Romans 15:3 - Patamuna New Testament Revised

³ Masapùla Christ là wechippù iche tùwettok kasa pen màlà. Tùse iwe'menukasak nai'nùk uya, “Mottùnpantok àmottùnpappù lùppù ike mùkyamlo uya, wettùsak man upona,” te kasa. {Psa 69.9}

Romans 15:3 ပူးပေါင်းရင်းမြစ်များ

Matthew 10:25

Eichilà mà iwechi màlà tà tenupasen wechi tenupanài kasa molopai apyoto wechi tepotolù kasa yau. Tapùi yesak wechi Beelzebul pe yau màlà yentai nen uchi itùwùk tawon kon wechi màlà!” teppù ya.

Matthew 26:39

Iitàppù màlà mei lùiwa, molopai non pona itenpata iwekkawai'mappù molopai iwàpùlemappù, “Ukàipùnù, ikupù auya pe iwechi yau, sàlà wettalumattàntok pùsawù yamakà uwinàpai! Tùse iche wettok pen, tùse iche làkku ewettok,” tukaik.

Matthew 26:42

Yakon itekkwa pe tu'ma Jesus utàppù, molopai iwàpùlemappù, “Ukàipùnù, sàlà wettalumattàntok pùsawù yama uwinàpai pùla iwechi yau, tùse inchichak uya yau neken, eyeselu wekkupù màlà,” tukaik.

Matthew 27:44

Kappon lapumannannussan, ikaiwattàsak kon ipokonpe uya nàlà imottùnpappù, màlà kasa làma.

John 15:10

Eyenupatok kon uya kupù auya'nokon yau, pùnùnmantok uya yau ewechi kon màlà, Ukàipùnù uya uyenupatok yawàlà u'nùnmatok ya yau wechippù kasa.

John 15:24

Ànù'là nùkupù pen kusak uya tok kùlottau pùla iwechi yau tùmakuyi ke echii'ma àli pe tok uchittuppù pen sàlà eppaino. Tùse eke ton wotoko yamùk kupù uya yensak tok uya man, walà tùse tewanma kon pe tok uya ukupù molopai Ukàipùnù nàlà.

John 4:34

Jesus uya tok pàk, “Uyekkyali màlà uyeuno'nàippù yeselu kupù molopai wotoko intùlùppù ikuttoppe uya yenuka'nùppù.

John 5:30

“Uyiwalà yà'làlà kupù uya pen màlà. Katù uya neken yekama yeta uya pàkàlà màlà ittu uya, màlàpàk ittuntok uya wechi màlà ailon pe. Masapùla uyiwalà iche wettok kupù uya pen sàlà, tùse Ukàipùnù uyeuno'nàippù yeselu kupù uya.

John 6:38

Masapùla epùn poi iyàssak Iulà uyeselu kusse pùla, tùse mùkkàlà uyeuno'nàippù yeselu kusse.

John 8:29

Uyeununo'nàippù mùkkàlà upyauwon, tewincha unànnài pen mùkkàlà. Masapùla tàwàlàlà yauchinpanài ku'nài Iulà,” teppù.

2 Corinthians 8:9

Masapùla mùttuyatàik wakù kùyepulu Jesus Christ nùkupùppù tamù'nawolon yesappe lànen tùwechi tùse, àpàkànsau'nokon yà'làlà pùla iwenappù, yà'là pùla iwenatok winà nen uchi tamù'nawolon yesappe ewena kon pa.

Philippians 2:5

Eusenumenkatok kon yau Jesus Christ kasa ettàk .

Philippians 2:8

Kappon pe là iwechippù. Àssà'mùla iwenappù màlà molopai mayin yawàlà weli'nàtok yanùmùppù ya, pulusuk po weli'nàtok.