Romans 14:9 - Patamuna New Testament Revised

⁹ Masapùla Christ welikùppù molopai iwe'wuluukappù wema'nàtok yak, nulànan kon molopai iwelichak kon yepulu pe tùwettoppe.

Romans 14:9 ပူးပေါင်းရင်းမြစ်များ

Matthew 28:18

Jesus uyàpùppù màlà mei pùla molopai tok pàk, “Ulepasak man tamù'nawolon apàikkek ke epùn yau molopai non po.

Luke 24:26

Yà'là woton pe pùla ken na' uchi màlà, mùkkàlà Christ wettalumattàtok wechippù, molopai nàlà iitàtok tapulàtok yak?” teppù.

John 12:24

Ailon kulu sàlà, tewin nùkkwà a'naik wepukasak non pona yau tewin nùppù iwechi màlà tùse iwelichak yau, iwata molopai iwepeta tukke.

Yeunossak kon Wotokoyi 10:36

Mùttuyatàik itekale ineunokoppù kappon yamùk Israel pon kon piyak, Wakù Itekale wàlàkka'nàtok yekama pe Jesus Christ yai. Mùkkàlà tamù'nawolon kon Yepulu.

Yeunossak kon Wotokoyi 10:42

Molopai ina yapyontàppù ya kappon yamùk pàk itekale yekama pàk, imàlà wechi Katù nanùmùppù pe nulà nan kon molopai iwelichak kon ittunài pe iwettoppe yekama toppe ina uya.

Romans 10:9

Anta kon ke, “Chirst wechi Itepulu pe,” yekama auya'nokon molopai ailon te auya'nokon eyewan kon yau Katù uya iwuluukappù weli'nàtok yapai pàk yau, ewepùikattà kon màlà.

2 Corinthians 5:14

Masapùla yà'là yekwa là ina nùkupù wechi màlà Christ uya pùnùnmantok pe, tewinan kappon welikùppù tamù'nawolon kon kappon yamùk ponaloppe ittu'nokon pàk, tamù'nawolon kon wechi iwelittok pùkkù pe màlà te ya pe iwechi màlà.

1 Thessalonians 4:14

Ailon tawonnan ku kùmyamlo tà Jesus welikùppù pàk molopai iwe'wuluuka tu'mappù pàk. Màlàpàk nàlà nen uchi mùkyamlo iwelikchak kon ailon tei'ma Jesus pàk nepù Katù uya Jesus ya'là pàk ailon tawonnan kùmyamlo.

1 Thessalonians 5:10

Iwelikchak lùppù mùkkàlà kùponalok kon pe wema'nà tok kon pe tamùkke ipokonpe, weli'nàsak yau wapùla pàli'yau we'nà yau iyàssak yattai

2 Timothy 4:1

Tùumayintaik eyekamappoyan Iulà Katù yemloto po molopai Christ Jesus yemloto po, mùkkàlà tamù'nawolon kon kappon yamùk ittu woton, nulà nan kon molopai iwelichak kon: masapùla iyàttok molopai Itepulu pe iwettok woton pe iwechi pàk, eyekamappoyan Iulà

Hebrews 12:2

Jesus yenpai'nokon man. Mùkkàlà ailon tetok kùuya'nokon piyattànàippù molopai ikasa kulu iku'nài mùkkàlà. Masapùla mùkkàlà uya tùutauchinpatok yepolo tùuya ite'mappùtak ittu tùuya pàk, tùwelittok pàlikappù pulusuk pàk, wekuli'mantok pàk iichenumenka pùla. Molopai sàlà pe nen uchi chichiupe man Katù laitanù winà yapon piyau.

1 Peter 1:21

Mùkkàlà yai ailon tawonnan amyamlo Katù pàk, iwuluukanàippù weli'nàtok yapai, molopai ilepanàippù apulàntok ke; màlàpàk ailon tetok auya'nokon molopai enpen ewettok kon wettoppe Katù pàk.

1 Peter 4:5

Tùse tok uya yeitok tùuya'nokon tùlù màlà Katù piyak, iwekonekasak nai'nùk nulà nan kon molopai iwelichak kon ittutoppe tùuya.

Revelation 1:18

“Nulà nan Iulà! Welikùppù màlà, tùse yenkà, nulà wessaik tàwàlàlà molopai tàwàlàlà. Tapàikketù ke wechi nai'nùk weli'nàtok yepoi molopai iwelichak kon patassek yepoi.

Revelation 2:8

“Smyrna pon Sochi inchelùyi piyak sàlà imenukakà: “Sàlàichi màlà itekale mùkkàlà wapiyalok molopai iwenukattok, iwelichak lùppù molopai nulà tu'ma nai'nùk winàpaino.