Romans 10:15 - Patamuna New Testament Revised

¹⁵ Molopai atta ken uchi itekale yekama, itekale yekamannan yeunossak pùla iwechi tùse? Katù Maimu uya, “Wakù kulu màlà Wakù Itekale ne'nàinan pùta!” te màlà. {Isa 52.7}

Romans 10:15 ပူးပေါင်းရင်းမြစ်များ

Matthew 9:38

Tùpilichen yesak ipawanattàtàk kon tukkeiwa ipili'nàinan yeunottoppe ya,” teppù.

Luke 10:1

Sàlà tùpo Itepulu uya tùulon kon kàyik yamùk yanùmùppù 72 pe. Molopai tok yeunokoppù ya asa'là'ne, tùwapiya tok utàtoppe tamù'nawàlà pata yamùk tùutàtok yak woton kon yak.

Luke 2:10

Tùse inchelù uya tok pàk, “Kettalipatàu! Masapùla wakù Itekale nessak uya sàlà àponalok kon pe. Eke pe utauchinpantok nepù woton tamù'nawolon kon kappon yamùk piyak.

Luke 2:14

“Katù epùn pon, yapulà pai! Molopai kappon yamùk uyauchinpan nan non pon kon ponaloppe wàlàkka'nàtok nechii!” tukaik.

Luke 8:1

Mala là tachin pe tùpo Jesus utàppù màlà pata yamùk eke ton molopai echikili ton nà pata yawàlà, Wakù Itekale Katù wettok itepulu pe yekale yekama pe. 12 pan kon ya'lon kon utàppù màlà ya'là.

John 20:21

Màlàyau Jesus uya tu'ma tok pàk, “Wàlàkka'nàtok wechi màlà apyau'nokon, Ukàipùnù uya uyeunossak nai'nùk kasa làma eyeunoko kon uya sàlà,” teppù.

Yeunossak kon Wotokoyi 10:36

Mùttuyatàik itekale ineunokoppù kappon yamùk Israel pon kon piyak, Wakù Itekale wàlàkka'nàtok yekama pe Jesus Christ yai. Mùkkàlà tamù'nawolon kon Yepulu.

Yeunossak kon Wotokoyi 13:26

“Utonpa yamùk, Abraham payan nùssan, molopai Jew yamùk pen talà Katù yapulàn nan, kùponalok pe màlà sàlà wepùikattàntok yekale yeunossak!

Yeunossak kon Wotokoyi 22:21

‘Itàkà, eyeunoko uya sàlà mei Jew yamùk pen kùlottak,’ teppù ya upàk.

Yeunossak kon Wotokoyi 9:15

Tùse Itepulu Jesus uya, “Itàkà, masapùla yanùnsak uya màlà uyapyoto pe iwettoppe uyesek yekama toppe ya Jew yamùk pen pàk molopai tok kinù yamùk pàk molopai Israel pon kon pàk.

Romans 1:15

Màlàpàk àpàkù'nokon nàlà Wakù Itekale enekamapai kulu wessaik amyamlo Rome po tùwemassan.

Romans 15:20

Jesus yekale usekamappù yau pen pata yau Wakù Itekale enekamapaino Iulà tàwàlà, tùulon kon nùpyattàppù pàk we'wotokoma tukaik.

Ephesians 2:17

Màlàpàk Christ uyàpùppù màlà. Wakù Itekale echitonpa pe we'nàtok yekamaik tamù'nawolon kon pàk. Amyamlo Jew yamùk pen Katù winàpai mei iwessak kon pàk, molopai Jew yamùk mei pùla tùpàk iwessak kon pàk.

Ephesians 3:8

Iulà mùkkàlà tamù'nawolon kon Katù ponalok kon kappon yamùk ma'lan kulu. Tùse Katù uya ulepappù sàlà wakù wotoko ke Wakù Itekale yatoppe uya Jew yamùk pen piyak tùwenukapù woton pen wakù ton Christ piyawon kon mamin yekamase.

Ephesians 6:15

Molopai wekonekansak Wakù Itekale echitonpa pe we'nàtok yekamatok attassa kon pe.

1 Peter 1:12

Katù uya yenpoikappù màlà pùsamlo pàk tok wotokoyi wechi tok ponaloppe pùla, tùse àponalok kon pe, tok uselupappù ailon pàk màlà enetappù kon kasa. Wakù Itekale yekamannan ichelupasak kon Wakù Akkwalù meluntàlù yeunossak lùppù epùn poi winà uya, sàlà yamùk ailon ton yekamappù àpàkù'nokon. Sàlà yamùk uchi màlà inchelù yamùk lànen wettok ànùttupai.