Romans 10:14 - Patamuna New Testament Revised

¹⁴ Tùse atta ken tok uya itesek yesatù ailon tesak tùuya'nokon ipàk pùla echii'ma? Molopai atta ken ailon te tok uya ipàk, itekale yetasak tùuyanokon pùla echii'mai? Molopai atta ken tok uya yeta, itekale yekama ànù'là uya pùla là tùse?

Romans 10:14 ပူးပေါင်းရင်းမြစ်များ

Matthew 20:7

‘Ànù'là uya ina yekamapposak ina we'wotokomatoppe pùla iwechi pàk,’ tukaik tok uya yeikuppù. ‘Itàtàk kon nàlà e'wotokomase u'mà yak,’ teppù ya tok pàk.

John 20:31

Sàlà yamùk we'menukasak màlà ailon te kon pa Jesus wechi Christ pe molopai Katù Mumu pe pàk, molopai ailon tetok auya'nokon yai tàwàlàlà wema'nàtok yesappe ewechi kon màlà itesek yai.

John 9:36

Imaimu yeikuppù ya, “ Itepulu anùk ken uchi mùkkàlà, yekamakà upàk ailon te toppe uya ipàk,” tukaik.

Yeunossak kon Wotokoyi 19:2

Tok yekamappoppù ya, “Wakù Akkwalù na' manùntantàu ailon tawonnan pe ewenasak kon yau?” tukaik. “Wakù Akkwalù wechi molo yekale yetasak là ina uya pùla man,” tukaik tok uya imaimu yeikuppù.

Yeunossak kon Wotokoyi 8:31

“Atta ken uchi ittu uya, tùse ànù'là uya neken yekama upàk yau ittu uya?” tukaik imaimu yeikuppù ya. Màlàyau Philip kà'mappù ya iwenuttoppe molopai iweleutatoppe tùpyak kanau yak.

Romans 1:5

Mùkkàlà yai màlà Katù uya ukupùppù tùneunoko pe, Christ yesek pàkànsau, kappon yamùk tamù'nawolon pata yamùk yawolon kon Jew yamùk pen nà nen yatoppe uya ailon tetoppe tok uya, molopai Katù Maimu yawàlà tok wettoppe.

Ephesians 2:17

Màlàpàk Christ uyàpùppù màlà. Wakù Itekale echitonpa pe we'nàtok yekamaik tamù'nawolon kon pàk. Amyamlo Jew yamùk pen Katù winàpai mei iwessak kon pàk, molopai Jew yamùk mei pùla tùpàk iwessak kon pàk.

Ephesians 4:21

Yetappù auya'nokon molopai ya'lon kon pe eyenupappù kon ailon pàk Jesus yau nai'nùk pàk.

2 Timothy 4:17

Tùse Itepulu upyau nettai molopai ulepatai meluntà ke, tamù'nawàlà itekale yekama toppe uya kappon yamùk Jew yamùk pen uya yeta toppe; molopai Itepulu uya upùikattàppù “Palauya mùtapai.”

Titus 1:3

molopai iwalai iweyu yattai màlà yenpoikappù ya Wakù Itekale tekale yau. Sàlà tùlùppù màlà uyemyak, molopai yekamanài Iulà, Katù kùpàikattànài'nokon uya enupantok yawàlà.

Hebrews 11:6

Ànù'là uya Katù yauchinpa ailon tetok pùla echii'ma pùla iwechi màlà. Masapùla ànù'là Katù piyak tùuyàssen wechi màlà ailon tawon pe molo iwechi pàk, molopai mùkyamlo tùwannnan ye'manài pe iwechi pàk.

James 5:15

Sàlà wàpùlemantok ailon tetok yau ikussak uya, e'nek kappon pùikattà màlà: Itepulu uya iwuluuka màlà molopai e'neppe pùla iwechi, molopai iwemakuimasak yau, usentupantok yepolo ya màlà.