Romans 12:13 - Patamuna New Testament Revised

¹³ Yà'làlà pùla nai'nannùk Katù munkà tùmainanpaik ettàk kon, molopai kaklan yamùk yewonnùttàk àwùk kon tak.

Romans 12:13 ပူးပေါင်းရင်းမြစ်များ

Matthew 25:35

Masapùla wapàkkassak wechippù molopai uyewetùppù auya'nokon. We'nakklipasak wechippù molopai uwoppappù auya'nokon. Kaklan pe wechippù molopai uyanùmùppù auya'nokon apatassek kon yak.

Yeunossak kon Wotokoyi 10:4

Inchelù yenupàkà iwechippù tùusenalippai'ma molopai, “Yà'là pe nai, Uyepulu?” teppù ya. Inchelù uya imaimu yeikuppù, “Katù uya àwàpùlematok molopai entuppa'nokon lepa pàk ewe'wotokoma tok yanùnsak man, molopai eyittusak ya man.

Yeunossak kon Wotokoyi 4:35

molopai tok uya itùlùppù yeunossak kon yemyak. Molopai pùlayatta pantakappù tok uya tamù'nawolon kon yemyak iche kulu tok wettok yawàlà.

Romans 12:8

Ewan meluntàlùttànài pe iwechi yau, tàwà ewan meluntàlùttànài pe nechiik. Yà'là pùnon sa'ne lepanài pe iwechi yau tàwà ne'lepaik tùusàulàmaik pùla, ànù'là kappon apàikkeppe tùwessen, ne'wotokomai wakù pe, tùusentuppasen, nùkupùi tùutauchinpaik.

1 Corinthians 16:15

Mùttuyataik Stephanas molopai itùwùk tawon kon wechi wapiyalok kon iwepùikattàsak kon pe Christ yau Achaia po. Molopai tok wettùsak màlà tùyiwalà'nokon Katù ponalok kon kappon yamùk ponaloppe tùwe'wotokomatok kon yak.

2 Corinthians 9:1

Emenukatok kon uya ipàkànsau pùla man, Katù ponalok kon pùikattàtok pàk.

2 Corinthians 9:12

Sàlà yamùk ànkupù kon uya neken là Katù ponalok kon pùikattàsak pen màlà. Tùse tukkan kon uya nàlà màlà tenki te Katù pàk.

Galatians 6:10

Màlàpàk uchi ikuttok yattai wechi molo kùlottau wakù ikuppai'nokon tamù'nawolon kon pàk, mùkyamlo kulu ailon tetok yau nai'nannùk.

1 Timothy 3:2

Sochi yesak wechi màlà àli pe ipantomù pùla, tewin neken inoppù, tùttuik tùwemassen pe, wakù pe itesek, wakù pe kakklan yamùk pàk tùwessen pe tùwùk tau, enupanài yeppe nàlà.

1 Timothy 5:10

molopai nàlà wakù ku'nài pe itekale nechiik: tùmunkà yamùk yemokkanài wakù pe pe, kaklan yamùk yanùnnài tùwùk tak pe, Katù ponalok kon pùta kolùkanài pe, tùwettalumattàsan pùikattànài pe, molopai tamù'nawolon yà'là yekkwa là wakù ku'nài pe.

Titus 1:8

Tùutauchinpaik kappon yamùk yanùnnài pe tùwùk tak molopai màlà wakù pe nai'nùk pùnùnmanài pe. Tesak yepulu pe tùwemassen pe yà'làlà àli ànkuppai tùwettok winàpai, ikasa, wakù pe Katù yenu yau, molopai tùttuik tùwemassen pe.

Titus 3:14

Tonpa wannà yamùk uya wakù wotoko kuttok yak tùweyu kon tùlù iche we'nà man, yà'là pùnon kulu wettok iche yau pùikattàn pàk tok wettoppe; tapulàsen pe tok wemattok wettoppe.

Philemon 1:7

Pùnùnmantok auya uya kulu eke pe uyauchinpasak man, utonpa, molopai umeluntàlùttàsak ya. Masapùla tamù'nawàlà Katù ponalok kon kappon yamùk yewan yenpakasak auya pàk.

Hebrews 13:16

Wakù kuttok uchi auya'nokon kùpputtàka'nùttàu molopai àtonpa kon pùikattàtok auya'nokon, masapùla sàlà yamùk yekkwa tùtùsan wechi màlà Katù yauchinpanài pe.

Hebrews 13:2

Tùutauchinpaik kakklan yamùk yanùntok auya'nokon àwùk kon tak kùpputtàka'nùttàu. Màlà kasa tùwechi kon yau màlà tùulon kon uya inchelù yamùk yanùmùppù ittupe pùla.

Hebrews 6:10

Katù mùkkàlà ikasa nai'nùk ku'nài. Àwotokoyi kon lùppù puttàka'nùpù ya pen màlà. I'nùnmatok auya'nokon enenpoikappù kon ipemonkono yamùk pùikattà pe molopai tok pùikattà pàk lùppù messatài'nùk.

1 Peter 4:9

Àtonpa kon yewonnùttàk àwùk kon tak tùusàulàmaik pùla.

1 John 3:17

Tukke temamin ke we'nà molopai tonpa wannà wettalumattà yà'làlà pùla yene, tùse usentupantok ipàk pùla we'nà kùyewan kon yau, atta ken, “Katù pùnùnmatok uya ike molo man uyewan yau,” te kùuya'nokon?

3 John 1:5

Uwechi yakon kulu, ailon pe kulu messaik màlà wotoko ànkupù yau, mùkyamlo tonpa wannà yamùk pàk kakklan yamùk pe lànen tok wechi tùse, pena tok yensak auya pùla lànen tùse.