Romans 12:7 - Patamuna New Testament Revised

⁷ Tùulon kon yapyoto pe iwechi yau, tàwà ne'wotokomai. Enupantok pe iwechi yau enupanài pe nechiik.

Romans 12:7 ပူးပေါင်းရင်းမြစ်များ

Matthew 28:19

Itàtàk kon uchi tamù'nawolon kon kappon yamùk piyak, i'nailàlà. Molopai uya'lon kon pe tok mùkonekatàik, tok menpataukatàik Ukàipùnù yesek yau molopai Imu yesek yau molopai Wakù Akkwalù yesek yau.

John 3:2

Pùsàlà uyàpùppù Jesus piyak ewalupàttau, “Ticha, ina nùttuyan enupanài pe ewechi Katù neunokopù pe. Ànù'là kappon ànkupù yekkwa kupù pen, tùse Katù wechi neken ipokonpe yau,” teppù ya Jesus pàk.

Yeunossak kon Wotokoyi 13:1

Sochi tau Antioch po màlà Katù Maimu yenpoikannan molopai enupannan wechippù. Tok kùlottau Barnabas, Simeon Niger tukaik tesassen, Lucius Cyrene poino, Manaen, pata yesak Herod piyau ichemokkasak molopai Saul wechippù molo.

Yeunossak kon Wotokoyi 20:20

Mùttuyatàik yà'làlà àpùikattànài'nokon pe tùwessen pùnùnmappù uya pùla iwechi ewinàpai'nokon, itekale yekama uya yau, molopai eyenupa kon uya yau wepili'nàtok itak tau, molopai apatassek kon yau'ne.

Yeunossak kon Wotokoyi 20:28

Amyamlo pe esentàk kon molopai tamù'nawàlà kalinilu yamùk anmainanpa kon pe Wakù Akkwalù nùtùlùssan yentàk kon. Kalinilu yesan kasa, Katù sochiyi tawon kon yewettàk kon, tùponaloppe ine'massan tùmu mùnù yai.

Yeunossak kon Wotokoyi 6:1

Màlà yattai Jesus ya'lon kon wena tukke yau, Greek pe tùuselupasan Jew yamùk usàulàmappù Hebrew pe tùuselupasan Jew yamùk pàk. Masapùla tùtonpa kon yamùk itayappù iwelichak kon yenpàtù wei kaichalà tok lepatok tùse pàk.

1 Corinthians 12:28

Molopai sochi tau màlà, Katù uya tamù'nawolon kon wotokoyittàsak, wapiya kulu, yeunossak kon, yakon pe, Katù Maimu yenpoikannan, icholùwano pe, enupannan, molopai nen uchi mùkyamlo tensan pen ku'nài nan. Ite'mappù pàk, ipittàntok yamùk meluntàlù ke, tùulon kon pùikattànnan pe, tùulon kon ennàinan pe we'nàtok ke molopai tùulon mayin yau uselupantok ke.

1 Corinthians 12:5

Tùpatalo'nan we'wotokomantok yawà wechi màlà molo, tùse mùkkàlà lùppù Itepulu.

1 Corinthians 14:26

Yà'là te uya ken sàlà, utonpa yamùk? Katù yapulàse ewepilichak kon yau, tamù'nawolon kon wechi telemu ke, wapùla enupantok yesappe, tenpoikasen yesappe, wapùla itekale tùulon mayin yau, wapùla yà'là tesak lùppù yekamatok yesappe. Tamù'nawàlà sàlà yamùk wechi màlà Katù ponalok kon meluntàlùtanù'nài pe tùkussen pe.

Galatians 6:6

Tàwà mùkkàlà tenupasen Itekale pàk, tamù'nawàlà wakù ton pantakai tenupanài pokonpe.

Ephesians 4:11

Mùkkàlà ichi mùkkàlà “kappon yamùk lepanàippù lepantok yamùk ke” tùulon kon kappon yamùk yanùmùppù ya teunossan pe, tùulon kon Katù maimuppù yenpoikannan pe, tùulon kon Wakù Itekale yekamannan pe, tùulon kon sochi yesan pe, molopai tùulon kon enupannan pe.

Colossians 4:17

Molopai Archippus pàk sàlà mekamatàik: “Wotoko itùsak lùppù eyemyak Itepulu wotokoyi menuka'nùpùik kulu,” tukaik.

1 Timothy 2:7

Màlàpàk uchi sàlà uyeunossak kappon yamùk Jew yamùk pen yenupanài pe molopai ailon yekale yekamase. Ailon pe uselupa sàlà, kasei pe wechi pen!

1 Timothy 3:2

Sochi yesak wechi màlà àli pe ipantomù pùla, tewin neken inoppù, tùttuik tùwemassen pe, wakù pe itesek, wakù pe kakklan yamùk pàk tùwessen pe tùwùk tau, enupanài yeppe nàlà.

1 Timothy 4:16

Tùttuik emakkà molopai kappon yamùk yenupatok auya ike yenkà wakù pe. Sàlà yamùk kupù pàk ekkà, masapùla ikupù auya yau ewepùikattà màlà àmàlà molopai eyetannan nàlà.

1 Timothy 5:17

Sochi yepulu yamùk wakù pe wotoko yanàinan wechi màlà te'masan pe eke peiwa, mùkyamlo kulu tùwe'wotokomasan sa'man pe wakù itekale yekama pàk molopai kappon yamùk yenupa pàk.

2 Timothy 2:2

Enupan uya yawàlà uyetappù auya tukkan kon yemloto po. Sàlà lùssan uchi yekama auya iche wessaik ailon tawonnan pàk, mùkyamlo, tùulon kon yenupannan yek pàk.

2 Timothy 2:24

Itepulu yapyoto sakoloppe kùsettak. Tàwà wakù pe nechii tamù'nawolon kon pàk, enupanài yeppe molopai ese'mapai kùsettak

2 Timothy 4:2

Katù Maimu yekamakà, yekama pàk kulu ekkà, yekamatok yattai wechi ikasa tùse wapùla ikasa pùla tùse molopai tok imeluntàpakà, molopai tok makuyi yekamakà. Tùse nàlà tok yauchinpakà molopai tok panama auya yau kesemittàpai.