Romans 10:12 - Patamuna New Testament Revised

¹² Masapùla tùpatalà we'nàtok pùla iwechi màlà Jew yamùk molopai Jew yamùk pen kùlottau. Katù mùkkàlà, mùkkàlà lùppù tamù'nawolon kon Yepulu, molopai eke pe tamù'nawolon kon tesek yesà'nàinan lepanài.

Romans 10:12 ပူးပေါင်းရင်းမြစ်များ

Yeunossak kon Wotokoyi 7:59

Tàk ke tok uya ùwànà tùse Stephen wàpùlemappù, “Itepulu Jesus uyakkwalù yanùnkà!” tukaik.

Yeunossak kon Wotokoyi 9:14

Molopai iyàssak màlà Damascus pona, eke ton paatele yamùk yepulu ton winàpai tapàikketù tepose, molopai tamù'nawàlà eyesek yesa'nài nan yachise,” tukaik.

Romans 14:9

Masapùla Christ welikùppù molopai iwe'wuluukappù wema'nàtok yak, nulànan kon molopai iwelichak kon yepulu pe tùwettoppe.

Romans 15:12

Molopai tu'ma Aichaya uya, “Jesse pa uyàpù màlà, iwuluuka màlà Jew yamùk pen yepulu pe iwettoppe, molopai enpen tok wechi màlà ipàk,” te. {Isa11.10}

Romans 2:4

Wapùla ka' Katù wettok wakù pe ku'nài àmàlà i'nùmla lù? Wapùla pàlikantok ya molopai tùusentuppatok yau alikyeppe eyenpàtù ya. Mùttuyan uchi yà'là pe iwechi pàk Katù wechi tùusentuppasen pe? Masapùlaichi àli pe ewettok kon winàpai ewelattà kon iche tùwechi pàk.

Romans 3:22

Sàlà ikasa we'nàtok màlà Katù winàpai tùuyàssen Jesus Christ pàk ailon tetok yai tamù'nawolon kon ailon tawonnan piyak, masapùla tùpatalà we'nàtok pùla kulu iwechi màlà.

1 Corinthians 1:2

Katù sochiyi Corinth pon piyak, mùkyamlo iwekonekasak kon wakù pe Christ Jesus yau molopai ikà'masak kon esuken tok wettoppe piyak, tamùkke tamù'nawolon kon kappon yamùk pokonpe mailàlà Kùyepulu kon Jesus Christ yesek yesa'nàinan, tok yepulu molopai kùyepulu kon.

1 Corinthians 15:47

Wapiyalok kàyik konekappù màlà non ippunuppù yapai, ite'mappù pokon kàyik epùn winàpaino.

2 Corinthians 8:9

Masapùla mùttuyatàik wakù kùyepulu Jesus Christ nùkupùppù tamù'nawolon yesappe lànen tùwechi tùse, àpàkànsau'nokon yà'làlà pùla iwenappù, yà'là pùla iwenatok winà nen uchi tamù'nawolon yesappe ewena kon pa.

Galatians 3:28

Màlàpàk tùpatalà we'nàtok pùla iwechi màlà Jew yamùk molopai Jew yamùk pen kùlottau, apyoto ton molopai apyoto ton pen kùlottau, kàyik yamùk molopai nossan yamùk kùlottau, tamù'nawàlà tewin ewechi kon màlà Christ Jesus yau.

Ephesians 1:7

Masapùla Christ mùnù yai wepùikattànsak nokon màlà, kùmakuyi kon pàk usentupansak. Eke kulu màlà wakù pe we'nàtok Katù winàpaino,

Ephesians 2:4

Tùse Katù usentupatok màlà eke kulu, molopai kù'nùnmatok kon ya eke kulu.

Ephesians 2:7

Sàlà kupùpù Katù uya màlà ewanawolok yattai eke kulu wakù pe tùwettok, pùnùnmantok tùuya yau tùnekamappù kùpàkù'nokon Christ Jesus yau yekama toppe tùuya.

Ephesians 3:16

Katù yekamapponài Iulà, tukkan wakù ton epùn pon ke elepatokkonpe ya meluntà Wakù Akkwalù yai, meluntà pe ewechi kon pa ayakkwalù kon yau.

Ephesians 3:6

Sàlàichi màlà tùttusen pen: Wakù Itekale winà Jew yamùk pen wechi màlà Jew yamùk pùkkù pe Katù uya pùlemantok yau. Tewin ipun tok wechi màlà molopai Katù uya itùlù tùuya teppù lùppù pùkkù pe tok wettoppe màlà ikussak Christ Jesus yau.

Ephesians 3:8

Iulà mùkkàlà tamù'nawolon kon Katù ponalok kon kappon yamùk ma'lan kulu. Tùse Katù uya ulepappù sàlà wakù wotoko ke Wakù Itekale yatoppe uya Jew yamùk pen piyak tùwenukapù woton pen wakù ton Christ piyawon kon mamin yekamase.

Philippians 2:11

Molopai tamù'nawolon kon uya ayupo yekama màlà Jesus Christ wechi Itepulu pe, Katù Kùkàipùnù yapulàtoppe.

Philippians 4:19

Molopai Katù Ukàipùnù uya iche kulu ewettok kon tùlù màlà itesappe tùwettok yawà tapulàtok yau, Christ Jesus winà.

Colossians 1:27

Katù uya sàlà kupùppù màlà masapùla Jew yamùk pen uya sàlà wakù kulu molopai tùttusen pen ittu iche tùwechi pàk. Molopai màlà tùttusen pen màlà Christ wemapù ayau'nokon molopai mùkkàlà, mùkkàlà enpen ewettok kon Katù yapulàtok pùkkù pe ewechi kon pàk.

Colossians 3:11

Màlàpàk, tùpatalà'ne we'nàtok Jew yamùk pen molopai Jew yamùk kùlottau pùla iwechi màlà, mùkyamlo Jew yattàtok yesak molopai ipùnon kùlottau, kaklan yamùk molopai àsà ton kappon yamùk kùlottau, apyoto ton molopai apyoto ton pen kùlottau. Tùse Christ mùkkàlà tamù'nawolon. Molopai Christ mùkkàlà tamù'nawolon yawon.

1 Timothy 2:5

Masapùla Katù mùkkàlà tewinan, molopai tewinan nàlà molo man Katù molopai tamù'nawolon kon kappon yamùk yakkletawon, mùkkàlà kàyik Christ Jesus.

Revelation 17:14

Tok wepanta'ma màlà Kalinilu Mule winàkàik, tùse Kalinilu Mule molopai inkà'massan, inanùmùssan molopai ailon pe iwessak kon ya'lon kon uya tok yentaika màlà, masapùla itepulu yamùk Yepulu mùkkàlà molopai kin yamùk Kinù,” teppù ya.

Revelation 19:16

Ipon pàk molopai ichi pàk esek menukasak wechippù, “Kin yamùk Kinù, molopai itepulu yamùk Yepulu,” tukaik.