Romans 14:4 - Patamuna New Testament Revised

⁴ Ànùk ken àmàlà tùulon yapyoto talumattà pa? Itepotolù nen mùkkàlà wakù kù'nài pe tapyoto wechi wapùla wakù ku'nài pe pùla iwechi ittunài, Itepotolù mùkkàlà wakù pe ken naikko tawon imasapùla Itepotolù uya ikupù màlà wakù kuttoppe ya.

Romans 14:4 ပူးပေါင်းရင်းမြစ်များ

Yeunossak kon Wotokoyi 11:17

Katù uya mùkyamlo Jew yamùk pen lepasak man, ailon te kùuya'nokon Jesus Christ pàk yau kùlepappù tùuya lùppù ke; ànùk ken uchi Iulà Katù yeleutanùttoppe uya?” tukaik.

Romans 11:23

Molopai Jew yamùk uya nàlà, ailon tukaik pùla tùwettok kon nonkasak yau, tok mùnapo màlà tok patappù yak, masapùla Katù mùkkàlà tapàikketù kenan tok mùnappotukkatoppe tùuya.

Romans 14:3

Mùkkàlà tamù'nawolon na'nài molopai yannài, yonpanài pen talumattàtak molopai yà'là yekkwa là yonpanài pen tamù'nawolon na'nài molopai yannài talumattàtak, masapùla mùkkàlà kapon yanùsak Katù uya màlà.

Romans 16:25

Katù yapulatàk kon! Meluntà pe ewechi kon pa àkupù kon ya màlà tapàikketù ke, Wakù Itekale unekama Jesus Christ yekale yai. Tachinpe pena sàlà itekale kupùppù màlà tonantau.

Romans 9:20

Tùse ànùk ken uchi àmàlà, kappon, Katù Maimu yeippàtù pa? Àinà màlà tùka'nài là kappon, yekamappopà'nài pen, “Yà'là peichi iwechi pàk kùkattai sàlà kasa?” tawon pen. {Isa 45.9}

Hebrews 7:25

Màlàpàk mùkyamlo Katù piyak tùuyàssan tùwinà pùikattànài kulu mùkkàlà tamù'nawàlà. Masapùla tàwàlàlà tùwemassen mùkkàlà Katù pawanattàtoppe tùuya tok pàkànsau.

1 Peter 1:5

Ailon tetok Katù pàk yesak ton amyamlo, mùkkàlà meluntàlà màlà inotau ewettok kon pata weyu wenukapù ponalà. Katù uya tamù'nawolon kon kappon yamùk ittu yattai. Màlà yattai nen uchi àpùikattà kon ya màlà ikupù tùuya teppù tùuya kasa.

Jude 1:24

Mùkkàlà ewekkawai'ma kon tukaik àku'nài'nokon molopai esuken yà'làlà àli pùla enessai'nàk nokon, molopai tùutauchinpaik àtùnài'nokon wakù takkwayi yemloto pona yapulà nechii.