Romans 15:7 - Patamuna New Testament Revised

⁷ Àtonpa kon yanùntàk kon, Christ uya ayanùnsak kon nai'nùk kasa Katù yapulàtok ipàkàlà pe.

Romans 15:7 ပူးပေါင်းရင်းမြစ်များ

Matthew 10:40

“Ànù'là ayanùnnài'nokon uya uyanùmù màlà. Molopai ànù'là uyanùnnài uya mùkkàlà uyeuno'nàippù yanùmù màlà.

Mark 9:37

“Ànù'là pùsàlà yekkwa mule, yanùnnài uyesek yau, uya uyanùmù màlà. Uyanùmù ya neken pen tùse uyeuno'nàippù yanùmù ya nàlà,” teppù ya.

Luke 15:2

Pharisee yamùk molopai Law pàk enupannan tawonnan wessa'molùkappù màlà tùusàulàma kon pàk, “Pùsàlà mùkkàlà kàyik àli ku'nài nan yanùnnài molopai tùuta'lettàsen tok pokonpe!” tukaik.

Luke 9:48

Molopai tok pàk, “Kappon uyesek yau pùsàlà mule yanùnnài uya uyanùmù màlà. Molopai ànù'là uyanùnnài uya nàlà uyeuno'nàippù yanùmù màlà. Masapùla mùkkàlà elekkwà kulu àklottau'nokon, wechi màlà eke pe kulu,” teppù ya tok pàk.

John 13:34

Emennak Enupantok tùlù uya sàlà, echi'nùn pe ettàk kon. Uyi'nùn pe àkupùppù kon uya kasa, mechinùnmatàik.

John 6:37

Tamù'nawàlà Ukàipùnù uya ulepatok kon uyàpù màlà upyak, ànù'là upyak tùuyàsen nulunpa uya pen.

Romans 15:9

Molopai Jew yamùk pen uya Katù yapulàtoppe ichentuppatok pàkàlà. Iwe'menukasak kasa, “Màlàpàk ayapulà uya màlà Jew yamùk pen kùlottau, eyesek yapulà pe elen kupù uya,” tukaik. {2Sa 22. 50, Psa 18.49}

Romans 5:2

Ailon tetok winà kùnessak kon ya sàlà, wakù pe Katù wettok yak, yau we'nà'nokon nai'nùk sàlà pe yak. Tùutauchinpasan kùmyamlo enpen we'nàtok, Katù yapulàtok pùkkù pe we'nà'nokon pàk!

Ephesians 1:12

Sàlà kupùppù ya màlà ina Jew yamùk uya Katù namatok nettoppe iponaloppe molopai wapiya kulu enpen we'nàtok yeponnanùssan pe Christ pàkànsau!

Ephesians 1:18

Eusenumenkatok kon ike utakkokatoppe itakkwayi yene kon pa yekamapponài Iula, màlà enpen we'nàtok yak àkà'masak kon ya nai'nùk ittu kon pa, eke kulu màlà wakù kuttok ya itùlù tùuya teppù ya lùppù tùponalok kon pàk,

Colossians 3:13

Eyeselu kon tùpàlikaik ettàk, molopai ànù'là kappon pàk esentupatàk, ànù'là àkklottawon kon usàulàmasak tùulon kon winàkàik yau. Ànù'là pàk mesentupatàik Itepulu Jesus usentupasak àpàkù'nokon nai'nùk kasa làma.