Romans 11:29 - Patamuna New Testament Revised

²⁹ Masapùla Katù mùkkàlà tùusenumenkatok mùyakanmanài pen ànùk yanùmù tùuya pàk wapùla ànùk lepatok tùuya mokkanài pen.

Romans 11:29 ပူးပေါင်းရင်းမြစ်များ

Romans 11:30

Amyamlo Jew yamùk pen, pena Katù Maimu yawàlà pùla ewechippù kon. Tùse sàlà pe Katù usentuppatok yanùnsak auya'nokon man, masapùla Jew yamùk wessak Katù Maimu yawàlà pùla pàk.

Romans 8:28

Masapùla ittu'nokon man tamù'nawàlà yà'làlà yau Katù we'wotokoma, mùkyamlo tù'nùnmannan ponaloppe, wakù wekkuttoppe yai teselu yawàlà, mùkyamlo tùnkà'massan teselu yawàlà ponaloppe.

Romans 8:30

Màlàpàk Katù uya màlà tùnùttussan wapiya kà'mappù. Tok kà'mappù ya neken pen màlà, tuse ikasa nàlà tok yanùmùppù ya tùpokonpe. Ikasa neken tok yanùmùppù ya tùpokonpe pen màlà tùse tùnamatok pùkkù pe nàlà tok kupùppù ya màlà.

1 Corinthians 1:26

Utonpa yamùk, yà'là kasa là ewechippù kon ittutàk kon àkà'ma kon yau. Tukke pùla ewechippù kon pukkeppe wapùla meluntà pe wapùla eke ton kappon yamùk munkà pe.

Ephesians 1:18

Eusenumenkatok kon ike utakkokatoppe itakkwayi yene kon pa yekamapponài Iula, màlà enpen we'nàtok yak àkà'masak kon ya nai'nùk ittu kon pa, eke kulu màlà wakù kuttok ya itùlù tùuya teppù ya lùppù tùponalok kon pàk,

Ephesians 4:1

Eyekamappoyatàu uchi Iulà, Iulà yachichak nai'nùk masapùla Itepulu Jesus ponaloppe we'wotokoma pàk. Àkà'ma kon tùuya yau Katù nùkupùppù yawàlà we'nàtoppe, pàkàlà ayakkwalù kon yemakkwatàk kon.

Ephesians 4:4

Tewinan màlà esak molopai tewinan Akkwalù, tewinan enpen we'nàtok Katù uya àkà'mappù kon yak walai.

Philippians 3:14

Màlàpàk tossalà aitunpe utàyaik teposen winàkàik. Uyepeppù, Katù uya kà'mantok Christ Jesus yai wema'nàtok epùn po, yepotoppe uya.

2 Thessalonians 1:11

Sàlà kasaichi tùusenumenkaik tàwàlà àpona'nokon ina tùwàpùlemasan. Katù uya àkà'mappù kon yak lùppù yawà tùwemassan pe ewechi kon pa. Tàwà tùmeluntàlù yai, wakù ànkupù pe tùwessen kupùik molopai àpùikattài ailon tetok auya yawà ewelaika pa.

2 Timothy 1:9

Kùpùikattànsak ya màlà molopai kùkà'masak ya esuken we'nàtoppe, yà'làlà kussak kùuya'nokon pàkànsau pùla, tùse iche tùwettok yawà molopai wakù pe tùwettok pàkànsau. Sàlà wakù pe tùwettok tùlùppù ya màlà kùpya'nokon Christ Jesus yau, sàlà pata weyu wepyatàtok wapiya.

Hebrews 3:1

Màlàpàk utonpa yamùk, amyamlo esuken ikonekasak kon molopai ikà'masak kon Katù winà. Jesus yentàk kon, mùkkàlà yeunossak lùppù molopai eke kulu paatele, mùkkàlà ina nekamayai'nùk.

2 Peter 1:10

Màlàpàk uchi, utonpa yamùk, ànùttu kon ikuttàk kon Katù uya kà'mantok molopai ayanùntok kon ya ittu kon pa, masapùla sàlà kupù auya'nokon yau meluntà pe ewechi kon màlà ewekkawai'ma kon pen.