Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Romans 1:8 - Patamuna New Testament Revised

8 Wapiya, tenki tawon Iulà ukàipùnù Katù pàk Jesus Christ yai, tamù'nawàlà àpàkànsau'nokon. Masapùla tamù'nawolon kon wolù yawon kon kappon yamùk uya ailon tetok auya'nokon yekale yetasak pàk.

အခန်းကိုကြည့်ပါ။ ကော်ပီ




Romans 1:8
25 ပူးပေါင်းရင်းမြစ်များ  

Molopai sàlà Wakù Itekale itepulu pe we'nàtok yekale yekama màlà tamù'nawàlà wolù yawàlà pata yamùk yawolon kon pàk, molopai nen uchi iwenukatok uyàpù màlà,” teppù Jesus uya.


Màlà yattai Ceasar Augustus uya tùmaimu yeunokoppù màlà tamù'nawolon kon uya tesek kon menuka toppe.


Tok tonpa Agabus itesek, wà'mùssakkappù molopai Wakù Akkwalù meluntàlù winà eke kulu iwan uyàpù tamù'nawàlà non pona, winàkàik iwechi yekamappù ya. Iyàpùppù màlà Claudius wechi itepulu pe yattai.


Tùse euselupatok enetapai ina man, masapùla ina nùttuyan mailàlà kappon yamùk uselupa àli pe, sàlà enupantok yau messaik nùk winàkàik,” teppù.


Tùse tekamappoyaik, ailon ken na' màlà tok uya itekale yetappù pùla iwechi? Ewaik, tok uya yetappù. Katù Maimu uya “Tok maimu utàppù màlà tamù'nawàlà wolù yawàlà, tok maimu utàppù tamù'nawàlà non pon kon piyak,”te kasa {Psa 19.4}


Tamù'nawolon kon uya mayin yawolon kon pe ewechi kon yekale yetasak man màlàpàk utauchinpayaik àpàkù'nokon. Wakù peichi nai'nùk tùttuik ewechi kon iche wessaik, tùse àli pe nai'nùk ku'nài pe pùla.


Tùse tenki tepai'nokon Katù pàk, masapùla pena àli yapyoto pe ewechippù kon màlà, tùse sàlà pe ailon, yeposak lùppù enupantok, enepoloppù kon yau, maimu yawàlà ewechi kon tamù'nawàlà eyewan kon ke.


Tenki tawon Iulà Katù pàk tàwàlà àpàkànsau'nokon, masapùla wakù kussak ya àponalok kon pe Christ Jesus yai pàk.


Tùse tàwà tenki tetok Katù pàk molo nechii! Masapùla Katù uya ina yalà màlà entaikantok yak Christ yai. Katù uya ina yai tekale yeunoko màttawàlà tùkà'nùnsen kà'nùmù i'nailàlà kasa.


Sàlà wenai, ailon tetok auya'nokon Itepulu Jesus pàk molopai tamù'nawolon kon Katù ponalok kon pùnùnmatok auya'nokon yetasak uya motapai,


àpona'nokon wàpùlematok yeleutanùssak uya pùla man Katù pàk tenki te uya yau. Eyittunài'nokon Iulà wàpùlema yau,


Tàwàichi Katù yapulài sochi, Christ Jesus yau, tachin pe, tàwàlàlà molopai tàwàlàlà. Emen.


Tàwàlàlà tenki katàk kon tamù'nawolon pàk Katù Kùkàipùnù kon pàk, Kùyepulu kon Jesus Christ yesek yau.


Jesus Christ uya àkupù kon màlà wakù eselu kupù pàk ewechi kon pa. Sàlà uya Katù yapulàtok molopai inamatok nepù màlà.


Tenki ukayaik Katù pàk tamù'nawàlà àpàkù'nokon, tàwàlà là àpàkù'nokon usenumenka yau.


Tàwàlàlà tenki tawonnan ina Katù pàk, Kùyepulu kon Jesus Christ Kàipùnù pàk, àpona'nokon ina wàpùlema yau.


Tenki tawonnan ina tàwàlà Katù pàk ina wàpùlema yau, eyekama kon pe.


Molopai sàlà pàkànsau tàwàlàlà, tenki te màlà ina uya Katù pàk. Katù Maimu nessak ina uya apyakù'nokon yau, metatantàu molopai manùntantàu, kappon yamùk winàpaino pe là tùkusse pùla tùse Katù Maimu pe nen tùkusse itekale manùntantàu. Katù Maimu nen nai'nùk. Masapùla Katù we'wotokoma nai'nùk amyamlo ailon tawonnan tùpàk kùlottau.


Tenki te kulu sàlà ina uya Katù pàk àpàkànsau'nokon tàwàlà, utonpa yamùk! Sàlà wechi màlà ikasa, masapùla ailon tetok auya'nokon Christ pàk yawàlà ewettok kon nenayan meluntà pe, molopai eke pe, molopai euchi'nùnmatok kon nenayan tense eke peiwa.


Tenki ukayaik Katù pàk, yapulù pe we'wotokoma pàk tùwanmùla echii'ma esuken, utamo yamùk we'wotokomappù kasa. Tenki tawon Iulà eyittu uya tàwàlà wàpùlema yau, ewalupàttau molopai wei nai.


Utonpa Philemon, wàpùlema yau tàwàlàlà, eyekamanài Iulà, molopai tenki tawon Katù pàk.


Jesus yai uchi Katù piyak apulàntok tùpai'nokon man, kùmaimu kon ke tenki tetok tùpai tàwàlàlà itesek pàk.


Àitàk kon nulànan tàk kasa, molopai tapulàsan pe ettàk Katù yùwùk kappon namùppù pen tensen pen yamù yau, màlà motau wakù pe tùwe'wotokomasan pe ewechi kon pa, wakù ton Katù lepatok iche iwettok tùlù pàk Jesus Christ yai .


Ànù'là itekale yekamanài, tàwà Katù Maimu yekamai; ànù'là tùulon kon pùikattànài, tàwà tok pùikattài, meluntà, màlà Katù uya tùlepatok ke, tamù'nawolon yau apulàntok tùtoppe Katù piyak Jesus Christ yai, apulàntok molopai apàikkeppe we'nàtok iponalok tàwàlàlà molopai tàwàlàlà. Emen.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ