Romans 12:8 - Patamuna New Testament Revised

⁸ Ewan meluntàlùttànài pe iwechi yau, tàwà ewan meluntàlùttànài pe nechiik. Yà'là pùnon sa'ne lepanài pe iwechi yau tàwà ne'lepaik tùusàulàmaik pùla, ànù'là kappon apàikkeppe tùwessen, ne'wotokomai wakù pe, tùusentuppasen, nùkupùi tùutauchinpaik.

Romans 12:8 ပူးပေါင်းရင်းမြစ်များ

Matthew 25:40

Kin uya yeiku màlà, ‘Ailon kulu sàlà, yà'là yattai là sàlà kussak auya'nokon utonpa yamùk lùkkwà winàkàik yau, uponaloppe ikussak auya'nokon màlà!’ tukaik.

Yeunossak kon Wotokoyi 11:23

Tùwelepansak yau molopai Katù wettok wakù pe yensak tùuya yau itauchinpappù, molopai tamù'nawàlà tok panamappù ya, ailon pe tok wettoppe Itepulu Jesus pàk tamù'nawàlà tewan kon ke.

Yeunossak kon Wotokoyi 13:12

Màlàyau itepulu uya ailon teppù, màlà wekkupù yensak tùuya yau; molopai eke pe ichenumenkasak wechippù, Itepulu Jesus pàk usenupantok pàk.

Yeunossak kon Wotokoyi 13:15

Law molopai Katù Maimu yenpoikannan nùmenukappù yene tùpo, Jew yamùk wepilittok itak yesak ton uya mayin yeunokoppù Barnabas molopai Paul piyak. “Ina tonpa yamùk, kappon yamùk yelupa auya'nokon iche ina man, Itekale tok meluntàlùttàtok auya'nokon wechi molo yau,” tukaik.

Yeunossak kon Wotokoyi 15:32

Judas molopai Silas mùkyamlo, Katù Maimu yenpoikannan tùmàlà'nokon pe uselupappù tachin pe ailon tawonnan pokonpe, tok lepa pe tok meluntàlù ke meluntà pe tok wettoppe.

Yeunossak kon Wotokoyi 20:2

Iitàppù, màlà yawolon kon nà pata yamùk yawàlà molopai kappon yamùk meluntàpappù ya kulu. Molopai iitàppù Greece pona.

Yeunossak kon Wotokoyi 20:28

Amyamlo pe esentàk kon molopai tamù'nawàlà kalinilu yamùk anmainanpa kon pe Wakù Akkwalù nùtùlùssan yentàk kon. Kalinilu yesan kasa, Katù sochiyi tawon kon yewettàk kon, tùponaloppe ine'massan tùmu mùnù yai.

Yeunossak kon Wotokoyi 4:36

Molopai wa iwechippù mùkkàlà Joseph, Levite pe iwechi, iwentusak lùppù Cyprus po, mùkkàlà yeunossak kon nesatù Barnabas tukaik, meluntàlùnpanài te ya pe iwechi.

Romans 12:13

Yà'làlà pùla nai'nannùk Katù munkà tùmainanpaik ettàk kon, molopai kaklan yamùk yewonnùttàk àwùk kon tak.

Romans 13:6

Katù yapyoto pe tùwe'wotokomasan mùkyamlo, tùwotokoyi kon kupù pàk. Sàlà kasa iwechi pàk tùuse'masan amyamlo pùlayatta ke pata yesan yemyak.

1 Corinthians 12:28

Molopai sochi tau màlà, Katù uya tamù'nawolon kon wotokoyittàsak, wapiya kulu, yeunossak kon, yakon pe, Katù Maimu yenpoikannan, icholùwano pe, enupannan, molopai nen uchi mùkyamlo tensan pen ku'nài nan. Ite'mappù pàk, ipittàntok yamùk meluntàlù ke, tùulon kon pùikattànnan pe, tùulon kon ennàinan pe we'nàtok ke molopai tùulon mayin yau uselupantok ke.

1 Corinthians 14:3

Tùse mùkkàlà Katù Maimu yenpoikanài uselupa màlà kappon yamùk pokonpe, tok lepa ya pùikak ke, meluntàtantok molopai ewan ipittàtok ke.

2 Corinthians 1:12

Sàlà màlà ina yauchinapanài. Ina usenumenkatok nekamayan tamù'nawolon ina nùkupùppù sàlà wolù yau, ailon pe wakù pe ina wechippù ànù'là tennakaik pùla, ina welaikatok ewinàkàik nokon yau kulu. Ina wessak man enpen Katù pàk ina pùikattàtoppe ya, sàlà non pon yapàiketù ke pùla.

2 Corinthians 11:3

Usenalippayaik àkài uya Eve yennakappù kaseipe ennakantok tùuya ke kasa làma, tamù'nawàlà ailon molopai esuken ewettùtok kon Christ yemyak winàpai eusenumenkatok kon lattà yeselùkek iwechi pàk.

2 Corinthians 8:12

Masapùla e'lepapai kulu ewechi kon yau, Katù uya lepantok auya'nokon yanùmù màlà àntùlù itesappe ewettok kon yawà, itesappe pùla là ewettok pen.

2 Corinthians 9:11

Tàmù'nawolon yesappe ewena kon màlà tamù'nwolon yawàlà, tùulon kon lepa kon pa alikyek pe kulu tàwàlà. Molopai ewe'lepatok kon ina yai uya màlà tenki tetok Katù pàk nepù.

2 Corinthians 9:13

Sàlà kupù auya'nokon yau kappon yamùk uya Katù yapulà màlà ailon tetok auya'nokon molopai Christ yekale maimu yawàlà ewettok kon winà. Molopai eke pe tok lepasak auya'nokon pàk molopai tamù'nawolon kon nàlà lepasak auya'nokon pàk Katù yapulà tok uya.

2 Corinthians 9:7

Tàwàichi tamù'nawolon kon ne'lepai tùusenumenka kasa, tùusewankono'maik pùla wapùla eyeka'nonka kon pàk pùla. Masapùla Katù mùkkàlà tùutauchinpaik tùwe'lepasen pùnùnmanài.

Ephesians 6:5

Tepotolù kenan kon, kappon yamùk eyepotolù kon maimu yawàlà ettàk kon, nalippe, tùwe'namaik. Molopai ailon pe itewan ikuttàk kon, Christ ponaloppe ewe'wotokoma kon kasa.

Colossians 3:22

Tepotolù kenan kon, eyepotolù kon maimu yawàlà mettàik tamù'nawolon yau, eyene neken tok uya pàk pùla, tok utauchinpatoppe neken àpàkù'nokon pùla, tùse ailon pe itewan ikuttàk Itepulu namatok auya'nokon ke.

1 Thessalonians 2:3

Màlàpàk apawanattàyatài'nùk ina Wakù Itekale yai wechi màlà ennakantok pokonpe là pùla, molopai àli pe là iteselu pùla, màlà tùse pùla ànù'là yennakaiche ina wechi pùla man.

1 Thessalonians 2:8

Masapùla ina pùnùn pe kulu mettantàu màlàpàk nen uchi ina utauchinpasak nettai Wakù Itekale ke neken nà elepa kon pàk pùla. Tùse àkklottau’nokon nàlà emappai ina nettai à'nùnma kon ina uya pàk.

1 Timothy 4:13

Tamùkke kappon yamùk tipiliche Katù Maimu yenkà, itekale yekamakà, molopai tok yenupakà uyàpù ponalà.

1 Timothy 5:17

Sochi yepulu yamùk wakù pe wotoko yanàinan wechi màlà te'masan pe eke peiwa, mùkyamlo kulu tùwe'wotokomasan sa'man pe wakù itekale yekama pàk molopai kappon yamùk yenupa pàk.

1 Timothy 6:18

Wakù kuttoppe tok uya yekamakà, eke pe tùutauchinpaik tok wettoppe tùnkupù kon yau, alikyek pe tùwe'lepaik tok wettoppe ànù'là pokonpe.

Hebrews 10:25

Wepili'nàtok tamùkke nonka'nokon kùsettak, tùulon kon nùkussai'nùk kasa. Tùse làkku, we'meluntàpanpai'nokon man eke peiwa, masapùla yene'nokon man Itepulu Weyu uyàpù mei pùla.

Hebrews 13:17

Eyepotolù kon yamùk maimu yawàlà ettàk kon molopai tok uya enupantok ikuttàk. Eyene kon pàk tùwessan mùkyamlo, masapùla Katù pàk tùwotokoyi kon lùppù yekale yekama tok uya. Tok maimu yawàlà ewechi kon tok tewankono'maik pùla yau, tùwotokoyi kon kupù tok uya màlà tùutauchinpaik. Wapùla iwechi yau àpùikattàkon tok uya pen màlà.

Hebrews 13:22

Utonpa yamùk sàlà tokwennan kaleta menukasak uya man apyakù'nokon emeluntàpanài'nokon pe, màlàpàk tùusetakkaik pùla kulu metatàik.

Hebrews 13:24

“Wakù pe na' messatàu?” tetok ina uya itùtàk kon tamù'nawolon kon eyesak kon yamùk pàk molopai tamù'nawolon kon Katù ponalok kon kappon yamùk pàk. Ailon tawonnan nàlà Italy pon kon “Wakù pe na' mesatàu?” nùkayan.

Hebrews 13:7

Ayanàinan ittutàk kon, mùkyamlo Katù Maimu yenpoikannan nùssan àpàkù'nokon. Yà'là kasa là tok wemapùppù ittutàk, molopai ailon tetok tok uya ipatakatàk kon.