Romans 11:36 - Patamuna New Testament Revised

³⁶ Masapùla tamù'nawolon yà'làlà iwekkussak lùppù wechi màlà iwinon pe, mùkkùlà yai molopai iponaloppe. Tàwà uchi apulàntok molopai namantok iponaloppe nechii tàwàlàlà. Emen.

Romans 11:36 ပူးပေါင်းရင်းမြစ်များ

Matthew 6:13

Ina kùsettùtak sa'man ittuntok yak, tùse Ene Makui winàpai làkku ina ikukkà, Masapùla àponalok màlà itepulu pe we'nàtok epùn po, molopai apàikkek, molopai apulàntok tàwàlàlà. Emen, tukaik, teppù Jesus uya.

Luke 19:38

“Ipùlemasak mùkkàlà kin Itepulu yesek yau tùuyàssen! Wàlàkka'nàtok Epùn pon molopai Katù yapulàtok!” tukaik.

Luke 2:14

“Katù epùn pon, yapulà pai! Molopai kappon yamùk uyauchinpan nan non pon kon ponaloppe wàlàkka'nàtok nechii!” tukaik.

Yeunossak kon Wotokoyi 17:28

Masapùla ‘Mùkkàlà yau tùwemassan kùmyamlo, tùwelaikasan, molopai talà tùwessan.’ Kaleta menukanài nan uya ‘Imunkà yamùk nàlà kùmyamlo,’ teppù kasa.

Romans 16:27

Tewinan neken pukkek Katù piyak, apulàntok molopai namantok tùlù nechii Jesus Christ yai tàwàlàlà molopai tàwàlàlà! Emen.

1 Corinthians 11:12

Masapùla nossan konekappù màlà kàyik yapai. Màlà kasa làma kàyik wentuppù màlà nossan yai. Tùse tamù'nawolon màlà tùuyàssen Katù winàpai.

1 Corinthians 8:6

Tùse molo man kùponalok kon tewinan neken Katù, Kùkàipùnù kon, tamù'nawolon yà'làlà konekanàippù, molopai iponaloppe wema'nàtokù'nokon. Molopai molo man tewinan neken Itepulu, Jesus Christ, tamù'nawolon yà'làlà wekonekappù iwinà lùppù, molopai wema'nàtokù'nokon iwinà.

Galatians 1:5

Tàwà Katù piyau apulàntok nechii tàwàlàlà molopai tàwàlàlà! Emen.

Ephesians 3:21

Tàwàichi Katù yapulài sochi, Christ Jesus yau, tachin pe, tàwàlàlà molopai tàwàlàlà. Emen.

Philippians 4:20

Tàwà Katù Kùkàipùnù kon tapulàtok yepoloi tàwàlàlà molopai tàwàlàlà. Emen.

1 Timothy 1:17

Tàwàlàlà Kin pe tùwessen, tùumatta woton pen molopai yensak pen, tewinan Katù piyak, namantok molopai apulàntok tùlù màlà tàwàlà molopai tàwàlàlà! Emen.

1 Timothy 6:16

Mùkkàlà neken tewinan tàwàlàlà tùwemassen. Tùwemassen mùkkàlà akkwa ànù'là nepolo itenpatau pen. Ànù'là uya yensak pùla iwechi màlà, molopai ànù'là uya yene pen màlà. Tàwà mùkkàlà ponaloppe namantok molopai tàwàlàlà apàikkek pe we'nàtok nechii! Emen.

2 Timothy 4:18

Molopai Itepulu uya upùikattà màlà tamù'nawolon àli ton winàpai, molopai uyalà ya wakù pe itepulu pe tùwettok yak epùn pon yak. Apulàntok ipyau nechii tàwàlàlà molopai tàwàlàlà. Emen.

Hebrews 13:21

Tàwàichi Katù elepai'nokon tamù'nawolon wakù iche ewettok kon ke teselu kupù kon pa. Tàwà tauchinpanài kupùi kùyau'nokon Jesus Christ yai. Christ yapulàpai'nokon tàwàlàlà molopai tàwàlàlà. Emen.

Hebrews 2:10

Katù uya màlà tamù'nawolon konekappù molopai tamù'nawolon màlà iponalok, màlàpàk ikasa iwechippù màlà Katù uya Jesus kupù ikasa iwettalumattàtok winà. Sàlà kupùppù ya màlà tukkan kon Katù munkà yamùk yatoppe molopai tok pùikattà toppe Jesus uya tùwettalumattàtok winà.

1 Peter 4:11

Ànù'là itekale yekamanài, tàwà Katù Maimu yekamai; ànù'là tùulon kon pùikattànài, tàwà tok pùikattài, meluntà, màlà Katù uya tùlepatok ke, tamù'nawolon yau apulàntok tùtoppe Katù piyak Jesus Christ yai, apulàntok molopai apàikkeppe we'nàtok iponalok tàwàlàlà molopai tàwàlàlà. Emen.

1 Peter 5:11

Tamù'nawolon apàikkek màlà ipyawon tàwàlàlà. Emen.

2 Peter 3:18

Tùse wakù pe we'nàtok molopai ittunài pe we'nàtok Kùyepulu molopai Kùpùikattànài Jesus Christ winàpaino yau Jesus kasa enatàk kon tamù'nawàlà. Tàwà apulàntok ipyau nechii, sàlà pe molopai tàwàlàlà! Emen.

Jude 1:25

Tewinan Katù Kùpùikattànài'nokon Jesus Christ Kùyepulu kon yai piyau apulàntok nechii. Inamatok nechii. Itepulu pe we'nàtok meluntàlù nechii. Molopai apàikkek nechii, sàlà pe molopai tàwàlàlà molopai tàwàlàlà! Emen.

Revelation 19:1

Sàlà yamùk tùpo eke pe tukkan kon kappon yamùk maimu kasa tùusetasen yetappù uya epùn po, “Katù yapulà! Wepùikattàntok, apulàntok molopai meluntà màlà kùkatùyi kon ponalok!” tukaik.

Revelation 21:6

Molopai upàk, “Nenukappàssan! Iulà mùkkàlà Alpha molopai Omega iweppyattàtok molopai iwenukattok. Ànù'là iwe'nakklipasak nai'nùk lepa uya màlà epe'mùn tuna ke wema'nàtok palu yapai.

Revelation 7:10

Tok wentaimeppù eke pe. “Ina wepùikattàtok màlà tùuyàssen Ina Katùyi winàpai. Mùkkàlà aponnok po chichiu pe tùwessen, molopai Kalinilu Mule winàpai,” tukaik.

Revelation 7:12

“Emen! Apulàntok molopai eke pe we'nàtok, pukkeppe we'nàtok, tenki tetok, namantok, meluntà, molopai apàikkek wechi màlà kùkatùyi kon ponaloppe tàwàlàlà molopai tàwàlàlà! Emen!” tukaik.