Romans 11:20 - Patamuna New Testament Revised

²⁰ Sàlà màlà ailon. Iitakitukkappù màlà masapùla ailon te tok uya pùla iwechi pàk, molo lùppù apatassek kon yau ewechi kon tùse ailon tesak auya'nokon pàk. Tùse katapulàtàu, tùse esenalippatàk kon làkkù.

Romans 11:20 ပူးပေါင်းရင်းမြစ်များ

Luke 18:14

“Tekamayaik àpàkù'nokon, pùsàlà kàyik, pùlayatta pili'nài, wemeichak wechippù màlà ikasa Katù pokonpe iwekonekasak pe. Tùse tùulon wechippù màlà iwekonekappù pùla. Masapùla tamù'nawolon kon eke pe tùwekkussan ma màlà àssà'mùla, molopai tamù'nawolon kon àssà'mùla tùwessan ma màlà eke pe,” teppù Jesus uya.

Yeunossak kon Wotokoyi 18:6

Tùwinàkàik wakù pe pùla tok wechi yau molopai àli pe tok uselupa tùpàk yau, tùpon tu'meppù ya, molopai tok pàk: “Àmùnù kon wechi appai kon po màlà! Atalumattà kon yau amyamlo uya yanùmù màlà, unkupù kussak uya man. Sàlà motapai utà sàlà Jew yamùk pen piyak.” teppù ya.

Romans 11:18

Màlàpàk uchi mùkyamlo iwepantalùkkasak kon yei panta kasa nai'nannùk atalumayi kon pe kùkkuttàu. Ittutàk kon ipanta lùssan neken nen amyamlo, imik yachinnan pen amyamlo, ayachinài'nokon màlà imik.

Romans 11:21

Masapùla Katù uya Jew yamùk kupùppù molo pùla iwessak yau màlà ipùkkù kulu yei panta walainon, moloichi ewechippù kon eppaino sàlà.

Romans 12:16

Echitonpa pe ettàk kon tamù'nawolon kon pokonpe. Ànù'là kappon yentai kekkuttàu, katapulàtàu, tùse entuppa'nokon yanùntàk kon ewechiyakon kon pe. Pukeppe ewechi kon pe kùsekamatàu.

Romans 12:3

Masapùla Katù uya ulepatok wakù pàkànsau eyelupa kon uya sàlà. Ànù'là yentai ewechi kon pe kùsekamatàu. Tùse esenumenkatàk kon kulu molopai echittutàk kon esentàk ailon tetok auya'nokon Katù uya elepappù kon ike yawàlà.

Romans 3:3

Yà'là pe ken iwechi tok tonpa yamùk wechi ailon pe pùla yau? Sàlà uya ka' Katù wechi ailon pe pùla te pe iwechi màlà lù?

1 Corinthians 10:12

Màlàpàk meluntàk àwà'mùssakkasappe ittu auya yau, tùttuik mechiik ewekkawai'ma tukaik.

1 Corinthians 15:1

Utonpa yamùk eyenu kon anappontàpai wessaik Wakù Itekale unekamappù lùppù àpàkù'nokon pàk, ananùmùppù kon lùppù, molopai ailon tetok auya'nokon wettok meluntà pe ipàk.

1 Corinthians 16:13

Elanneppe ettàk kon, ailon tetok yau meluntà pe ettàk kon, katamatàu, tùusenalippaik pùla ettàk kon.

2 Corinthians 1:24

Ailon tetok auya'nokon ipàk woton yekamaiche eyepulu kon pe ina wechi pen sàlà. Autauchinpatok kon ponaloppe làkku ina we'wotokoma sàlà àpokonpe'nokon, meluntà pe ewechi kon ailon tetok yau pàk.

2 Corinthians 10:5

Usàulàmantok kon molopai tamù'nawolon uselupantok Katù ittutok wakà'nài mattanù'nài nan ina. Tamù'nawàlà usenumenkantok yachinài nan ina, Christ maimu yawàlà iwettoppe.

Philippians 2:12

Màlàpàk uchi, utonpa yamùk, tàwàlà mayin yawàlà ewechippù kon apyau'nokon wechi yau. Tùse sàlà pe apyau'nokon pùla là wechi tùse màlà yentak lùiwa yawàlà ewechi kon màlà. Màlàpàk e'wotokomatàk kon, tùwe'namaik molopai tùplànài'nùnse Katù ponaloppe ewechi kon yekama pe.

Colossians 2:7

I'nak akalatatàk kon Christ yak. Ewemattok kon yapon pe nechii. Molopai meluntà pe lùiwa ewena kon pa ailon tetok auya'nokon yau, eyenupappù kon kasa. Molopai tenki tetok auya'nokon ke anùttàk kon.

2 Thessalonians 2:4

Yà'làlà, kappon yamùk wàpùlematok ipàk, iche pùla iwechi màlà. Molopai wepeiman nà inama pe wechi itewanma pe, tamù'nawolon màlà yamùk yentai iwekkupù màlà, molopai ità Katù yùwùk tak chichiu pe esse, eke pe ekkusse, molopai Katù pe tukaik iwekkupù màlà. ‘Iulà nen mùkkàlà Katù,’ te ya màlà.

1 Timothy 6:17

Tukke itemamin nai'nannùk sàlà motau wema'nàtok yau yekamapokkà. Itekkwa pe tok kùsekkuttak molopai enpen tok kùsettak temamin kon sa'man pe pùla tùwe'lachimasen pe nai'nùk pàk, tùse Katù pàk làkku enpen tok nechii, mùkkàlà tùweleutàik pùla tamù'nawolon ke lepanyai'nùk tapulàsen pe nai'nùk ke.

Hebrews 3:12

Utonpa yamùk, masa yentàk kon, àli pe eusenumenkatok kon wapùla ailon te pùla we'nàtok ànù'là lattàtak, tùwemassen Katù winàpai.

Hebrews 3:19

Yene'nokon uchi man, ailon te tùuya'nokon pùla iwechi pàk tok wewomù pùla iwechippù wàlàkka'nàtok yak.

Hebrews 4:11

Màlàpàk uchi tamù'nawàlà kùnùttu kon ikuppai'nokon man utàntokkonpe màlà wàlàkka'nàtok yak. Ànù'là kùkklottau'nokon Katù Maimu yawàlà pùla kùsettak, mùkyamlo kappon yamùk wechippù kasa.

Hebrews 4:6

Walùppù iwechi màlà, màlà wàlàkka'nàtok yak tùulon kon utàtoppe, masapùla mùkyamlo wapiya Wakù Itekale yetannan nùssan wechippù màlà imaimu yawàlà pùla, màlàpàk tok utàppù wàlàkkanàtok yak pen.

James 2:19

Ailon tawonnan amyamlo tewinan neken Katù wechi molo pàk. Wakù pe man! Àli yakkwalù yamùk nàlà mùkyamlo ailon tawonnan, molopai ippla tùkùtùkù pe tùwettalippasan tùplànài'nùnsan.

James 4:6

Tùse wakù pe we'nàtok Katù winàpaino màlà meluntà kulu. Masapùla Katù Maimu uya, “Katù mùkkàlà tùtonpa yentai pe tukaik tùwekkussen iteyaton, tùse wakù pe we'nàtok tùwinàpaino tùnài àssà'mùnon àsà ton pen piyak,” te pàk.

1 Peter 1:17

“Ina Kàipùnù” tawonnan pe ewechi kon, tamù'nawolon kon kappon yamùk pàk, “suwa messaik” tawon, tok nùkupùppù yawàlà ekkaichalà pàk; uchi emattàk kon talà sàlà non po inamatok molopai yapulàtok auya'nokon yau.

1 Peter 5:12

Sàlà tokwenan kaleta menuka uya sàlà Silas uya upùikattà winà, ailon kulu utonpa pe unkupù. Emeluntàpapai'nokon wessaik molopai uselupatok tùlù uya sàlà ailon wakù pe we'nàtok Katù winàpaino pàk. Yau ettàk kon.

1 Peter 5:9

Ailon tetok auya'nokon yau meluntà pe ettàk kon molopai Makui, inulunpatàk kon, masapùla mùttuyatàik àtonpa kon yamùk ailon tawonnan sàlà non po wettalumattà sàlà yekkwa yau akasa'nokon.

Revelation 18:7

Wakù pe temamin ke tùwechi yawà itapulàppù. Màlà kaichalà làma ilepatàk kon talumattàntok molopai usewankono'mantok ke. Masapùla, ‘Sà motau chichiu pe wessaik Kuwin Iulà! Itayappù iwelichak pen Iulà, molopai usewankono'ma ittu uya pen màlà!’ te pàk man tewan yau.

Revelation 3:17

‘Tukkan, itemamin Iulà, molopai italumayippù pen, tamù'nawàlà iche wettok yesak,’ te là auya. Tùse entuppak sa'ne ewechi ittu auya pùla man! Yà'là pùla italumayippù pe messaik, ipon pùla molopai enpùla.