Romans 10:16 - Patamuna New Testament Revised

¹⁶ Tùse tamù'nawolon kon uya Wakù Itekale yanùnsak pùla iwechi màlà. Isaiah uya suwa teppù, “Uyepulu Katù, ànùk uya ken ailon tesak nai ina yekale pàk?” {Isa 53.1}

Romans 10:16 ပူးပေါင်းရင်းမြစ်များ

Matthew 13:14

Katù Maimu yenpoikanài Isaiah uselupappù màlà kasa iwechi màlà tukaik kasa, ‘Yeta là auya'nokon màlà tàwàlà, tùse ittu auya'nokon pen. Yene là auya'nokon màlà tàwàlà, tùse yene auya'nokon pen.

John 10:26

Tùse ailon te auya'nokon pùla man, masapùla uyùkùnnon kalinilu yamùk pe pùla ewechi kon pàk.

Yeunossak kon Wotokoyi 28:24

Tùulon kon uya ailon teppù imaimu pàk, tùse tùulon kon uya ailon te pùla iwechippù.

Romans 1:5

Mùkkàlà yai màlà Katù uya ukupùppù tùneunoko pe, Christ yesek pàkànsau, kappon yamùk tamù'nawolon pata yamùk yawolon kon Jew yamùk pen nà nen yatoppe uya ailon tetoppe tok uya, molopai Katù Maimu yawàlà tok wettoppe.

Romans 11:17

Imainanpasak olive panta yamùk tonpa wekkwàtùppù man, molopai imainanpasak pen panta ki'masak man ipatappù yak. Amyamlo Jew yamùk pen wechi màlà imainanpasak pen olive yek kasa. Molopai nen uchi Jew yamùk meluntàlù molopai wakù wema'nàtok pùkkù pe ewechi kon màlà.

Romans 16:26

Tùse sàlà pe nen uchi, sàlà itekale yekamasak man molopai tàwàlàlà tùwemassen Katù uya tùmaimu yenpoikannan yapyontàppù màlà wakù itekale menukatoppe tok uya, tamù'nawolon kon kappon yamùk uya ailon tetoppe molopai imaimu yawàlà tok wettoppe.

Romans 2:8

Tùse mùkyamlo tùpàkù'nokon neken tùsenumenkasan molopai ailon nulunpannan àli kuttoppe tùuya'nokon pàk àsà pe Katù we'naika màlà.

Romans 3:3

Yà'là pe ken iwechi tok tonpa yamùk wechi ailon pe pùla yau? Sàlà uya ka' Katù wechi ailon pe pùla te pe iwechi màlà lù?

Romans 6:17

Tùse tenki tepai'nokon Katù pàk, masapùla pena àli yapyoto pe ewechippù kon màlà, tùse sàlà pe ailon, yeposak lùppù enupantok, enepoloppù kon yau, maimu yawàlà ewechi kon tamù'nawàlà eyewan kon ke.

Galatians 3:1

Pakko ton Galatia pon kon! Ànùk uya ken epe pùla ewelaika kon pa àkupùppù kon? Eyemloto kon po ku yene kon pa Jesus Christ pukapàtùppù pulusuk pona yekamappù uya àpàkù'nokon?

Galatians 5:7

Wakù ye'ma tawà ku mettantàu tà! Ànùk eyeleutanùttantàu molopai àkuttantàu ailon yawàlà ewettok kon pe pùla?

Hebrews 11:8

Ailon tetok winà Abraham wechippù màlà Katù Maimu yawàlà tùkà'masak ya yau, molopai iitàppù tùpata woton pe itùlù tùuya teppù Katù uya tùpàk yak. Tùpata nàmàppù ya i'nailà tùutà ittui'ma pùla.

Hebrews 4:2

Wakù Itekale yetappù'nokon nàlà man, tok uya yetappù kasa làma. Itekale yetappù tok uya tùse yà'là pe pùla tok pona iwechippù màlà. Masapùla mùkyamlo yetannan nùssan uya ailon tesak pùla iwechi pàk.

Hebrews 5:9

Ikasa kulu Jesus wekonekasak pàk, mùkyamlo tùmaimu yawolon kon nà pùikattà ya màlà tàwàlàlà.

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

1 Peter 2:8

Molopai, “Sàlà màlà tàk kappon yamùk wettatai'matok iwinà woton, tàk tok kawai'ma woton,” teppù. {Isa 8. 14} Tok wettatai'ma màlà masapùla ailon tesak tok uya Katù Maimu pàk pùla iwechi pàk, màlàichi Katù yeselu tok ponalok.

1 Peter 3:1

Màlà kasa làma ichi amyamlo ulichamichi, tùtayappù kenan kon atayappù kon yentai kettàu, ailon te tok uya pùla iwechi Katù Maimu pàk yau, ailon tetoppe tok uya wakù eyeselu kon pàkàlà, euselupa pàkàlà kulu pùla,