Romans 15:13 - Patamuna New Testament Revised

¹³ Tàwà uchi Katù enpen we'nàtok uyàttok iwinà ayanùkkai'nokon tamù'nawolon utauchinpantok ke molopai echitonpa pe we'nàtok ke, ailon te auya'nokon ipàk yawàlà, Wakù Akkwalù meluntàlù winà enpen ewettok kon yau meluntà pe kulu ewechi kon pa.

Romans 15:13 ပူးပေါင်းရင်းမြစ်များ

John 14:1

Jesus uya, “Kesewankono'matàu molopai kataimelunpatàu. Ailon katàk kon Katù pàk, molopai ailon katàk kon nàlà upàk,” teppù.

John 14:27

“Wàlàkka'nàtok nàmà uya sàlà apyau'nokon, uwinàpaino wàlàkka'nàtok tùlù uya eyemyakù'nokon. Sàlà wolù nùtùlù yekkwa pen tùtùyaik. Eyewan kon kùttaimelunpatak molopai kesenalippatàu.

Romans 12:12

Tàwà enpen ewettok kon àkuttàu tùutauchinpaik, ewettalumattàtok kon ipàlikatàk, molopai àpùlematàk kon tàwàlà.

Romans 14:17

Masapùla Katù wettok Itepulu pe màlà tùnassen nà wapùla tinchisen nà pen, tùse ikasa we'nàtok, molopai echitonpa pe we'nàtok molopai utauchinpantok Wakù Akkwalù nùtùlù.

Romans 15:19

Sàlà kupùppù uya yensappe pùla nai'nùk wapiya, enumenkanài molopai usenalippantoppe ku'nài meluntàlù winà, molopai Wakù Akkwalù meluntàlù winà. Màlàpàk mei pai Jerusalem poi Illyricum pùkkù yak, Wakù Itekale yekamasak uya man tamù'nawàlà, Christ yekale.

Romans 15:5

Molopai tàwàchi Katù, pàlikantok molopai ewan meluntàpatok uyàttok iwinà, àkupùi'nokon esewan kaichalà Jesus Christ ya'là ewechi kon yawà,

1 Corinthians 2:4

Uselupatok molopai uyekale unekama wechi kappon pukketù nùkupù yawà pùn, tùse Katù winàpaino Wakù Akkwalù meluntàlù yenpoika pe iwekkussak màlà.

2 Corinthians 9:8

Molopai Katù wechi màlà iche ewettok kon yentai elepanài'nokon pe. Iche kulu ewettok kon yesappe ewechi kon pa molopai tamù'nawolon yà'là yekkwa là wakù wotoko kupù kon pa.

Galatians 5:22

Tùse wakù ton Akkwalù winàpai tùuyàssan màlà pùnùnmantok, utauchinpantok, echitonpa pe we'nàtok, pàlikantok, usentupantok, wakù pe we'nàtok, ailon pe we'nàtok,

Ephesians 1:2

Tàwàichi Katù Kùkàipùnù kon molopai Itepulu Jesus Christ elepai'nokon wakù pe we'nàtok tùwinàpaino molopai echitonpa pe là we'nàtok ke.

1 Thessalonians 1:5

Masapùla Wakù Itekale nepùppù ina uya màlà apyakù'nokon, imaimuppù lùppù pe neken nà pùla. Tùse tùmeluntàlù ke Wakù Akkwalù pokonpe nàlà molopai tamù'nawàlà eyewan yelupatok ya ikasa pokonpe. Mùttuyatàik ina wemapùppù apyau'nokon tùwechi kon yau àponalok kon pe.

1 Timothy 1:1

Sàlà màlà kaleta Paul winàpaino. Katù Kùpùikattànài molopai Christ Jesus napyontàppù Iulà, Christ Jesus enpen we'nàtok ke lepanài neunoko pe.

Hebrews 6:11

Wakù kupù pàk ewettok kon ewemapù kon kaichalà iche kulu ina man iwenukappù ponalà, màlà enpen ewettok kon wechi ailon pe yenpoikanài pe.

1 Peter 1:8

À'nùn pe iku'nài nan amyamlo, yensak auya'nokon pùla lànen iwechi tùse; ailon tawonnan amyamlo ipàk yene auya'nokon pùla lànen tùse sàlà pe; màlàpàk eke pe autauchinpa kon màlà yekama yentai wakù utauchinpantok ke,