Romans 1:30 - Patamuna New Testament Revised

³⁰ Àli pe tùuselupasan tùtonpa kon pàk yeta ya pùla, Katù yeya'nomannan. Yà'làlà ànkuppai nokon tùyiwalà'nokon teselu kon yawà, tùtonpa kon yentai tùwekkussan molopai tamù'nawolon ittunài pe tukaik tùwekkussan, àli kuttok yawàlà woton kon pàk tùusenumenkasan, tùsan kon, tùkàipùnù kon maimu yawolon kon nà pen.

Romans 1:30 ပူးပေါင်းရင်းမြစ်များ

Matthew 15:4

Masapùla Katù uya, ‘Àkàipùnù kon molopai asan kon inamatàk kon,’ molopai, ‘Ànù'là àli pe tùkàipùnù pàk wapùla tùsan pàk tùuselupasen wànà màlà,’ teppù.

Matthew 16:21

Màlà motapai nen uchi Jesus uya ta'lon kon yelupappù màlà, “Utà pe man Jerusalem pona molopai eke ton uya utalumattà màlà ipla àsà pe, eke ton paatele yamùk yepulu yamùk, molopai Law pàk enupannan uya. Uwànà màlà molopai icholùwano wei yattai uwuluuka màlà,” tukaik.

Luke 21:16

Àkàipùnù kon nà molopai asan kon uya là àtùlù kon màlà, àlunan kon uya là, àtonpa kon yamùk uya là, ewechi yakon non uya là àtùlù kon màlà, molopai iwelittok yak àtonpa kon yamùk tùlù tok uya màlà.

John 7:7

Wolù yawon kon uya tewanma kon pe àkupù kon pen màlà, tùse tewanma kon pe tok ukussan masapùla tok nùkupù pàk àli pe iwechi màlà teuya pàk.

Yeunossak kon Wotokoyi 5:36

Wapiya Theudas usenpoikappù, eke pe iwekkupùppù. Màlàyau 400 yailà'ne kappon yamùk wessepoloppù ipyau. Tùse iwànàppù, màlàyau tamù'nawàlà ya'lon kon wetta'nùpùppù molopai iwotokoyi weleutappù.

Romans 2:17

Àmàlà nen Jew pe tùusesassen. Law pàk ailon tawon molopai Katù ittu auya pàk tùutapulàsen àmàlà.

Romans 2:23

Law yesappe ewechi pàk tùutapulàsen àmàlà Katù pàk uchi tùwe'namasen pen àmàlà Law maimu ikkwàtù auya yau?

Romans 3:27

Yà'là ken uchi molo nai utapulàntok ipàkànsau woton? Ipla man. Yà'là pe iwechi pàk? Masapùla ka' Law maimu yawàlà kappon wechi pàk lù? Kanekku, tùse ailon tetok kappon uya pàkàlà làkku.

2 Corinthians 10:15

Màlàpàk ina utapulà tùulon kon nùkupùppù wotoko pàk pùla man. Tùse làkku enpen ina man ailon tetok auya'nokon wekatù pàk, molopai eke peiwa ina wotokoyi wettoppe àkklottau'nokon.

2 Corinthians 12:20

Masapùla usenalipayaik miyalà uyàssak yau eyepolo kon uya yeselùkek iwechi pàk eyiche'nokon wettok kasa pùla. Molopai uyepolo auya'nokon uyiche ewettok kon kasa pùla. Usenalipayaik usàulàmantok, kùlùmà, molopai we'naikantok, amlek we'nàtok, àli pe uselupantok, molopai tùulon kon yekale pàk uselupantok, utapulàntok molopai utaimelunpantok yepolo uya àklottau'nokon yeselùkek iwechi pàk.

2 Thessalonians 2:4

Yà'làlà, kappon yamùk wàpùlematok ipàk, iche pùla iwechi màlà. Molopai wepeiman nà inama pe wechi itewanma pe, tamù'nawolon màlà yamùk yentai iwekkupù màlà, molopai ità Katù yùwùk tak chichiu pe esse, eke pe ekkusse, molopai Katù pe tukaik iwekkupù màlà. ‘Iulà nen mùkkàlà Katù,’ te ya màlà.

2 Timothy 3:2

Kappon yamùk wechi màlà tùmàlà neken pùnùnmannan pe, pùlayatta pùnùmannan pe, tùutapulàsan pe, tùtonpa yentai wakù pe tùwekkussan pe, mottùnpannan pe tok wechi màlà, tùsan kon maimu yawàlà pùla tùwessan pe, tenki tawonnan pe pùla, esuken pùla;

Titus 3:3

Masapùla kùmyamlo nàlà wechippù pakko pe, mayin yawolon pe pùla, ennakan yapyoto pe we'nàppà'nokon màlà yà'làlà yau yauchin pe. Esseyaton pàk wema'nàppà'nokon màlà molopai kùlùmàlunàtok yau; tùulon kon kùyeya'nomatantàu molopai tok yeya'nomappù màlà.

James 3:5

Sàlà yekkwaichi màlà ani: elekkwà pe lànen echii'ma, tùutapulàsen eke pe kulu. Yentàk kon eke pe apok uyatù elekkwà apok yalàn ke iyassak.

James 4:16

Tùse sàlà pe eke pe tukaik tùwekussan amyamlo; molopai tùutapulàsan tamù'nawolon màlà yekkwa màlà àli iwalai pen.

2 Peter 2:18

Ittu tùuya'nokon kasa kulu tùuselupasan mùkyamlo tùutapulà kon pe, molopai ikasa pùla tùwemassan winàpai iwemokkasak kon emennak pe, yamùipannan mùkyamlo yà'làlà akùlù teselu kon kupù tùuya'nokon yai.

Jude 1:16

Pùsamlo mùkyamlo kappon yamùk tùusàlàma pàk tùwessan tàwàlà, àli tùulon kon yeselu yeneiche kulu tùwessan; iche tùwettok kon yawàlà tùwessan àli yau; tùutapulàsan, molopai tùulon kon yapulà pe tukaik tùusennakasan yà'làlà iche tùwettok kon yepotoppe tùuya'nokon.