Romans 10:17 - Patamuna New Testament Revised

¹⁷ Màlàpàk uchi ailon tetok màlà tùuyàssen itekale yeta winà, molopai itekale tùuyàssen Christ yekama yai.

Romans 10:17 ပူးပေါင်းရင်းမြစ်များ

Mark 4:24

Eneta kon pàk esenumenkatàk kon, molopai enetappù kon ikuttàk kon! Àtonpa kon yeselu mùttuyatài'nàk kasa Katù uya nàlà eyeselu kon ittu, tùse àsà peiwa eyittu ya màlà.

Luke 11:28

Tùse Jesus uya yeikuppù, “Wapùla làkku mà, tùutauchinpasan mùkyamlo Katù Maimu yetan nan molopai yawàlà tùwessan tà!” tukaik.

Luke 8:11

“Sàlàichi màlà panton nekama. Tùpànsen màlà Katù Maimu.

Luke 8:21

Jesus uya yeikuppù, “Usan mùkkàlà molopai uyakon non nà mùkyamlo Katù Maimu yetan nan molopai yawàlà tùwessan,” tukaik.

John 1:37

Wa te ya yetasak tùuya'nokon yau asa'lon kon inenupa ton uya Jesus wenaimappù.

Romans 1:16

Masapùla wekkuli'ma pùla man Wakù Itekale pàk. Masapùla Katù yapàikketù màlà tamù'nawolon kon ailon tawonnan tùpàk pùikattànài, wapiya Jew yamùk molopai nàlà Jew yamùk pen.

Romans 10:14

Tùse atta ken tok uya itesek yesatù ailon tesak tùuya'nokon ipàk pùla echii'ma? Molopai atta ken ailon te tok uya ipàk, itekale yetasak tùuyanokon pùla echii'mai? Molopai atta ken tok uya yeta, itekale yekama ànù'là uya pùla là tùse?

2 Corinthians 2:17

Tukkan kon tùulon kon kappon yamùk walai non pen ina mùkyamlo Katù Maimu yapulànnan temamin molopai iche tùwettok kon yepotok tùuya'nokon iwinà pe neken, tùse Katù uya ina yeunossak pàk, tùuselupasan ina ailon pe itemlotopo, Christ yapyoto pe.

Galatians 3:2

Sàlà tewinannà ànùttupai wessaik ewinàpai'nokon. Wakù Akkwalùichi mepotantàu law yawàlà ewechi kon winà, wapùla ka' Itekale yeta molopai ailon te auya'nokon winà lù?

Galatians 3:5

Katù na' mùkkàlà elepanài'nokon Takkwalù ke molopai eke ton tensan yekkwa pen ku'nài àkklottau'nokon. Masapùla law yawàlà ewechi kon pàk, wa pùla ka' Itekale yetasak auya'nokon pàk ailon tesak auya'nolon pàk lù?

Colossians 3:16

Tàwà Christ uya enupantok eyewan kon yau nechii tamù'nawàlà. Mepanamatàik molopai mepùikattàtàik tamù'nawolon ànùttu kon yawàlà. Tenki tetok itewan yau echii'ma meselenpatàik David yelemu pàk, Katù yapulànài elen mùkuttàk Wakù Akkwalù nùtùlùssan pàk meselenpatàik.

1 Thessalonians 2:13

Molopai sàlà pàkànsau tàwàlàlà, tenki te màlà ina uya Katù pàk. Katù Maimu nessak ina uya apyakù'nokon yau, metatantàu molopai manùntantàu, kappon yamùk winàpaino pe là tùkusse pùla tùse Katù Maimu pe nen tùkusse itekale manùntantàu. Katù Maimu nen nai'nùk. Masapùla Katù we'wotokoma nai'nùk amyamlo ailon tawonnan tùpàk kùlottau.

Hebrews 4:2

Wakù Itekale yetappù'nokon nàlà man, tok uya yetappù kasa làma. Itekale yetappù tok uya tùse yà'là pe pùla tok pona iwechippù màlà. Masapùla mùkyamlo yetannan nùssan uya ailon tesak pùla iwechi pàk.

1 Peter 1:23

Masapùla nulànan molopai tàwàlàlà tùwemassen Katù Maimu yai ewentu tu'masak kon màlà, tàwàlàlà tùwemassen tùwelichen pen munkà yamùk pe.

Revelation 1:9

Iulà mùkkàlà John, àtonpa kon, molopai Jesus ponalok Iulà àpokon pan kon, wettalumattàntok yau molopai pàlikantok yau itepulu pe iwettok yau. Pata lùkkwà tuna iwoino Patmos po wechippù màlà masapùla Katù Maimu molopai ailon Jesus nenpoikappù yekamasak uya pàk.