'nài pona!

Matthew 7:15

“Tùttuse ettàk kon, ailon pen itekale yenpoikannan pàk. Tok uyàpù màlà apyakù'nokon kalinilu kasa là tok usene màlà polopo, tùse àsà ton kamo yamùk kasa tok wechi màlà.