Romans 14:22 - Patamuna New Testament Revised

²² Màlàpàk ailon tetok auya'nokon sà yamùk pàk ikuttàk kon àmàlà molopai Katù pokonpe neken ànùttu pe. Yauchin pe molopai tùwanmùla tùwessen mùkkàlà kappon tùwemakuima pe tùuchittusen pen ailon tetok tùuya kupù tùuya yau!

Romans 14:22 ပူးပေါင်းရင်းမြစ်များ

Yeunossak kon Wotokoyi 24:16

Màlàpàk wakù pe esuken usenumenkatok kupùiche tùwessen Iulà tàwàlàlà, Katù molopai kappon yamùk yemloto po.

Romans 14:14

Itepulu Christ ponaloppe wechi yawàlà tùttuyaik kulu yà'làlà tùnassen wapùla tansen wechi àli pe là pùla. Tùse kappon uya àli te ipàk yau, àli pe iwechi màlà ipona.

Romans 14:2

Tewinannà kappon uya ailontetok màlà iku'nài yà'làlà nattoppe ya, tùse mùkkàlà atu'mùla nai'nùk ailontetok yau wechi màlà kamo pun yannài pe pùla ipànsak molopai tùyiwalà tùwattasen neken kùyali na'nài.

Romans 14:23

Tùse tùwanmùn pen ailon tawon ma'lan uchittu màlà tùwemakuima pe tùnnapù molopai tùnanù pàkàlà, ichenumenkatok uya yakùlùma màlà. Ikasa pùla iwechi pen ken nai'nùk ko tetok ya pùla iwechi pàk. Molopai tamù'nawolon ailon tukaik tanùnsen pen wechi màlà wemakuiman pe.

Romans 14:5

Kappon mùkkàlà tewinnà pata weyu tonpa wechi tùnamasen pe kulu tùulon pata weyu yentai ittunài, tùulon uya tamù'nawolon pata weyu wechi ekkaichalà pe ittu tùse. Tàwà ailon pe tùnùttu yawàlà nùkupùi.

Romans 2:1

Màlàpàk uchi ewe'waputtàtok ike pùla iwechi màlà, masapùla tùulon kon pàk, “Suwa iwechi,” tawon àmàlà, àpàk wa te auya pe iwechi màlà masapùla màlà lùppù tok nùkussai'nùk kupù auya pàk.

Romans 7:15

Unkupù ittu uya pùla iwechi màlà, masapùla ànkuppai wettok kupù uya pùla iwechipàk. Tùse làkku uyewanma pe unkupù kupù uya.

Romans 7:24

Tùusewankono'masen sa'ne Iulà kappon! Ànùk uya ken upùikattà sàlà uyesak uyayai'nùk weli'nàtok yak winàpai?

1 Corinthians 8:7

Tùse tamù'nawolon kon uya sàlà ittu pen nai'nùk. Tùulon kon kappon yamùk pona ailon pen katù wechippù takkwalù ke màlà. Màlàpàk sàlà pata weyu tepose màlà yekkwa ton kùyali napù tùuya'nokon yau, ailon pen katù yemyak itùsak lùppù pe tok uya yekama, tok usenumenkatok wechi attu'mùla màlà tùwanmùla pùla tok wechi molopai àli pe iwechi tok pona.

2 Corinthians 1:12

Sàlà màlà ina yauchinapanài. Ina usenumenkatok nekamayan tamù'nawolon ina nùkupùppù sàlà wolù yau, ailon pe wakù pe ina wechippù ànù'là tennakaik pùla, ina welaikatok ewinàkàik nokon yau kulu. Ina wessak man enpen Katù pàk ina pùikattàtoppe ya, sàlà non pon yapàiketù ke pùla.

Galatians 6:1

Utonpa yamùk, ànù'là uya àli kupù yeposak yau, àsà pe pùla amyamlo akkwalù yawon kon uya innappo tukka màlà ikasa iwenatoppe. Molopai elanneppe mettàik, amyamlo nàlà usetaluipa àli ànkuppai tukaik.

James 3:13

Pukkek molopai ittunài na' kappon molo nai àkklottau'nokon? Tàwàichi yekamakà wakù pe ewelaikatok molopai eyeselu winà wakù eyeselu ikonekasak, àsà pe pùla pukkeppe we'nàtok pokonpe.

1 John 3:21

Màlàpàk utonpa yamùk kùyewan kon uya kùyaimelunpa kon pùla iwechi yau, meluntà pe we'nà màlà Katù yemloto po usenalippan pen.