Romans 12:16 - Patamuna New Testament Revised

¹⁶ Echitonpa pe ettàk kon tamù'nawolon kon pokonpe. Ànù'là kappon yentai kekkuttàu, katapulàtàu, tùse entuppa'nokon yanùntàk kon ewechiyakon kon pe. Pukeppe ewechi kon pe kùsekamatàu.

Romans 12:16 ပူးပေါင်းရင်းမြစ်များ

Matthew 11:5

“Enpùn pata yenyan. Tùusasen pen nùsayan. Welei pokon kon uchipittàsak man. Panattàppan netayan. Molopai iwelichak kon wuluukasak man. Molopai Wakù Itekale yekama man entuppa'nokon pàk.

Matthew 26:11

Tàwàlà là nen entuppa'nokon wechi apyau'nokon màlà, tùse tàwàlà là apyau'nokon wechi pen màlà.

Luke 14:13

Uta'lettàntok konekasak auya yau, entuppa'nokon mùkà'maik, sesen pan kon, tùusasan pen molopai enpùnon.

Luke 6:20

Jesus uya ta'lon kon yeneppù màlà molopai, “Tùutauchinpasan amyamlo entuppak tùwessan. Katù wechi eyepulu kon pe màlà!

Yeunossak kon Wotokoyi 4:32

Ailon tawonnan wechippù tewin ichenumenkatok molopai tewin itewan. Ànù'là uya temamin pàk uponalok sàlà teppù pen, tùse tok uya tamù'nawolon tùpyawon'nokon yekamùppù tùklottau'nokon.

Romans 11:20

Sàlà màlà ailon. Iitakitukkappù màlà masapùla ailon te tok uya pùla iwechi pàk, molo lùppù apatassek kon yau ewechi kon tùse ailon tesak auya'nokon pàk. Tùse katapulàtàu, tùse esenalippatàk kon làkkù.

Romans 11:25

Tùttusen pen ailon molo man, utonpa yamùk, ittu auya'nokon iche wettok. Pukkeppe ewechi kon pe yekama auya'nokon tukaik àkupù kon ya màlà. Sàlà uchi màlà kappon yamùk Israel pon kon wettok sa'man pe itewan wechi tàwàlà tùwessen pe pùla. Tùse iche we'nàtok kaichalà Jew yamùk pen kùlottapai wessepolo Katù piyak ponalà neken iwechi.

Romans 12:3

Masapùla Katù uya ulepatok wakù pàkànsau eyelupa kon uya sàlà. Ànù'là yentai ewechi kon pe kùsekamatàu. Tùse esenumenkatàk kon kulu molopai echittutàk kon esentàk ailon tetok auya'nokon Katù uya elepappù kon ike yawàlà.

Romans 15:5

Molopai tàwàchi Katù, pàlikantok molopai ewan meluntàpatok uyàttok iwinà, àkupùi'nokon esewan kaichalà Jesus Christ ya'là ewechi kon yawà,

Romans 6:2

Kanekku! Weli'nàsakù'nokon sàlà àli winàpai. Yà'là kasa ken màlà yentak wema'nà'nokon àli yau?

1 Corinthians 1:10

Apawanattàyatàu Iulà utonpa yamùk, Kùyepulu kon Jesus Christ yesek yau, tamù'nawàlà tewin ichenumenkatok ewechi kon pa wepantakantok wechi molo àkklottau'nokon tukaik, echitonpa pe ettàk kon tewin neken ichenumenkatok.

1 Corinthians 3:18

Eyiwalà'nokon kesennakatau. Anù'là àkklottau'nokon nai'nùk uchittu pukkeppe sàlà wolù yeselu nùkupù winà yau, tàwà “pakko pe” nenai pukkeppe tùwenatoppe.

1 Corinthians 4:10

Christ pàkànsau pakko ton pe ina kupù nai'nùk, tùse pukkek ton pe ewechi kon màlà Christ yau. Attu'mùnon ina molopai teya'nomasan tùse meluntà ton amyamlo. Tùnamasan amyamlo, molopai ina tùnamasan pen.

1 Corinthians 6:5

Wate uya sàlà àkuli'ma kon pe. Ànù'là ken na' uchi pukkeppe tùwessen pùla nai àkklottau'nokon, usàulàmantok ailon tawonnan kùlottau kottùma woton.

1 Corinthians 8:2

Kappon yà'làlà ittu tùuya pe nekamayai'nùk uya ittu pùla iwechi màlà ittutok tùuya kasa.

2 Corinthians 13:11

Iwenukapù pe Utonpa yamùk, eichilà man! Apawanattàtok kon uya yetatàk kon, tamù'nawàlà wakù pe nai'nùk winàkàik itàtàk kon, tewin ichenumenkatok ettàk, echitonpa pe emattàk kon. Molopai Katù pùnùnmantok molopai echitonpa pe we'nàtok yesak wechi apyau'nokon màlà.

Philippians 1:27

Tùse yà'là pe là wechi pe iwechi yau, Christ yekale nekama yawà memattàik tàwàlà. Màlàyau nen uchi eyense'nokon utà wapùla utà pùla là iwechi tùse eyekale kon neken nà yetatoppe uya, tamùkke tewin itewan, tewin ichenumenkatok, molopai meluntà pe ewechi kon wakù itekale ponaloppe yetatoppe uya.

Philippians 3:16

Tùse utànpai'nokon, màlà yepose utàn nai'nùk ye'ma tawàlà.

Philippians 4:2

Amyamlo asa'lon kon nossan yamùk Euodia molopai Syntyche tàwà ekkaichalà tùusenumenkaik ettàk kon Itepulu Jesus pàkànsau.

Hebrews 13:5

Pùlayatta à'nùn kon pe kulu kùkkuttàu, molopai tùutauchinpaik ettàk kon itesak pe ewettok kon pàk. Masapùla Katù uya, “Ànàmà kon uya pen màlà wapùla ànonka kon uya pen,” tesak màlà.

1 Peter 3:8

Màlàyau sàlà yekama uya àpàkù'nokon: tamù'nawàlà tewin usenumenkantok yesappe mettàik molopai ekkaichalà usentupantok tùulon kon pàk; ànù'là kappon i'nùnmatàk kon àtonpa kon kulu pùnùnma auya'nokon kàsa, molopai tùusentuppasen pe ettàk kon molopai àsà'mùla, àsà pe pùla ànù'là kappon pokonpe.

1 Peter 5:3

Mùkyamlo anmainanpa kon pe itùsak kon yepulu pe tukaik kettàu, tùse tok uya yentok ipàkàlà pe ettàk kon.

3 John 1:9

Tokkwen kaleta tùmenukatai sochi tawon kon piyak, tùse Diotrephes, tok yesappe eppai tùwessen, wechi uselupa enetapai pùla màlà.