Romans 10:19 - Patamuna New Testament Revised

¹⁹ Molopai tu'ma tekamappoyaik, Kappon yamùk Israel pon kon uya ken na' ituppù pen? Moses uchi mùkkàlà wapiyalok yei'nài, “Àkùlùmàlunpa kon uya màlà kappon yamùk kulu pen kappon yamùk pàkànsau. Asakolopa kon uya ittunnan pen kappon yamùk ke,” {Deu 32.21}.

Romans 10:19 ပူးပေါင်းရင်းမြစ်များ

Romans 10:18

Tùse tekamappoyaik, ailon ken na' màlà tok uya itekale yetappù pùla iwechi? Ewaik, tok uya yetappù. Katù Maimu uya “Tok maimu utàppù màlà tamù'nawàlà wolù yawàlà, tok maimu utàppù tamù'nawàlà non pon kon piyak,”te kasa {Psa 19.4}

Romans 11:11

Yekamappo uya sàlà, Jew yamùk wettatai'masak yau ken na' tok wekawai'mappù tùumattatok kon yak? Kanekku! Masapùla àli kussak tok uya pàk, wepùikattàntok uyàssak màlà Jew yamùk pen winàkàik, Jew pe nai'nùk kùlùmàluntoppe tok pàk.

Romans 11:14

Masapùla utonpa yamùk ànkùlùmàlunpapa wessaik tok wepùikattàtoppe.

Romans 3:26

Màlà kupùppù Katù uya màlà ikasa tùwettok sàlà yattai yenpoika pe. Sàlà kasa Katù uya ikasa tùwechi yekama màlà molopai tamù'nawolon kon ailon tawonnan Jesus pàk yanùmù tùuya ikasa.

1 Corinthians 1:12

Sà kasa te uya uya wate. Tewinan nà uya, “Paul ya'lon Iulà” te, tùulon uya, “Apollos ya'lon Iulà” te, tùulon uya, “Cephas, Peter tukaik tesassen ya'lon Iulà” te, molopai tùulon uya, “Christ ya'lon Iulà” te.

1 Corinthians 10:19

Ailon pen katù yemyak itùsak lùppù wechi màlà yà'là pe kulu te uya na' nai'nùk wapùla ailon pen katù wechi màlà ànùppe te uya ka'lù?

1 Corinthians 11:22

Pata poichi auta'lettà kon patassek pùnon amyamlo? Molopai àwuku kon inchitok auya'nokon yau pùnon? Wapùla Katù sochiyi ku'nàinan ka' amyamlo atalumayi kon pe lù molopai kappon yamùk yà'là pùla nai'nannùk ànkuli'mapaino kon? Yà'là te uya ken sàlà àpàkù'nokon? Sàlà pàkànsau na' ayapulà kon uya màlà? Kane, ayapulà kon uya pen sàlà.

1 Corinthians 12:2

Mùttuyatàik Katù ittunnan pe pùla ewechi kon yau, ailon pen, tùuselupasan pen katù yamùk winàkàik autatùppù kon.

1 Corinthians 15:50

Sàlà tekamayaik àpàku'nokon utonpa yamùk, pun molopai mùn uya Katù wettok itepulu pe yepolo pen màlà, molopai tùukàtasen uya tùukàtasen pen yepolo pùla iwechi màlà.

1 Corinthians 7:29

Utonpa yamùk, tokkwen pata weyu man te uya nai'nùk. Sàlà motapai tàwà tùnoppù kenan kon wemapù màlà ipla tùwechi kon kasa.

Titus 3:3

Masapùla kùmyamlo nàlà wechippù pakko pe, mayin yawolon pe pùla, ennakan yapyoto pe we'nàppà'nokon màlà yà'làlà yau yauchin pe. Esseyaton pàk wema'nàppà'nokon màlà molopai kùlùmàlunàtok yau; tùulon kon kùyeya'nomatantàu molopai tok yeya'nomappù màlà.

1 Peter 2:10

Pena Katù ponalok kon pe pùla ewechippù kon, tùse sàlà pe nen uchi iponalok kon pe messatàik; pena Katù usentuppatok ittu auya'nokon pùla iwechippù, tùse sàlà pe ichentuppatok yanùnsak auya'nokon man.