Romans 14:13 - Patamuna New Testament Revised

¹³ Màlàyau uchi, suwa man molopai suwa pùla man tetok tonpa wannà yamùk pàk yeleutanùppai'nokon man. Tùse, eusenumenkatok kon ikonekatàk kon. Yà'làlà kùkkuttàu ewettatai'matok kon ipona pe wapùla ewekkawai'matok kon yak pe.

Romans 14:13 ပူးပေါင်းရင်းမြစ်များ

Matthew 16:23

Jesus welattàppù màlà molopai Peter pàk, “Uwinàpai itàkà, Settan! Uye'ma wakkà'nài àmàlà, masapùla sàlà yamùk eusenumenkatok màlà kappon pe usenumenkantok, Katù winàpai iyàssak pen!” teppù ya.

Matthew 18:7

Àsà pe kulu sàlà wolù pon kon kappon yamùk pona iwechi màlà, masapùla molo màlà kappon yamùk welattàtoppe iku'nài wechi. Màlà yekkwa ton wekkupù màlà, tùse àsà pe kulu iwechi màlà mùkyamlo iwekkuttoppe iku'nàinan pona!” teppù ya.

Matthew 7:1

“Suwa messaik kùkai tùulon kon pàk, wa tawon pe ewechi yau àpàk nàlà wa te màlà.

Luke 12:57

“Yà'là pe ken uchi iwechi pàk eyiwalà' nokon iwalai ittuiche ewechi kon pen màlà?

Luke 17:2

Wakù peiwa nen iwechi màlà, eke tàk, eppanài, yaulonsak i'mù pàk molopai yenu'masak palau kak yau, pùsamlo echikili ton nùkkwà wettoppe àli pe ikupù ya tukaik.

Romans 11:9

Molopai David uya suwa te, “Tàwà uchi tok yeipa nelattài male yeipa pe molopai tok pùlannài pe, tàwà tok nekkawai'mai, tàwà tok talumattà nechii!

Romans 14:10

Amyamlo, yà'là pe iwechi pàk àtonpa kon pàk suwa man wapùla suwa pùla man te auya'nokon màlà? Wapùla yà'là pe iwechi pàk àtonpa kon ku'nàinan amyamlo atalumayi kon pe? Tamù'nawolon kon kùmyamlo wà'mùssakka màlà ittuntok Katù uya yapon yemloto po.

Romans 14:3

Mùkkàlà tamù'nawolon na'nài molopai yannài, yonpanài pen talumattàtak molopai yà'là yekkwa là yonpanài pen tamù'nawolon na'nài molopai yannài talumattàtak, masapùla mùkkàlà kapon yanùsak Katù uya màlà.

Romans 14:4

Ànùk ken àmàlà tùulon yapyoto talumattà pa? Itepotolù nen mùkkàlà wakù kù'nài pe tapyoto wechi wapùla wakù ku'nài pe pùla iwechi ittunài, Itepotolù mùkkàlà wakù pe ken naikko tawon imasapùla Itepotolù uya ikupù màlà wakù kuttoppe ya.

Romans 16:17

Apawanatàyataù Iulà utonpa yamùk, elanneppe ettàk kon mùkyamlo wepantakantok ku'nàinan, molopai kappon yamùk uya ailon tetok yaimelunpannan pàk. Mùkyamlo uya enupantok ananùmùppù kon kupù tùwakùli kon pe pùla màlà, tok tonpa pe kettàu.

1 Corinthians 10:32

Ànù'là wettatai'matok ipona woton kùkkonekatàu, Jew yamùk pe là iwechi wapùla Jew yamùk pen nà wapùla Katù sochiyi tawon kon nà.

1 Corinthians 11:13

Ittutàk kon uchi eyiwalà'nokon. Ikasa na' iwechi màlà nossan wàpùlema Katù pàk ippai wapu pùla echiima yau?

2 Corinthians 5:14

Masapùla yà'là yekwa là ina nùkupù wechi màlà Christ uya pùnùnmantok pe, tewinan kappon welikùppù tamù'nawolon kon kappon yamùk ponaloppe ittu'nokon pàk, tamù'nawolon kon wechi iwelittok pùkkù pe màlà te ya pe iwechi màlà.

2 Corinthians 6:3

Ànù'là uya iwalai pen yepolo ina wotokoyi yau iche pùla ina man, màlàpàk ànù'là wakàtùiche ina wechi pen sàlà.

Philippians 1:10

Wakù pe kulu neken nai'nùk yanùmù kon pa. Molopai nen uchi esuken ewemattok kon wettoppe, wakù pe eyekale kon wettoppe Christ wennappo sàlà motak ponalà.

1 Timothy 5:14

Màlàpàk ema'nomichi itayappù iwelichak kon wemali'ma iche wechi màlà, tùumunkàtatok kon pe, tùwùk molopai tùmunkà yamùk mainanpa toppe tùuya, kùyeyaton kon uselupatok àli pe kùpàk yattai pùla.

James 2:4

sàlà kupù auya'nokon yau uchi tùpatalà'ne we'nàtok mùkussatàik àkklottau'nokon molopai àli pe eusenumenkatok kon winà messatàik.

James 4:11

Àtonpa kon kùttalumattàtàu, utonpa yamùk. Ànù'là tùtonpa talumattatànài wapùla “Suwa messaik” tawon, uselupa màlà Law Katù winàpaino winàkàik molopai italumattà ya. Law Katù winàpaino talumattà auya'nokon yau, imaimu yawolon pe ewechi kon pen màlà, tùse imottùnpanài pe ewechi kon.

1 John 2:10

Mùkkàlà tùtonpa ku'nài tù'nùn pe wemapù màlà Akkwa yau tàwàlà, molopai yà'làlà pùla iwechi màlà yau ànù'là uya àli kuttoppe iku'nài.

Revelation 2:14

Tùse molo man tukkan pen nà ikasa pùla ewechi pàk ewinàkàik usenumenkatok. Tùulon kon àkklottau'nokon man Balaam uya enupantok ku'nài nan. Balak yenupappù ya màlà Israel pon kon wemakuima toppe ikuttoppe ya Katù pen yemyak itùsak lùppù kùyali nattoppe tok uya. Molopai tok uya àli imakuyippù kuttoppe tesak kon ke.