Romans 15:8 - Patamuna New Testament Revised

⁸ Masapùla tekamayaik àpàkù'nokon Christ wenappù mà Jew yamùk yattàsak kon yapyoto pe tà Katù wechi ailon pe yekama pe ikupù tùuya teppù lùppù tùnamasan Jew yamùk tamo yamùk pàk kusse ailon pe iwettoppe.

Romans 15:8 ပူးပေါင်းရင်းမြစ်များ

Matthew 15:24

Màlàyau Jesus uya yeikuppù, “Yeunossak Iulà iitassak kon kalinilu yamùk Israel pon kon kappon yamùk piyak neken,” tukaik.

Matthew 20:28

Kàyik Mumu uyàpùppù tapyoto ke esse pen màlà, tùse apyoto pe esse, molopai tùwemattok tùse tukkan kon kappon yamùk ye'matoppe tùuya,” teppù Jesus uya.

John 1:11

Tùnkonekappù wolù pona iyàpùppù màlà, tùtonpa yamùk kùlottak, tùse itonpa yamùk uya yanùmù pùla iwechippù.

John 10:16

Molo tùulon kon kalinilu yamùk uponalok kon man sàlà kulala tau pùla. Mùkyamlo nàlà nepù uya màlà, tok uya umaimu yeta màlà, molopai tewin ipata tok wechi molopai tewin itesak.

Yeunossak kon Wotokoyi 13:46

Tùse Paul molopai Barnabas uselupappù màlà yentak meluntà pe tùusenalippaik pùla. “Iche kulu we'nàtoppe iwechippù màlà Katù Maimu usekama àpàkù'nokon wapiya. Tùse inulunpasak auya'nokon pàk, molopai tàwàlàlà wema'nàtok yeponnan yeppe ewekkupù kon pùla iwechi pàk, ina uya ànàmà kon sàlà, molopai ina utà sàlà Jew yamùk pen piyak.

Romans 11:22

Imasa yentàk kon wakù pe molopai àsà pe Katù wechi. Àsà pe iwechi mùkyamlo iwepantalalùkasak kon pàk, tùse wakù pe iwechi àpàkù'nokon wakù pe iwettok ichentupatok yau lùppù ewechi kon yau. Tùse yau pùla ewechi kon yau amyamlo nàlà wepantalùka màlà.

Romans 11:30

Amyamlo Jew yamùk pen, pena Katù Maimu yawàlà pùla ewechippù kon. Tùse sàlà pe Katù usentuppatok yanùnsak auya'nokon man, masapùla Jew yamùk wessak Katù Maimu yawàlà pùla pàk.

Romans 15:16

Màlàpàk Jesus Christ yapyoto pe tùwe'wotokomasen pe wenasak man Jew yamùk pen ponaloppe. Patele pe wechi kasa tùwe'wotokomasen Iulà, Wakù Itekale Katù winàpaino yekama pàk, Jew yamùk pen tùtoppe tùtùsen pe Katù nanùmù yeppe, itùsappe Katù yemyak tok wettoppe Wakù Akkwalù winà.

Romans 3:26

Màlà kupùppù Katù uya màlà ikasa tùwettok sàlà yattai yenpoika pe. Sàlà kasa Katù uya ikasa tùwechi yekama màlà molopai tamù'nawolon kon ailon tawonnan Jesus pàk yanùmù tùuya ikasa.

Romans 3:3

Yà'là pe ken iwechi tok tonpa yamùk wechi ailon pe pùla yau? Sàlà uya ka' Katù wechi ailon pe pùla te pe iwechi màlà lù?

Romans 4:16

Katù uya ikupù tùuya tetok wechi màlà ailon tetok yapon pe, Katù uya lepantok pe iwechi yentok ipàkàlà pe iwettoppe, tamù'nawolon kon Abraham payan yamùk ponaloppe, Law yawolon kon neken pen, tùse mùkyamlo nàlà ailon tawonnan Katù pàk, Abraham wechippù kasa. Masapùla Abraham mùkkàlà kùkàipùnù kon tamù'nawàlà, tamù'nawolon kon kappon yamùk yenupanài ailon pe we'nàtok pàk.

1 Corinthians 1:12

Sà kasa te uya uya wate. Tewinan nà uya, “Paul ya'lon Iulà” te, tùulon uya, “Apollos ya'lon Iulà” te, tùulon uya, “Cephas, Peter tukaik tesassen ya'lon Iulà” te, molopai tùulon uya, “Christ ya'lon Iulà” te.

1 Corinthians 10:19

Ailon pen katù yemyak itùsak lùppù wechi màlà yà'là pe kulu te uya na' nai'nùk wapùla ailon pen katù wechi màlà ànùppe te uya ka'lù?

1 Corinthians 10:29

Eusenumenkatok pen tùse mùkkàlà làkku. Màlàpàk, yà'là peichi iwechi pàk welaikatok miyakanma uya àli pe tùulon kappon usenumenka pàk?

1 Corinthians 15:50

Sàlà tekamayaik àpàku'nokon utonpa yamùk, pun molopai mùn uya Katù wettok itepulu pe yepolo pen màlà, molopai tùukàtasen uya tùukàtasen pen yepolo pùla iwechi màlà.

2 Corinthians 1:20

Masapùla Christ uchi mùkkàlà “Ewaik” tetok Katù uya ikupù tùuya tetok yau. Sàlà wenai uchi Jesus Christ yau “Emen” te màlà, Katù yapulàtok iwinà pe.

Ephesians 2:12

Màlà yattai mei Christ pàk ewechippù kon màlà. Toto yamùk pe, Israel yamùk tonpa pe pùla. Itùlù tùuya teppù Katù uya lùppù tùponalok kon pàk pùkkù pe ewechippù kon pen. Sàlà non po ewemapùppù kon enpen we'nàtok pùla, molopai Katù pùla.