Romans 12:12 - Patamuna New Testament Revised

¹² Tàwà enpen ewettok kon àkuttàu tùutauchinpaik, ewettalumattàtok kon ipàlikatàk, molopai àpùlematàk kon tàwàlà.

Romans 12:12 ပူးပေါင်းရင်းမြစ်များ

Matthew 5:12

Molùk ettàk, atauchinpatàk kon kulu, masapùla eke epeppù kupù man àponalok kon pe epùn po. Sàlà kasa màlà kappon yamùk uya Katù Maimu yenpoikannan talumattàppù awapiya'nokon tùwemassan,” teppù ya.

Luke 10:20

Katauchinpatàu àli akkwalù yamùk wechi amaimu kon yawàlà pàk. Tùse atauchinpatàk kon eyesek kon we'menukasak làkku epùn po pàk,” tukaik tok yeikuppù ya.

Luke 21:19

Meluntà pe ettàk kon, masapùla sàlà kasa ewepùikattà kon màlà, ” teppù Jesus uya.

Luke 8:15

Tùpànsen iwepukasak lùppù wakù non yak màlà uya yekama nai'nùk, mùkyamlo itekale yetan nan, iku'nài nan wakù pe, yawolon kon nà tewan kon yau, ailon pe tùwessan tùwepeta kon ponalà,” teppù Jesus uya.

Yeunossak kon Wotokoyi 1:14

Tok wepilippàtùppù tamùkke echipalà àpùlemase, tamùkke nossan yamùk pokonpe, Mary là Jesus yan molopai Jesus yakon non tukaik.

Yeunossak kon Wotokoyi 12:5

Màlàpàk Peter kupùppù màlà patikichi tau, tùse sochi tawon kon wechippù tùwàpùlema kon pàk kulu ipona.

Yeunossak kon Wotokoyi 2:42

Tok uko'manpàtùppù tùusenupa kon pàk yeunossak kon uya enupantok pàk, tamùkke tok tok wechippù, tùuta'letàtok kon yau molopai tùwàpùlematok kon yau.

Yeunossak kon Wotokoyi 6:4

Molopai ina nen uchi wettoppe tùwàpùlematok kon yau molopai itekale yekama pàk” teppù tok uya.

Romans 15:13

Tàwà uchi Katù enpen we'nàtok uyàttok iwinà ayanùkkai'nokon tamù'nawolon utauchinpantok ke molopai echitonpa pe we'nàtok ke, ailon te auya'nokon ipàk yawàlà, Wakù Akkwalù meluntàlù winà enpen ewettok kon yau meluntà pe kulu ewechi kon pa.

Romans 15:4

Masapùla tamù'nawolon pena imenukasak lùssan màlà kùyenupatoppe ya imenukasak lùppù, pàlikantok molopai Katù Maimu uya ewan meluntàpatok yai enpen we'nàtok yepotoppe.

Romans 2:7

Tùulon kon kappon yamùk wakù kupù pàk tùwessan, apulàntok, namantok molopai tàwàlàlà wema'nàtok iwannan. Mùkyamlo yemyak Katù uya tàwàlàlà wema'nàtok tùlù màlà.

Romans 8:25

Tùse enpen we'nà'nokon kùnene kon pen pàk yau, imàmu'nàinan kùmyamlo tùusetakaik pùla.

1 Corinthians 13:13

Molopai sàlà pe sàlà yamùk àsolùwawon molo man, ailon tetok, enpen we'nàtok, molopai uchi'nùnmantok. Tùse sàlà yamùk yentaino kulu màlà uchi'nùnmantok.

2 Corinthians 12:8

Àsolùwau itekkwa Itepulu pawanattàppù uya imokka toppe ya uwinàpai.

Philippians 3:1

Molopai we'nonka pe nen uchi, utonpa yamùk, tàwàichi Itepulu elepai'nokon eke pe utauchinpantok ke. Tùusetakkasen pen Iulà màlà lùppù wapiya umenukappù lùppù menuka tu'ma uya pàk. Àpùikattà kon ya màlà ittu kon pa kulu.

Philippians 4:4

Tàwàlàlàichi tùutauchinpaik ettàk kon Itepulu Jesus ponaloppe ewemapù kon yawàlà. Wate uya tu'ma: tùutauchinpaik ettàk kon!

Colossians 1:11

Imeluntàlùttàsappe tamù'nawolon itapàikketù ke, wakù imeluntalù yawàlà yà'làlà yentaika kon pa molopai ipàlika kon pa molopai tùutauchinpaik ewechi kon pa.

Colossians 1:27

Katù uya sàlà kupùppù màlà masapùla Jew yamùk pen uya sàlà wakù kulu molopai tùttusen pen ittu iche tùwechi pàk. Molopai màlà tùttusen pen màlà Christ wemapù ayau'nokon molopai mùkkàlà, mùkkàlà enpen ewettok kon Katù yapulàtok pùkkù pe ewechi kon pàk.

Colossians 4:12

“Wakù pe na' messatàu?” nùkayan Epaphras àtonpa kon nàlà, molopai Jesus Christ yapyoto. Tùwàpùlemasen mùkkàlà tàwàlà eke pe àpona'nokon. Katù yekamapponài meluntà pe ewena kon pa tamù'nawàlà Katù yeselu yau tùwappùik molopai ittunài pe.

Colossians 4:2

Màpùlematàik tàwàlàlà. Enpen mettàik àwàpùlema kon yau, tenki teima Katù pàk.

1 Thessalonians 1:3

Masapùla ina nùttuyan, Katù Kùkàipùnù kon yemloto po ailon tetok auya'nokon yai ewe'wotokoma kon sa’man pe uchi'nùnmantok ke. Molopai enpen ewettok kon Kùyepulu Jesus Christ pàk wechi melùntà pe ittuyan ina.

1 Thessalonians 5:8

Tùse weinai nokon nen kùmyamlo molopai tùttuik, ikasa usenumenkantok yesappe tùwessan yek kùmyamlo. Ailon tetok molopai uchi'nùnmantok yapulàpai'nokon uchi kùplopo kon wapu pe, molopai kùppai kon wapu pe wepùikattàntok pàk enpen we'nàtok kon itùpai'nokon.

2 Thessalonians 1:4

Màlà kasaichi iwechipàk ayapulà kon pe ina tùuselupasan àpàkù'nokon Katù sochiyi yamùk tau, ailon tetok auya'nokon yau tamù'nawolon nà ewettalumattàtok kon yau molopai màlà yamùk yawà mùtàyatài'nùk pàlika pàk ewechi kon pàk.

2 Thessalonians 3:5

Tàwàichi Itepulu ayalài'nokon, Katù pùnùnma kon pa eke pe kulu, molopai Christ yau echii'ma yà'làlà pàlikatok auya'nokon màlà intùlùppù.

1 Timothy 6:11

Tùse àmàlà mùkkàlà, Katù ponalok kàyik, sàlà yekkwa ton winàpai ekkà. E'wotokomakà sàlà yamùk yepolo pa molopai ikasa, wakù pe, Katù yauchinpanài pe ewechi pa, ailon te toppe, àtonpa tù'nùnmaik, yà'làlà pàlika pa, molopai ten pe alomùla ewechi pa.

2 Timothy 3:10

Eyenupappù uya lùssan mùttuyaik, wemapùppù mùttuyaik. Tùse enupantok uya là mùttuyaik, wemapù yeselu molopai iponaloppe wemattok ailon tetok uya, pàlikantok uya, pùnùnmantok uya molopai tùusetakkaik pùla wettok tachin pe.

Titus 2:13

màlà Wakù kulu Wei màmuku pàk echii'ma enpen we'nàtok ipàk, eke Katù molopai Pùikattànài Jesus Christ yakkwayi usenpoika yau.

Titus 3:7

wakù pe we'nà pen pàk Jesus uya wakù pe anùnnàppà màlà Katù nanùmù yeppe koneka'nàppù ya molopai tàwàlàlà wema'nàtok yepolo pàk enpen we'nàtok ke lepa'nàppà ya.

Hebrews 10:32

Ittutàk kon pena ewechipù kon, Katù weyu utakkwakasak àpona'nokon tùpo, tukkan talumattàntok pàlikappù auya'nokon.

Hebrews 10:36

Pàlikannan pe ettàk kon, Katù yeselu kupù kon pa, molopai ikupù tùuya tetok ya yepolo auya'nokon màlà.

Hebrews 12:1

Tukkan kon pùsamlo ennài nan kùwoi'nokon man. Màlàpàk tamù'nawolon kùwakkà'nài'nokon yenu'mapai'nokon. Màlà makui kùyachiyatài'nùk nàlà, molopai aitun pe utànpai'nokon pàlikantok pokonpe wapplùnnàtok kùyemloto kon po nai'nùk yak.

Hebrews 3:6

Tùse Christ mùkkàlà ailon, paatele, imu. Molopai kùmyamlo mùkyamlo itùwùk, meluntà pe tùusenalippaik pùla molopai enpen we'nàtok kon pàk tùutachiik we'nà'nokon yau.

Hebrews 5:7

Tùwemapù non po yau Jesus wàpùlemappù màlà molopai Katù pawanattàppù ya eke pe tùkalanse molopai tenupalu tùkkwanse, tùpùikattà toppe ya weli'nàtok winàpai. Katù uya imaimu yetappù màlà masapùla tùmaimu yawàlà iwettùssak tamù'nawàlà pàk.

Hebrews 6:12

Emya'nek pe ewena kon iche pùla ina man, tùse mùkyamlo ailon tawonnan molopai pàlikannan, Katù uya ikupù tùuya teppù lùppù yeponnan kasa làkku mettàik.

Hebrews 6:15

Abraham wechippù màlà imàmuku pàk tùsetakkaik pùla, màlàpàk ikupù tùuya tetok Katù uya yepoloppù ya.

James 5:7

Kesetakkatàu uchi imàmuttàk kon ipàlikatàk utonpa yamùk, Itepulu uyàpù ponalà. Imasa yentàk kon yà'là kasa là umà pànnài wechi tùusetakkaik pùla tùnpàmàppù umla molopai iwepeta màmuku pàk. Konok màmu'nài mùkkàlà, wapiyalok molopai emennùppù tùuyàssen konok màmu'nài.

1 Peter 4:13

Tùse làkku atauchinpatàk kon masapùla Christ wettalumattàppù kasa ewettalumattà kon pàk, autauchinpa kon pa eke pe kulu itakkwayi usenpoikasak yau.

1 Peter 4:7

Tamù'nawolon yà'làlà wenukattok yattai mei pùla man. Eyesak kon pe ettàk kon, molopai enpen ettàk kon, àwàpùlema kon pe.

2 Peter 1:6

ittunài pe ewettok kon pona eyesak kon pe ewettok kon; eyesak kon pe ewettok kon pona pàlikantok; pàlikantok auya'nokon pona wakù pe esuken Katù kasa we'nàtok;

Revelation 13:10

Ànù'là achintok tak tùutàsen yek utà màlà achintok yak. Ànù'là asa'lon yà kasupala ke tùwàsen yeppe nai'nùk wànà màlà asa'lon yà kasupala ke. Sàlà màlà pàlikantok molopai ailon tetok iche tùwessen Katù ponalok kon kappon yamùk pona,” teppù ya.