Romans 11:7 - Patamuna New Testament Revised

⁷ Yà'là nen ken uchi? Israel uya tùnùwa kon yepoloppù pen màlà. Tukkan kon pen yeponnannùssan yanùmùppù Katù uya màlà, tok tonpassan tùulon kon wenappù panattàppe Katù uya tùkà'matok kon winàpai.

Romans 11:7 ပူးပေါင်းရင်းမြစ်များ

Mark 6:52

Masapùla yà'là yekamasak 5000 pan kon yewessak uya ituppù tok uya pùla lùppù iwechippù, tok usenumenkatok uya yachi pùla iwechippù.

Luke 13:24

“Wakù pe ànùttu kon ikuttàk kon ettakkù manatta yai ewewomù kon pa. Masapùla tukkan kon kappon yamùk wechi màlà tùwewomùiche' nokon tùse tok wewomù pen màlà, ukayaik àpàkù'nokon.”

John 12:40

“Katù uya enpùla tok yenu kussak màlà, molopai tok usenumenkatok yakkosak ya, tenu kon ke tok uya yene tukaik molopai tùusenumenkatok kon ke tok uya ittu tukaik, wapùla tok welattà pen uwinàkàik, tipittàtok kon pe uya,” tukaik.

Romans 10:3

Yà'là uya là Katù nanùmù yeppe kappon kupù ikasa ipokonpe ittusak tok uya pùla iwechippù, molopai tùyiwalà'nokon ikasa ekonekapai tok wechippù. Màlàpàk uchi tà Katù uya ikasa kappon yamùk kuttok yawà yanùmù tok uya pen.

Romans 11:25

Tùttusen pen ailon molo man, utonpa yamùk, ittu auya'nokon iche wettok. Pukkeppe ewechi kon pe yekama auya'nokon tukaik àkupù kon ya màlà. Sàlà uchi màlà kappon yamùk Israel pon kon wettok sa'man pe itewan wechi tàwàlà tùwessen pe pùla. Tùse iche we'nàtok kaichalà Jew yamùk pen kùlottapai wessepolo Katù piyak ponalà neken iwechi.

Romans 11:5

Màlà kasa làma uchi man sàlà pe. Tukkan kon kulu pen molo man Katù nanùmùssan tùusentuppatok pàkànsau.

Romans 3:9

Màlàpàk nen uchi yà'là te sàlà, kùmyamlo ka' Jew yamùk wechi màlà mùkyamlo Jew yamùk pen yentai wakù peiwa lù? Kanekku! Yekamasak ina uya man Jew yamùk molopai Jew yamùk pen wechi ekkaichalà makui yo'no.

Romans 6:15

Yà'là kupù'nokon ken uchi? Àli kupù'nokon ka'lù, masapùla Law maimu yo'no pùla we'nà pàk tùse wakù pe Katù wettok yo'no we'nà pàk lù? Kanekku!

Romans 9:18

Màlàpàk uchi Katù tùusentuppasan ipàk esentuppapai tùwettok ipàk pàk, molopai sa'man pe itewan ànkuppai tùwettok ku'nài sa'man pe.

Romans 9:23

Eke kulu tapulàtok enenpoikapai tùwechi ipàk tùusentuppapù ton pàk pàk, mùkyamlo inkonekassan pena tapulàtok yanùnnàinan pe tok wettoppe.

1 Corinthians 10:19

Ailon pen katù yemyak itùsak lùppù wechi màlà yà'là pe kulu te uya na' nai'nùk wapùla ailon pen katù wechi màlà ànùppe te uya ka'lù?

2 Corinthians 3:14

Tok usenumenkatok utakkosak kulu wechippù màlà. Molopai sàlà tepose tok usenumenkatok waputtàsak màlà lùppù kaleta yamùk penalok ikupù tùuya tetok Katù uya yawon uya man. Masapùla Christ yau neken màlà yamappù màlà.

2 Corinthians 4:4

Sàlà wolù yepulu uya ailon tawonnan pen usenumenkatok yewalumankasak màlà. Wakù Itekale yakkwayi Christ winàpaino yene tok uya tukaik, mùkkàlà uchi Katù usentok.

Ephesians 1:4

Katù uya kùyanùnkassak kon wechippù màlà tùponaloppe Christ yau, wakù pe esuken we'nàtokkonpe temloto po. Pena wolù wessepolo wapiya pùnùnmantok tùuya pàkàlà,

Ephesians 4:18

molopai ichenumenkatok ewalupàttau nai'nùk. Katù nùtùlù wema'nàtok pùkkù pe pùla tok wechi màlà, masapùla ittunài pe pùla tok wechi pàk molopai sa'man pe tok yewan wechi.

Philippians 1:18

Yà'là pe pùla iwechi màlà! Màlà kasa iwechipàk utauchinpayaik walàtùse Christ yekale usekamatoppe i'nai kasa là, iwalai pen wapùla iwalai là iteselu pe. Ewaik, utauchinpa pàk lùppù wechi màlà.

Hebrews 12:17

Màlà ye'mappùtak ku, tùkàipùnù uya pùlemantok enepopai tùponaloppe iwechippù tùse inulunpappù. Tùnkupùppù mùyakanmatok tùuya yawà yepolo ya pùla iwechippù, tenu palu ke kulu lànen iwaya tùse.

1 Peter 1:2

Ayanùnsak kon màlà Katù yeselu yawàlà, Katù ponaloppe àkonekatok kon pe Wakù Akkwalù winà, molopai Jesus Christ maimu yawàlà ewechi kon pa molopai esuken ewena kon pa Jesus Christ mùnù winà. Tàwà wakù pe we'nàtok molopai echitonpa pe we'nàtok Katù winàpaino àponalok kon pe nenai eke pe.