Romans 16:12 - Patamuna New Testament Revised

¹² “Wakù pe na' messatàu?” te uya Tryphena molopai Tryphosa tawonnan, nossan yamùk sa'man pe tùwe'wotokomasan Itepulu wotokoyi yau pàk, molopai Persis pàk nàlà unùn kulu uwechiyakon pe tùwessen nossan pàk “Wakù pe na' messan?” katàk kon, mùkkàlà eke pe kulu iwe'wotokomasak lùppù Itepulu ponaloppe.

Romans 16:12 ပူးပေါင်းရင်းမြစ်များ

Matthew 5:47

Molopai ewechi yakon non pàk neken wakù pe na'messan te auya'nokon yau, tùkussen pen kussak na' auya'nokon màlà? Ailon Katù ittunnan pen là nen mùkyamlo iku'nàinan màlà kasa!

Matthew 9:38

Tùpilichen yesak ipawanattàtàk kon tukkeiwa ipili'nàinan yeunottoppe ya,” teppù.

Romans 16:11

“Wakù pe na' messan?”te uya Herodion pàk, utonpa Jew, molopai Narcissus yùwùk tawon kon pàk.

Romans 16:13

“Wakù pe na' messan?” te uya Rufus piyak, mùkkàlà wakù kulu tùwe'wotokomasen Itepulu wotokoyi yau, molopai ichan, usan pe nàlà iwessak lùppù.

1 Corinthians 15:10

Tùse wakù pe Katù wettok winà wessai'nùppe wechi sàlà nai'nùk, molopai wakù pe iwettok wechippù yà'là woton pe pùla là pen màlà. Ànù'là yeunossak kon yentai lùiwa sa'man pe we'wotokomasak man, Iulà pen tùse, tùse wakù pe Katù wettok upàk we'wotokoma nai'nùk.

1 Corinthians 15:58

Màlàpàk uchi, u'nùn ton utonpa yamùk, meluntà pe ettàk kon, katamatàu. Tamù'nawàlà tàwàlàlà Itepulu wotokoyi yak ettùtàk kon. Masapùla Itepulu yau àwotokoyi kon wechi iwoton pe pùla là pen màlà.

1 Corinthians 16:16

Apawanattàyatàu Iulà utonpa yamùk, pùsamlo yekkwa yo'no mettàik molopai ànù'là tùwe'wotokomasan tok pokonpe yo'no.

Colossians 1:29

Sàlà wekkuttoppe tùwe'wotokomasen Iulà sa'man pe, eke meluntà Christ nùtùlù yapulà pe, ne'wotokomayai'nùk uyau.

Colossians 4:12

“Wakù pe na' messatàu?” nùkayan Epaphras àtonpa kon nàlà, molopai Jesus Christ yapyoto. Tùwàpùlemasen mùkkàlà tàwàlà eke pe àpona'nokon. Katù yekamapponài meluntà pe ewena kon pa tamù'nawàlà Katù yeselu yau tùwappùik molopai ittunài pe.

1 Thessalonians 1:3

Masapùla ina nùttuyan, Katù Kùkàipùnù kon yemloto po ailon tetok auya'nokon yai ewe'wotokoma kon sa’man pe uchi'nùnmantok ke. Molopai enpen ewettok kon Kùyepulu Jesus Christ pàk wechi melùntà pe ittuyan ina.

1 Timothy 4:10

Màlàpàk uchi sàlà wakù pe wema'nà'nokon molopai sa'man pe we'wotokoman nokon iche we'nà, masapùla enpen we'nàtok kon nonkasak nulànan Katù pàk tamù'nawolon kappon yamùk Pùikattànài, molopai mùkyamlo kulu ailon tawonnan pe nai'nannùk pàk pàk.