Romans 15:18 - Patamuna New Testament Revised

¹⁸ Màlàpàk yà'là yekkwa là pàk uselupaiche wechi pen sàlà. Màlà neken Christ nùkupùppù uyai pàk uselupa, Jew yamùk pen nepù uya Katù Maimu yawàlà tok wettoppe pàk, uselupappù lùpù pàkàlà molopai unkupùppù winà.

Romans 15:18 ပူးပေါင်းရင်းမြစ်များ

Matthew 25:16

Apyoto, 5 pe kolù pun yekkwa'nàippù utàppù màlà, molopai màlà pùlayatta yapai 5 pe làma yepoloppù ya màlà.

Mark 16:20

Màlàyau inenupa ton nùssan utàppù Itekale yekamaik mailàlà. Molopai Itepulu Katù we'wotokomappù tok pokonpe. Molopai tok nekamappù lùppù yenpoikappù ya ailon pe iwechi yentok ipàkàlà pe tok yapàikketù yau. [

Yeunossak kon Wotokoyi 14:27

Tùwelepansak kon Antioch pona yau, tok uya sochi tawon kon pilipùppù molopai tok uya tamù'nawàlà Katù nùkupùppù tùpokon pe'nokon yekamappù tok pàk, molopai Katù uya asanta yakkokasak Jew yamùk pen uya ailon te toppe, yekamappù nàlà tok uya.

Yeunossak kon Wotokoyi 15:12

Tamù'nawolon kon wechippù màlà eppana Barnabas molopai Paul tawonnan uya tamù'nawàlà tensan yekkwa ton pen enumenkan nan, kupùppù Katù uya tai'nokon Jew yamùk pen kùlottau, yekama yeta tùuya'nokon yau.

Yeunossak kon Wotokoyi 15:4

Tok welepansak Jerusalem pona yau, Sochi uya, yeunossak kon uya, molopai eke ton tùnamasan uya tok yanùmùppù tùutauchinpaik. Mùkyamlo pàk tok uya tamù'nawàlà Katù nùkupùppù tùpokon pe'nokon yekamappù.

Yeunossak kon Wotokoyi 21:19

Paul uya, “Talà là na' messatàu?” teppù, molopai tamù'nawàlà tewin pàk Katù nùkupùppù Jew yamùk pen kùlottau tùwotokoyi yai yekamappù ya.

Yeunossak kon Wotokoyi 26:20

Wapiya Damascus po molopai Jerusalem po molopai nen uchi tamù'nawàlà pata Judea yau molopai Jew yamùk pen kùlottau, Wakù Itekale yekamappù uya tok welattà toppe Katù winàkàik tùmakuyi kon winàpai, molopai yà'làlà tùwemyakanmasak kon yekamanài kuttoppe tok uya.

Romans 1:5

Mùkkàlà yai màlà Katù uya ukupùppù tùneunoko pe, Christ yesek pàkànsau, kappon yamùk tamù'nawolon pata yamùk yawolon kon Jew yamùk pen nà nen yatoppe uya ailon tetoppe tok uya, molopai Katù Maimu yawàlà tok wettoppe.

Romans 16:26

Tùse sàlà pe nen uchi, sàlà itekale yekamasak man molopai tàwàlàlà tùwemassen Katù uya tùmaimu yenpoikannan yapyontàppù màlà wakù itekale menukatoppe tok uya, tamù'nawolon kon kappon yamùk uya ailon tetoppe molopai imaimu yawàlà tok wettoppe.

Romans 6:17

Tùse tenki tepai'nokon Katù pàk, masapùla pena àli yapyoto pe ewechippù kon màlà, tùse sàlà pe ailon, yeposak lùppù enupantok, enepoloppù kon yau, maimu yawàlà ewechi kon tamù'nawàlà eyewan kon ke.

2 Corinthians 11:31

Katù, Itepulu Jesus Kàipùnù mùkkàlà tapulàsen pe nai'nùk tàwàlàlà, nùttuyan kasei pe pùla wechi.

2 Corinthians 12:6

Atapulàpai là wechi yau, pakko pe wechi pen màlà, masapùla ailon pe uselupa pàk. Tùse atapulàpai pùla wessaik masapùla ànù'là usenumenka eke pe upàk tùnene molopai tùneta unekama yau yentai iche pùla wechi pàk.

2 Corinthians 3:5

Masapùla yà'làlà pùla man ina yau ina kupù woton sàlà wotoko ku'nài pe tùmeluntàlù ke ina wettoppe. Meluntà itesak pe ina nai'nùk màlà tùuyàssen Katù winàpai.

2 Corinthians 6:1

Tamùkke Katù pokonpe tùwe'wotokoma kon yawàlà ina apawanattàyatàu. Wakù pe we'nàtok Katù winàpaino yanùmù auya'nokon yà'là woton pe pùla là tukaik.

Galatians 2:8

Màlàpàk Katù yapàikketù winà yeunossappe ukupùppù màlà Jew yamùk pen winàkàik, Peter kupùppù Jew yamùk piyak yeunossappe kasa.

Colossians 3:17

Tamù'nawolon ànkupù kon wapùla euselupatok kon nekkupùik Itepulu Jesus yesek yau, tenki te auya'nokon pe mùkkàlà yai Katù Kùkàipùnù kon pàk.

2 Thessalonians 2:17

eyewan kon meluntàpai, molopai emeluntàlùttài'nokon wakù kupù kon pa, molopai wakù pe ikasa euselupa kon pa.

Hebrews 11:8

Ailon tetok winà Abraham wechippù màlà Katù Maimu yawàlà tùkà'masak ya yau, molopai iitàppù tùpata woton pe itùlù tùuya teppù Katù uya tùpàk yak. Tùpata nàmàppù ya i'nailà tùutà ittui'ma pùla.

Hebrews 5:9

Ikasa kulu Jesus wekonekasak pàk, mùkyamlo tùmaimu yawolon kon nà pùikattà ya màlà tàwàlàlà.

James 1:22

“ Tetatai là te, ” tukaik kesennakatàu Katù Maimu yetasak auya'nokon yau. Tùse ikuttàk kon làkku.

1 John 3:18

Umunkà yamùk! Pùnùnmantok kùuya'nokon imaimuppù pe neken nà kùsettak molopai uselupantok pe neken nà; tùse i'napailon ailon uchi'nùnmantok pe iwechi, welaikantok yau tùusensen pe.

Jude 1:9

Inchelù yamùk yepulu, Michael uya sàlà kussak pùla iwechi màlà. Tepùlù pokonpe tùusàulàma kon pe tùuselupa kon Moses yàkàpù pàk yau, Michael usenalippappù màlà. Tepùlù mottùnpappù ya pen, tùse, “Itepulu uya àyàulàma màlà,” teppù ya.