Romans 1:28 - Patamuna New Testament Revised

²⁸ Màlà pe neken pùla kappon yamùk uya Katù tùttuik we'nàtok yekale nulunpasak tanùnse pùla pàk, tok tùsak ya màlà àli pe tok usenumenkantok yemyak, àli ton tùnkupù kon pen kuttoppe tok uya.

Romans 1:28 ပူးပေါင်းရင်းမြစ်များ

Yeunossak kon Wotokoyi 17:23

Masapùla usalà apata kon yawàlà yau, tentai àwàpùlema kon patassek, molopai tepotai molo imenukasak, ‘Tùtusen pen Katù pàk,’ tawon. Mùkkàlà màpùlemayatài'nùk ipàk, ittu auya'nokon pùla là tùse, mùkkàlà yekama uya sàlà àpàkù'nokon,”

Yeunossak kon Wotokoyi 17:32

Paul uselupa we'wuluukantok weli'nàtok yapai pàk yeta tùuya'nokon yau, tùulon kon uya imottùnpappù, tùse tùulon kon uya, “Ina sàlà pàk euselupa tu'ma enetapai man,” teppù.

Romans 1:18

Katù we'naikatok usenpoikasak man epùn winàpai. Iyàssak màlà tamù'nawolon àli ton molopai àli pe kappon yamùk wettok pona, mùkyamlo àli pe tùwettok kon yeselu ke ittutoppe pùla ailon wakkàssai'nannùk pona.

Romans 1:21

Katù ittunnan mùkyamlo, tùse yapulàtok molopai inamatok iponalok tùnnan pen. Tenki tawonnan pen mùkyamlo. Tok usenumenkatok wenasak màlà itenpù pe. Molopai tok usenumenkatok wenasak pakko pe molopai ewalupà pe.

Romans 1:24

Màlàpàk Katù uya tok tùsak màlà àli ton tewan kon wettok ànkuppai kuttoppe tok uya. Molopai àli ton kuli'mannan ku'nài nan mùkyamlo tùke'nokon tùtonpa kon pokonpe.

Romans 1:26

Kapon yamùk nùkupù wenai Katù uya tok nonkasak màlà, kuli'manài àli ànkuppai tok wettok tùke'nokon kuttoppe tok uya. Molopai nossan yamùk uya nàlà ikasa tesak kon yapulàtok tùuya'nokon mùyakanmappù àli pe yapulàtok yak.

1 Corinthians 15:34

Ennappotàk kon wakù pe eusenumenkatok kon yak, molopai àli kuttok auya'nokon yeselu yeleutanùttàk kon. Sàlà te uya sàlà ewekuli'ma kon pa, masapùla molo man àkklottau'nokon tùulon kon Katù ittunnan pen.

2 Corinthians 10:5

Usàulàmantok kon molopai tamù'nawolon uselupantok Katù ittutok wakà'nài mattanù'nài nan ina. Tamù'nawàlà usenumenkantok yachinài nan ina, Christ maimu yawàlà iwettoppe.

Ephesians 5:4

Ikasa pùla nàlà àli pe uselupantok, pakko pe àli mayin yapulàtok, àli pe wo'mattantok wechi màlà, màlàpàk kùsapulàtàu. Tùse làkku tenki katàk kon Katù pàk.

2 Timothy 3:8

Walawotichi yamùk Jannes molopai Jambres tawonnan uya Moses wakkàtùppù kasa, pùsamlo uya ailon wakkàtù màlà, àli pe tùusenumenka kon winà molopai ailon te tùuya'nokon ailon pen pàk winà.

Titus 1:16

Tok uya, “Katù ittunài Iulà,” te màlà; tùse tok welaikatok uya yenpoika pùla iwechi màlà. Akùlù ton mùkyamlo, molopai mayin yawolon kon pen, wakù ku'nàinan pe tok wechi pùla iwechi.

Philemon 1:8

Sàlà winà tùwe'namaik pùlaiwa wechi eppaino, àtonpa pe Christ ponaloppe tùwekkusse, eyekamappo uya tùkussen kupù pa .

2 Peter 3:5

Sàlà yenpàtùppù tok uya ittui'ma: pena Katù uselupappù, molopai kak molopai non wekonekappù imaimu winà. Non wekonekappù màlà tuna yapai, molopai tuna winà,