Romans 15:16 - Patamuna New Testament Revised

¹⁶ Màlàpàk Jesus Christ yapyoto pe tùwe'wotokomasen pe wenasak man Jew yamùk pen ponaloppe. Patele pe wechi kasa tùwe'wotokomasen Iulà, Wakù Itekale Katù winàpaino yekama pàk, Jew yamùk pen tùtoppe tùtùsen pe Katù nanùmù yeppe, itùsappe Katù yemyak tok wettoppe Wakù Akkwalù winà.

Romans 15:16 ပူးပေါင်းရင်းမြစ်များ

Yeunossak kon Wotokoyi 13:2

Tok wechi Itepulu yapulà pàk. Tùuta'lettàik pùla tok wàpùlema tùse, Wakù Akkwalù uya, “Barnabas molopai Saul yanùntàk kon uponaloppe, uwotokoyi kuttoppe tok uya unkà'massan,” teppù tok pàk.

Yeunossak kon Wotokoyi 20:24

Tùse wemattok tùkussaik yà'là pe pùla là, uwotokoyi yenuka'nùttoppe uya, molopai wotoko Itepulu Jesus uya ulepatok unkupùpe kutoppe uya, màlà Wakù Itekale tekamasen wakù pe Katù wettok yekama toppe uya.

Yeunossak kon Wotokoyi 20:32

“Sàlà nen uchi ànonka kon uya Katù yemyak wakù pe imaimu wettok yak. Eyemokkanài pe iwechi màlà molopai elepaya màlà enepolo ke tamù'nawolon kon esuken iwekonkasak kon kùlottau.

Yeunossak kon Wotokoyi 22:21

‘Itàkà, eyeunoko uya sàlà mei Jew yamùk pen kùlottak,’ teppù ya upàk.

Yeunossak kon Wotokoyi 9:15

Tùse Itepulu Jesus uya, “Itàkà, masapùla yanùnsak uya màlà uyapyoto pe iwettoppe uyesek yekama toppe ya Jew yamùk pen pàk molopai tok kinù yamùk pàk molopai Israel pon kon pàk.

Romans 1:1

Sàlà kaleta nùyàssan apyakù'nokon Paul winàpai. Mùkkàlàichi mùkkàlà Jesus Christ yapyoto molopai yeunossak lùppù. Inanùmùppù mùkkàlà molopai inkà'mappù Wakù Itekale tùponalok yekamatoppe ya.

Romans 11:13

Eyelupayatàu uchi Iulà sàlàpe Jew yamùk pen. Jew yamùk pen piyak yeunossak pe wechi yawàlà uwotokoyi kupù uya sàlà tok ponaloppe.

Romans 15:18

Màlàpàk yà'là yekkwa là pàk uselupaiche wechi pen sàlà. Màlà neken Christ nùkupùppù uyai pàk uselupa, Jew yamùk pen nepù uya Katù Maimu yawàlà tok wettoppe pàk, uselupappù lùpù pàkàlà molopai unkupùppù winà.

Romans 15:19

Sàlà kupùppù uya yensappe pùla nai'nùk wapiya, enumenkanài molopai usenalippantoppe ku'nài meluntàlù winà, molopai Wakù Akkwalù meluntàlù winà. Màlàpàk mei pai Jerusalem poi Illyricum pùkkù yak, Wakù Itekale yekamasak uya man tamù'nawàlà, Christ yekale.

Romans 15:20

Jesus yekale usekamappù yau pen pata yau Wakù Itekale enekamapaino Iulà tàwàlà, tùulon kon nùpyattàppù pàk we'wotokoma tukaik.

Romans 15:29

molopai tùttuyaik uyàpù apyakù'nokon yau, uyàpù tamù'nawolon Christ winàpaino wakù pokonpe.

Romans 5:5

Sàlà enpen we'nàtok màlà enkuttànài pen, masapùla Katù uya pùnùnmantok tùuya tùsak màlà kùyewan kon yak, Wakù Akkwalù yai, mùkkàlà Katù uya kùlepatok kon ike yai.

1 Corinthians 3:5

Ànùk ken uchi mùkkàlà Apollos? Molopai ànùk ken mùkkàlà Paul? Katù yapyoto ton neken nen mùkyamlo, ene'nàippù kon iwinàkàik ailon te kon pa. Itepulu nùtùlùssan mùkyamlo iponalà iwotokoyi.

1 Corinthians 4:1

Màlàpàk uchi, ina yene kappon yamùk uya màlà Christ yapyoto ton pe, molopai Katù nùwotokoyittàssan, tùttusen pen ailon yenpoikannan pe ikussak kon pe.

1 Corinthians 6:19

Ittuichi auya'nokon pùla nai àpun kon wechi Wakù Akkwalù yùwùk pe, nemassai'nùk ayau'nokon, Katù winà enepoloppù kon? Àponalok kon pen amyamlo.

2 Corinthians 11:23

Christ yapyoto yamùk ken na' mùkyamlo? Itayaupasak kappon kasa uselupayaik, tùse wakùiwa nen apyoto Iulà! Sa'man peiwa nen we'wotokomasak màlà, patikichi tau wessak tukkeiwa itekkwa. Uyippoppàssak màlà tukke itekkwa. Molopai weli'nàtok piyau mei pùla wessak màlà echipalà'ne.

2 Corinthians 5:20

Màlàpàk uchi Christ ponaloppe tùuselupa kon pàk ina man, Katù uya apawanattà kon ina yai kasa. Christ pàkànsau apawanatà kon ina uya sàlà, tàwà Katù amyakanmatàu tùwechiyakonnon pe!

2 Corinthians 8:5

Enpen ina wettok ipàk yentai iwechippù màlà! Wapiya tok wettùlùppù tùyiwalà'nokon Itepulu yemyak, molopai nen uchi ina yemyak Katù yeselu winà.

Galatians 3:5

Katù na' mùkkàlà elepanài'nokon Takkwalù ke molopai eke ton tensan yekkwa pen ku'nài àkklottau'nokon. Masapùla law yawàlà ewechi kon pàk, wa pùla ka' Itekale yetasak auya'nokon pàk ailon tesak auya'nolon pàk lù?

Ephesians 2:18

Christ yai màlà tamù'nawolon kon kùmyamlo, asakklàma, Jew yamùk molopai Jew yamùk pen uyàttok wechi màlà tewinan Wakù Akkwalù yai Kùkàipùnù kon yemloto pona.

Ephesians 2:22

Christ yau itonpa pe ewechi kon màlà. Amyamlo nàlà yamù màlà tamùkke tamù'nawolon kon tùulon kon pokonpe Wakù Akkwalù winà tapùi Katù wemattok itau pe.

Ephesians 5:2

uchi'nùnmantok ewemattok yau nechii, Christ uya kù'nùnmappù kon molopai iwettùlùppù kùponalok kon pe kasa, wakù pe tùkà'nùnsen tùtùsen Katù yauchinpanài pe kasa.

Philippians 2:17

Ailon tetok auya Itepulu yau molopai ewe'wotokomatok màlà lepantok walai Katù pona. Msolopai umùnù wekkwamù sàlà lepantok pona. Sàlà wekkupù yau utauchinpa màlà, molopai tamù'nawàlà àpokonpe' nokon utauchinpa.

Philippians 4:18

Tamù'nawolon ulepatok auya'nokon yeposak uya man. Molopai iche wettok yentak kulu nettai. Molopai sàlà pe tamù'nawolon iche wettok yesappe wessaik, Epaphroditus uya tamù'nawàlà ulepatok nessak man upyak apyapai'nokon. Sàlà yamùk wechi màlà wakù appoi'nan tùtùsen kasa Katù pona, itùsak yau Katù nanùmù pe nai'nùk molopai yauchinpanài pe nai'nùk kasa.

1 Thessalonians 2:2

Mùttuyatàik ina talumattàkapùppù molopai ina mottùnpapàtùppù Philippi po, ina uyàpù Thessalonica pona apyakù'nokon wapiya. Tùse ku Katù uya meluntà pe tùwettalipaik pùla uselupantok Wakù Itekale yekama pe yapàikkettù ke ina lepappù, eke pe lànen iwakkà'nài nan tùse.

1 Thessalonians 2:9

Ewaik, mùttuyatàik, ina tonpa yamùk, sa'man pe ina we’wotokomappù. Ina we'wotokomappù wei kaichalà molopai ewalupàttawàlà, awanittàpa kon nà ina uya tukaik Wakù Itekale Katù winàpaino yekama tùuya’nokon yawàlà.

1 Thessalonians 5:23

Tàwà Katù echitonpa pe we'nàtok ke lepanài àkonekai'nokon tamù'nawàlà tùponalok pe, esuken, wakù pe, tamù'nawàlà iwettùsak Katù piyak pe, tàwà ayakkwalù kon, eyesak kon, eyewan kon eusenumenkatok kon, nechii iwalai pen nà pùla, Kùyepulu kon Jesus Christ uyàttok yattai.

1 Timothy 1:11

Màlàichi màlà enupantok yeposak itekale yau, uyemyak intùlùppù yekamatoppe uya, Wakù kulu Itekale Eke Katù winàpaino.

1 Timothy 2:7

Màlàpàk uchi sàlà uyeunossak kappon yamùk Jew yamùk pen yenupanài pe molopai ailon yekale yekamase. Ailon pe uselupa sàlà, kasei pe wechi pen!

2 Timothy 1:11

Katù uya uyanùnsak man Wakù Itekale yekama toppe uya yeunossak molopai enupanài kasa,

Hebrews 13:16

Wakù kuttok uchi auya'nokon kùpputtàka'nùttàu molopai àtonpa kon pùikattàtok auya'nokon, masapùla sàlà yamùk yekkwa tùtùsan wechi màlà Katù yauchinpanài pe.

1 Peter 1:12

Katù uya yenpoikappù màlà pùsamlo pàk tok wotokoyi wechi tok ponaloppe pùla, tùse àponalok kon pe, tok uselupappù ailon pàk màlà enetappù kon kasa. Wakù Itekale yekamannan ichelupasak kon Wakù Akkwalù meluntàlù yeunossak lùppù epùn poi winà uya, sàlà yamùk ailon ton yekamappù àpàkù'nokon. Sàlà yamùk uchi màlà inchelù yamùk lànen wettok ànùttupai.

1 Peter 2:5

Àitàk kon nulànan tàk kasa, molopai tapulàsan pe ettàk Katù yùwùk kappon namùppù pen tensen pen yamù yau, màlà motau wakù pe tùwe'wotokomasan pe ewechi kon pa, wakù ton Katù lepatok iche iwettok tùlù pàk Jesus Christ yai .