Romans 12:2 - Patamuna New Testament Revised

² Sàlà wolù yawon kon yeselu pàk làma kettàu, tùse tàwà Katù amyakanmatàu ayawà'nokon tamù'nawàlà eusenumenkatok kon wemyakanmatok winà. Màlà yattai nen uchi Katù yeselu ittu auya'nokon màlà, màlà wakù pe nai'nùk, molopai yauchinpanài pe nai'nùk, molopai màlà ikasa imaimu yailà neken nai'nùk.

Romans 12:2 ပူးပေါင်းရင်းမြစ်များ

Matthew 13:22

Tùpànsen iwepukasak lùppù àlittak màlà mùkyamlo Katù Maimu yetannan. Tùse utaimelupantok sàlà motau wema'nàtok pàk molopai mamin kuttok wakùli wannà pe màlà Katù Maimu yeulankanài. Molopai tok wepeta pen.

Mark 4:19

tùse tùwemattok pàk neken tok utaimelunpa, temamin ke eppai, pùlayattappe, tamù'nawà sàlà non pon kon yeselu iche tok wettok wepilipù tok yewan yak uya, itekale yeulanka. Màlàpàk tok wepeta pùla iwechi.

John 14:30

Màlà yentak lùiwa àpokonpe' nokon uselupa pen sàlà, masapùla sàlà wolù yepulu nùyàssan. Tùse uyentaino pen imeluntàlù mùkkàlà.

John 15:19

Sàlà wolù ponalok kon pe ewechi kon yau, à'nùnma kon ya màlà tùtonpa kon pe kulu ewechi kon kasa. Tùse sàlà wolù ponalok kon pen amyamlo, molopai ayanùnsak kon uya sàlà wolù winàpai pàk màlà, sàlà wolù yawon kon uya tewanma kon pe àkupù kon.

John 17:14

Amaimu tùkassak uya man tok piyak, molopai wolù yawon kon kappon yamùk uya tewanma kon pe tok kussak man, masapùla wolù ponaloppe pùla tok wechi pàk, wolù ponaloppe pùla wessai'nùk kasa.

John 7:7

Wolù yawon kon uya tewanma kon pe àkupù kon pen màlà, tùse tewanma kon pe tok ukussan masapùla tok nùkupù pàk àli pe iwechi màlà teuya pàk.

Romans 12:1

Màlàpàk utonpa yamùk, Katù usentuppatok kùpàkù'nokon pàkàlà, apawanattàyatàu Iulà, Katù yemyak nulà, nulànan tùttusen Katù yemyak kasa ettùtàk kon iwotokoyi yak esuken molopai yauchinpanài yeppe. Sàlà uchi màlà ailon kulu namantok molopai yapulàtok àntùlù kon.

Romans 13:14

Tùse Itepulu Jesus Christ ke epontàtàk kon, molopai àli ànkuppai ewettok kon yeselu pàk tùusenumenkaik molopai yawàlà kettàu.

Romans 7:12

Màlàpàk Law màlà wakù, molopai imaimu màlà tùnamasen, iwalai, molopai nàlà esukenan.

Romans 7:14

Itu'nokon man Law wechi Katù winàpaino pe. Tùse kappon Iulà ichilanmasak àli yapyoto pe.

Romans 7:22

Tamù'nawàlà uyewan ke uwakùli pe Law, Katù winàpaino ku'nài Iula.

1 Corinthians 3:19

Masapùla pukkeppe sàlà wolù nùttu màlà yà'làlà pen Katù yenu yau. Iwe'menukasak, “Katù mùkkàlà, pukkek yachinài ittu tùuya pe tukaik iwettok yau,” tawon kasa. {Job 5.13}

2 Corinthians 4:4

Sàlà wolù yepulu uya ailon tawonnan pen usenumenkatok yewalumankasak màlà. Wakù Itekale yakkwayi Christ winàpaino yene tok uya tukaik, mùkkàlà uchi Katù usentok.

2 Corinthians 5:17

Ànù'là wechi Christ ponaloppe yau emennappe iwechi màlà, tamù'nawàlà penalok utàppù màlà, emennak uyàssak màlà.

Galatians 1:4

Christ wettùlùppù màlà tùmàlà pe kùmakuyi kon ponaloppe kùpùikattàtoppe tùuya sàlà italumayippù pata weyu winàpai, kùkatùyi kon molopai kùkàipùnù kon wettok iche yawàlà.

Ephesians 1:18

Eusenumenkatok kon ike utakkokatoppe itakkwayi yene kon pa yekamapponài Iula, màlà enpen we'nàtok yak àkà'masak kon ya nai'nùk ittu kon pa, eke kulu màlà wakù kuttok ya itùlù tùuya teppù ya lùppù tùponalok kon pàk,

Ephesians 2:2

Màlà yattai wolù yawon kon yeselu kupùpppù auya'nokon màlà, kawon kon yepulu, Àli maimu yawàlà ewechippù kon, Katù Maimu yawàlà pùla tùwessan yepulu mùkkàlà.

Ephesians 5:17

Pakko pe uchi kettàu, tùse Itepulu Jesus wettok ikupù auya'nokon iche ittuiche ettàk kon.

Colossians 1:9

Màlàpàk tàwàlàlà ina tùwàpùlemasan àpona'nokon wapiya kulu eyekale kon yetappù ina uya motapai. Katù yekamapponnan ina ayanùkka tok kon pe ya teselu ittutok ke, tamù'nawolon pukkeppe we'nàtok molopai ittuntok Wakù Akkwalù nùtùlù ke.

Colossians 3:10

Molopai àmàlà pe emennak eyeselu yeposak auya'nokon nai'nùk. Pùsàlàichi mùkkàlà emennak kappon, Katù ikonekanàippù nùkonekayai'nùk tùkasa, enettok kon pe tùuya tùttutok kulu auya'nokon yak.

Colossians 4:12

“Wakù pe na' messatàu?” nùkayan Epaphras àtonpa kon nàlà, molopai Jesus Christ yapyoto. Tùwàpùlemasen mùkkàlà tàwàlà eke pe àpona'nokon. Katù yekamapponài meluntà pe ewena kon pa tamù'nawàlà Katù yeselu yau tùwappùik molopai ittunài pe.

1 Thessalonians 4:3

Sàlàichi màlà Katù wettok iche, yawàlà ewechi kon pa. Wakù pe esuken molopai àli imakuyippù kuttok màlàwannà ke pokonpe pùla ewemattok kon yau ewechi kon pa.

Titus 3:5

kùpùikattàppù kon ya màlà yà'làlà wakù wotoko kussak kùuya'nokon pàk pùla, tùse tùusentuppa pàk. Katù uya kùkolùkappù kon màlà Wakù Akkwalù yapàiketù winà. Emennak pe wentuntok ke lepa'nàppà Ya molopai emennak pe wema'nà piyattàtok ke nàlà.

James 1:27

Sàlà màlà wakù esuken we'nàtok Katù, Kùkàipùnù yemloto po: ichan pùnon molopai ikàipùnù pùnon mainanpa molopai itayappù iwelichak kon mainanpatok wettalumatàntok yau, molopai mattanù'nài àli yeselu winàpai we'nà màlà wakù.

James 4:4

Ailon ton pen kappon yamùk! Ittuichi auya'nokon pùla nai wolù yawon kon àli ku'nài nan wechiyakon pe we'nà wechi Katù yeyaton pe? Ànù'là wolù yeselu ku'nàinan kappon yamùk wechiyakon pe eppaino wekkupù màlà Katù yeyaton pe.

1 Peter 1:14

Mule yamùk mayin yawolon kon kasa ettàk kon, molopai kennappotàu pena ewechippù kon yak ittu auya'nokon pùla ewechi kon yau ànkuppù kon lùppù yak.

1 Peter 1:18

Masapùla mùttuyatàik àpùikattàppù kon, italumayippù là ke pùla àli iteselu pe we'nàtok ananùmùppù kon atamo kon winàpai yapai. Yà'làlà tùumattasen chilùpa wapùla kolù kasa pùla iwechippù màlà;

1 Peter 2:3

“Itepulu Katù wettok wakù pe ittusak auya'nokon pàk,”

1 Peter 4:2

Sàlà motapai uchi ewemattok kon talà non po yemakkwatàk kon Katù yeselu yawàlà, iche kappon wettok yawàlà pùla.

2 Peter 1:4

Sàlà kasa lepansak kon ya màlà Katù yeselu wakù molopai eke ton kulu wakù pe we'nàtok itùlù tùuya teppù lùppù tùuya ke, màlà yanùmù auya'nokon winà mattanù'nài àli ànkuppai we'nàtok molo nai'nùk non po winàpai ewepe kon pa, molopai àuyàpù kon pa Katù yeselu pùkkù pe esse.

2 Peter 2:20

Masapùla kappon yamùk wepesak akùlù wolù yeselu yapàikketù winàpai Kùyepulu kon molopai Kùpùikattànài Jesus Christ ittutok tùuya'nokon winà yau, molopai yachitu'masak akùlù tok yeselu uya yau tok yentaika ya màlà, àsà yau nen uchi tok wechi iwenukapù pe, iwepyattà yau tok wechippù yentai.

1 John 3:13

Màlàpàk kesenumenkatàu, utonpa yamùk, kappon yamùk wolù yawon kon uya teyaton kon pe àkupù kon yau.

1 John 5:19

Ittu'nokon man Katù munkà pe we'nà, tamù'nawàlà lànen wolù wechi Mùkkàlà Ene Makui wettok itepulu pe yo'no tùse.

Revelation 12:9

Eke ulupelu lùmà yenu'mappù màlà, mùkkàlà penalok àkài, Makui wapùla Settan itesek, tamù'nawolon kon kappon yamùk non pon kon yennakanàippù. Yenu'mappù màlà non pona tamù'nawàlà itinchelùyi yamùk pokonpe.

Revelation 13:8

Tamù'nawolon kon non po tùwemassan uya màlà yapulà, mùkyamlo kappon yamùk itesek imenukasak kon wema'nà kaletayi yau pen. Màlà kaleta màlà Kalinilu Mule iwàsak lùppù non koneka wapiya ponalok.