Romans 13:12 - Patamuna New Testament Revised

¹² Ewalupà wenukassak lùiwa nen uchi man, wei welepansak lùiwa man. Ewalupà ponalok yà'làlà kupù pàk we'nàtok nokon yeleutanùppai'nokon man. Wepanta'mantok ike weinai yanùnpai'nokon man.

Romans 13:12 ပူးပေါင်းရင်းမြစ်များ

Romans 13:14

Tùse Itepulu Jesus Christ ke epontàtàk kon, molopai àli ànkuppai ewettok kon yeselu pàk tùusenumenkaik molopai yawàlà kettàu.

1 Corinthians 10:11

Sàlà yamùk wekkupùppù màlà yentok kùuya'nokon ipàkàlà pe, molopai màlà yamùk menukappù màlà kùyekamapponài'nokon pe. Masapùla wema'nà'nokon man pata weyu wenukattok uyàpù winàkàik iwechi yau.

1 Corinthians 7:29

Utonpa yamùk, tokkwen pata weyu man te uya nai'nùk. Sàlà motapai tàwà tùnoppù kenan kon wemapù màlà ipla tùwechi kon kasa.

2 Corinthians 10:4

Ina ulapayi yamùk ina wepanta'matok ike màlà wolù yawon kon walai pen. Tùse meluntà Katù wepanta'matok ike, eyaton uso'namù patassek sa'man mattanù'nai pe iwechi.

2 Corinthians 6:7

ailon pe uselupantok yau, molopai Katù yapàikketù yau. Wakù pe we'nàtok yau wepanta'mantok ike yesappe kamik pen mùyak yau, molopai kamik mùyak yau iwapu.

Ephesians 4:22

Apanamappù kon màlà penalok eyeselu kon nonka kon pa, ikasa pùla ewemapù kon pa àku'nàippù kon. Amattanù'nàippù lùppù enkuttànài ànkuppai we'nàtok kon winà.

Ephesians 5:11

Àli ku'nài nan kappon yamùk pùkkù pe kettàu, màlà yamùk ewalupà ponalok kon. Tùse làkku pùsamlo pàk ikasa pùla tok wechi yekamatàk kon.

Ephesians 5:8

Amyamlo wechippù ewalupàttau màlà, tùse Itepulu Katù ponalok kon kappon yamùk pe ewenasak kon pàk akkwa yau ewechi kon màlà. Màlàpàk uchi emattàk kon kappon yamùk akkwa yau tùwemassan kasa.

Hebrews 10:25

Wepili'nàtok tamùkke nonka'nokon kùsettak, tùulon kon nùkussai'nùk kasa. Tùse làkku, we'meluntàpanpai'nokon man eke peiwa, masapùla yene'nokon man Itepulu Weyu uyàpù mei pùla.

Hebrews 12:1

Tukkan kon pùsamlo ennài nan kùwoi'nokon man. Màlàpàk tamù'nawolon kùwakkà'nài'nokon yenu'mapai'nokon. Màlà makui kùyachiyatài'nùk nàlà, molopai aitun pe utànpai'nokon pàlikantok pokonpe wapplùnnàtok kùyemloto kon po nai'nùk yak.

James 1:21

Màlàpàk uchi tamù'nawolon àli ton eyeselu kon inonkatàk kon Katù Maimu yawàlà ettàk kon àssà'mùla, àsà pe pùla molopai màlà imaimu inpàmàppù eyewan kon yak yanùntàk kon, màlà àpùikattànài'nokon yeppe nai'nùk.

James 5:8

Molopai amyamlo nàlà tùusetakkaik pùla àpàlikatàk kon! Enpen ewettok kon i'napailà meluntà pe nechii, masapùla Itepulu uyàttok wechi mei pùla pàk.

1 Peter 2:1

Màlàpàk uchi tamù'nawolon àli ton inonkatàk kon: kasei pe kettàu, tùulon kon kùsennakattàu, kùlùmàppe kettàu, wapùla mottùnpan pe uselupantok kùsapulàtàu!

1 Peter 4:7

Tamù'nawolon yà'làlà wenukattok yattai mei pùla man. Eyesak kon pe ettàk kon, molopai enpen ettàk kon, àwàpùlema kon pe.

2 Peter 3:11

Tamù'nawolon sàlà yamùk umatta sàlà kasa pe iwechi pàk, yà'là yekkwa ton ken kappon yamùk pe ewechi kon? Tàwà ewelaikatok kon wakù pe esuken nechii tamù'nawàlà iwettùsak pe Katù piyak,

2 Peter 3:9

Itepulu mùkkàlà ikupù tùuya teppù tùuya lùppù ko'mankanài tachinpe pen, tùulon kon usenumenka ipàk kasa. Tùse làkku àpàlikanài'nokon mùkkàlà molopai tùusetakkasen pen àpàkù'nokon masapùla ànù'là wettalumattà iche pùla tùwechi pàk, tùse tamù'nawolon kon welattà makui winàpai iche tùwechi pàk.

1 John 2:18

Umunkà yamùk kulu tàwà, pata weyu wenukattok mei pùla man; àpàkù'nokon Mùkkàlà Christ Yeyaton uyàttok woton yekamappù màlà. Sàlà pe tukke Christ yeyaton non usenpoikakassak man, màlàpàk ittu'nokon man pata weyu wenukattok wechi mei pùla.

Revelation 1:3

Tùutauchinpasen mùkkàlà sàlà kaleta yennài, molopai tùutauchinpasan nàlà mùkyamlo iwekkupù wapiya yekamasak itekale maimu yetannan. Molopai sàlà kaleta yau imenukasak maimu yawolon kon. Masapùla sàlà yamùk wekuttok yattai weyu mei pùla man.

Revelation 22:10

Molopai wateppù ya upàk, “Iwekkupù wapiya yenpoikasak mayin sàlà kaleta yawon kùkkupùi tekamaik pùla, masapùla tamù'nawàlà sàlà yamùk wekkuttok yattai mei pùla man.