Romans 15:19 - Patamuna New Testament Revised

¹⁹ Sàlà kupùppù uya yensappe pùla nai'nùk wapiya, enumenkanài molopai usenalippantoppe ku'nài meluntàlù winà, molopai Wakù Akkwalù meluntàlù winà. Màlàpàk mei pai Jerusalem poi Illyricum pùkkù yak, Wakù Itekale yekamasak uya man tamù'nawàlà, Christ yekale.

Romans 15:19 ပူးပေါင်းရင်းမြစ်များ

2 Corinthians 12:12

Ailon pe yeunossak pe wechi yekamanài kupùppù uya màlà àkklotau'nokon tamù'nawàlà pàlikantok ke. Tensen yekkwa ton pen yamùk, enumenkannan molopai enalippannan yamùk, molopai eke ton Katù yapàikketù yekamannan yamùk.

Hebrews 2:4

Katù uya tùmàlà pe, ailon pe sàlà itekale wechi ittutok ipàkàlà kupùppù màlà, tùpatalo'nan tensen yekkwa pen molopai enumenkannan kupù tùuya winà. Molopai Wakù Akkwalù winàpaino lepantok yamùk yekamùppù ya màlà teselu yawàlà.

Galatians 3:5

Katù na' mùkkàlà elepanài'nokon Takkwalù ke molopai eke ton tensan yekkwa pen ku'nài àkklottau'nokon. Masapùla law yawàlà ewechi kon pàk, wa pùla ka' Itekale yetasak auya'nokon pàk ailon tesak auya'nolon pàk lù?

2 Timothy 4:17

Tùse Itepulu upyau nettai molopai ulepatai meluntà ke, tamù'nawàlà itekale yekama toppe uya kappon yamùk Jew yamùk pen uya yeta toppe; molopai Itepulu uya upùikattàppù “Palauya mùtapai.”

Yeunossak kon Wotokoyi 20:6

Ina utàppù màlà tuna po Philippi poi Iwapuluwetasak pen pùlomù pusak pàk Uta'lettàntok tùpo, molopai 5 pe wei tùpo ina uya molo tok yepoloppù Troas po. Molo tewin Suntayaka ina uko'mamùppù.

Yeunossak kon Wotokoyi 17:10

Asse'ne ewalupà pe iwenasak yau, ailon tawonnan uya Paul molopai Silas tawonnan yeunokoppù Berea pona. Tùwelepansak kon pe tok utàppù Jew yamùk wepilittok itak tak.

Yeunossak kon Wotokoyi 20:20

Mùttuyatàik yà'làlà àpùikattànài'nokon pe tùwessen pùnùnmappù uya pùla iwechi ewinàpai'nokon, itekale yekama uya yau, molopai eyenupa kon uya yau wepili'nàtok itak tau, molopai apatassek kon yau'ne.

Yeunossak kon Wotokoyi 19:1

Apollos wechi Corinth po tùse, Paul utàppù màlà pata yamùk yawàlà palau yena winàpai molopai iwelepamùppù Ephesus pona. Molo Jesus ya'lon kon yepoloppù ya màlà.

Yeunossak kon Wotokoyi 18:19

Ephesus pona tok welepamùppù, molopai màlà motau Paul uya Prisilla molopai Aquila tawonnan nàmàppù. Tùse Jew yamùk wepilittok itak tak iitàppù molopai tok useippàtùppù Jew yamùk pokonpe.

Yeunossak kon Wotokoyi 18:1

Sàlà tùpo, Paul uya Athens nàmàppù molopai iitàppù Corinth pona.

Yeunossak kon Wotokoyi 17:15

Kàyik yamùk Paul yanài nan utàppù ya'là Athens pona. Molopai tok wennapoppù Berea pona Paul maimuppù pokonpe Silas molopai Timothy uyàtoppe ipyak asse'ne.

Yeunossak kon Wotokoyi 16:18

Sàlà kupùppù ya màlà tukke wei Paul usetakka ponalà. Màlàyau iwelattàppù molopai àli akkwalù pàk, “Jesus Christ yesek yau epakkakà pùsàlà yapai te uya sàlà!” teppù ya. Màlà yattai là àli akkwalù wepakkappù yapai.

Yeunossak kon Wotokoyi 15:12

Tamù'nawolon kon wechippù màlà eppana Barnabas molopai Paul tawonnan uya tamù'nawàlà tensan yekkwa ton pen enumenkan nan, kupùppù Katù uya tai'nokon Jew yamùk pen kùlottau, yekama yeta tùuya'nokon yau.

Yeunossak kon Wotokoyi 14:25

Tok uya itekale yekamappù Perga po molopai tok utàppù Attalia pona.

Yeunossak kon Wotokoyi 14:20

Tùse Jesus ya'lon kon wepilichak tùwoi yau, iwà'mùssakkappù molopai iwennapoppù malà pata pona. Iwemassak pe mùkkàlà molopai Barnabas tawonnan utàppù Derbe pona.

Yeunossak kon Wotokoyi 14:10

Màlàpàk, “À'mùssakkakà satippe atta po!” teppù ya ipàk eke pe. Kàyik usanùmùppù, molopai iwessa'molùkappù tùusalà pàk.

Yeunossak kon Wotokoyi 14:6

Yetasak tùuya'nokon yau tok wepeppù Lystra molopai Derbe pona, pata yamùk Lycaonia pon, molopai iwoino kon pata yak.

Yeunossak kon Wotokoyi 13:51

Màlàpàk tok uya non tu'meppù tùtta kon poi tok yekamappo pe tok winàkàik molopai tok utàppù Iconium pona.

Yeunossak kon Wotokoyi 13:14

Tok utàppù Perga poi molopai tok uyàpùppù Antioch Pisidia pon yak, molopai Wàlàkka'nàtok Weyu yattai tok utàppù Jew yamùk wepilittok itak tak molopai tok weleutappù.

Yeunossak kon Wotokoyi 1:8

“Tùse meluntà yepolo auya'nokon màlà Wakù Akkwalù uyàssak àpona'nokon yau, molopai uyekaman nan pe ewechi kon màlà Jerusalem po, tamù'nawàlà Judea yawàlà molopai Samaria polo, molopai mailàlà sàlà non wenukattok yawàlà,” teppù Jesus uya tok pàk.

John 4:48

Jesus uya ipàk, “Ailon te auya'nokon pen tùse neken tensanyek ton pen eke wotoko kupù yene auya'nokon yau,” teppù.

Matthew 12:28

Tùse Katù Yakkwalù yai àli akkwalù yamùk yenpakka Usya yau, Katù wettok Itepulu pe uyàssak man apyakù'nokon.

1 Peter 1:12

Katù uya yenpoikappù màlà pùsamlo pàk tok wotokoyi wechi tok ponaloppe pùla, tùse àponalok kon pe, tok uselupappù ailon pàk màlà enetappù kon kasa. Wakù Itekale yekamannan ichelupasak kon Wakù Akkwalù meluntàlù yeunossak lùppù epùn poi winà uya, sàlà yamùk ailon ton yekamappù àpàkù'nokon. Sàlà yamùk uchi màlà inchelù yamùk lànen wettok ànùttupai.

Colossians 1:25

Sochi yapyoto pe Katù uya ukussak man. Sàlà wotoko ke ulepappù ya màlà tamù'nawàlà Wakù Itekale yekamatoppe uya àpàkù'nokon.

Romans 15:24

Màlàpàk “sàlà pe'ne eyene kon uya” te uya sàlà Spain pona utà yau. Akakklanpasak kon uya malalà tùpo, wepùikattàtok yepolo uya ewinàpai'nokon pàk enpen wessaik utàtoppe màlà pata motak,

Romans 15:13

Tàwà uchi Katù enpen we'nàtok uyàttok iwinà ayanùkkai'nokon tamù'nawolon utauchinpantok ke molopai echitonpa pe we'nàtok ke, ailon te auya'nokon ipàk yawàlà, Wakù Akkwalù meluntàlù winà enpen ewettok kon yau meluntà pe kulu ewechi kon pa.

Romans 15:16

Màlàpàk Jesus Christ yapyoto pe tùwe'wotokomasen pe wenasak man Jew yamùk pen ponaloppe. Patele pe wechi kasa tùwe'wotokomasen Iulà, Wakù Itekale Katù winàpaino yekama pàk, Jew yamùk pen tùtoppe tùtùsen pe Katù nanùmù yeppe, itùsappe Katù yemyak tok wettoppe Wakù Akkwalù winà.

1 Corinthians 2:4

Uselupatok molopai uyekale unekama wechi kappon pukketù nùkupù yawà pùn, tùse Katù winàpaino Wakù Akkwalù meluntàlù yenpoika pe iwekkussak màlà.

1 Thessalonians 1:5

Masapùla Wakù Itekale nepùppù ina uya màlà apyakù'nokon, imaimuppù lùppù pe neken nà pùla. Tùse tùmeluntàlù ke Wakù Akkwalù pokonpe nàlà molopai tamù'nawàlà eyewan yelupatok ya ikasa pokonpe. Mùttuyatàik ina wemapùppù apyau'nokon tùwechi kon yau àponalok kon pe.