Romans 13:9 - Patamuna New Testament Revised

⁹ Law yau màlà, “Atayappù pen wapùla ànoppù pen pokonpe kettàu,” “Ànù'là kappon kù'wàtàu, Amappe kettàu, Ànù'là yemamin iche kettàu,” tawon {Ex 20.13-15,17, Deu 5 17-19, Deu 5.21}, tamù'nawolon sàlà yamùk molopai tùulon kon sàlà pokon pan kon wepilichak màlà tewinan enupantok pe, “Àtonpa kon ikuttàk à'nùn kon pe euchi'nùnma kon kasa,” tawon yau.

Romans 13:9 ပူးပေါင်းရင်းမြစ်များ

Matthew 22:39

Yakon tùkussen kulu màlà sàlà walai, ayakontalù i'nùnmakà àmàlà mù'nùnmayai'nùk kasa, tawon.

Mark 10:19

Usenupantok mùttuyaik, ‘Kappon kù'wànài, anmali'mappù pen pokonpe kechii, amak pe kechii, kasei pe kechii, ànù'là kùkkaseipai ipantomù pe tukaik, ànù'là tenkuttàik tok yemamin kùsekkwatùi, asan molopai àkàipùnù tawonnan tùnamaik ekkà imaimu yawàlà tawon,’ ” teppù Jesus uya.

Mark 12:31

Sàlà màlà yakon tùkussen kulu enupantok. ‘Kappon i'nùnmakà eyiwalà mechi'nùnmayai'nùk kasa,’ tawon. Sàlà yamùk asa'lon enupantok yentaino pùla iwechi màlà,” tukaik.

Luke 10:27

Kàyik uya yeikuppù, “ ‘Itepulu Akatùyi i'nùnmakà tamù'nawàlà eyewan ke tamù'nawàlà ayakkwalù ke, tamù'nawàlà emeluntàlù ke, tamù'nawàlà eusenumenkatok ke, {DEU 6.5}’ molopai, ‘Àtonpa i'nùnmakà eyiwalà mechi'nùnma yai'nùk kasa,’ ” tukaik. {LEV 19.18}

Luke 18:20

“ Law ittunài àmàlà. ‘Anmali'mappù pen pokonpe kechii, kappon kù'wànài, amak pe kechii, kasei pe kechii, àkàipùnù molopai asan tawonnan inamakà,’ tawon,” teppù Jesus uya.

Galatians 5:13

Amyamlo utonpa yamùk kà'mappù màlà apyoto pe pùla we'nàtok yak. Tùse sàlà apyoto pe pùla ewettok kon kùsapulàtàu àli ànkuppai ewettok yak ayanài'nokon pe. Tùse làkku tùwepùikattàse ettàk kon uchi'nùnmantok yau.